విరేచనాలు..
పుచ్చకాయలో నీటి శాతం ఎక్కువగా ఉంటుంది. దీనిలో ఫైబర్‌ కంటెంట్ కూడా ఎక్కువగా ఉంటుంది. అయినప్పటికీ, పుచ్చకాయ అతిగా తీసుకోవడం వల్ల విరేచనాలు, కడుపుఉబ్బరం, గ్యాస్, జీర్ణ సమస్యలు వచ్చే అవకాశం ఉంది. పుచ్చకాయలో చక్కెర సమ్మేళనం అయిన సార్బిటాల్ ఉంటుంది. ఇది గ్యాస్ సమస్యలను ప్రోత్సహిస్తుంది. పుచ్చకాయలో ఉండే లైకోపీన్ యాంటీఆక్సిడెంట్‌ కంటెంట్ కారణంగానూ జీర్ణ సమస్యలు వచ్చే అవకాశం ఉంది. లైకోపీన్ కారణంగా..పుచ్చకాయ ఎర్ర రంగు వస్తుంది. దీనిలో ఫ్రక్టోజ్ అధికంగా ఉంటుంది. దీని కారణంగా పుచ్చకాయను అధికంగా తింటే కడుపు ఉబ్బరంగా ఉంటుంది. ముఖ్యంగా రాత్రి సమయంలో పుచ్చకాయ తింటే మరింత సమస్య పెరుగుతుందని నిపుణులు చెబుతున్నారు
చక్కెర స్థాయిలు పెరుగుతాయ్‌
డయాబెటిస్ సమస్యతో బాధపడుతున్న వారు పుచ్చకాయను తక్కువగా తీసుకుంటేనే మంచిది. వాస్తవానికి, ఎక్కువగా పుచ్చకాయ తింటే.. రక్తంలో చక్కెర స్థాయిలు పెరిగే అవకాశం ఉంది.ఇందులో ఉండే సహజ చక్కెర డయాబెటిస్‌తో బాధపడేవారకి ఇబ్బందులు తీసుకువస్తుంది. పుచ్చకాయలో పోషకాలు ఎక్కువగా ఉన్నా.. దీనిలో గ్లైసెమిక్‌ చాలా ఎక్కువగా ఉంటుంది. అందువల్ల షుగర్‌ పేషెంట్స్‌ పుచ్చకాయ తీసుకునే ముందు డాక్టర్‌ను సంప్రదించండి.
ఓవర్‌ హైడ్రేషన్..
పుచ్చకాయను ఎక్కువగా తీసుకుంటే.. చాలా సందర్భాల్లో ఓవర్‌ హైడ్రేషన్ (Over-Hydration Or Water Intoxication) సమస్యకు దారితీస్తుంది. వాస్తవానికి పుచ్చకాయలో 92 శాతం నీరు ఉంటుంది, దీనివల్ల ఈ సమస్య వస్తుంది. మీ శరీరంలో నీటి శాతం పెరిగి, సోడియం శాతం తగ్గితే దానిని ఓవర్‌ హైడ్రేషన్ అంటాం. అదనపు నీరు బయటకు వెళ్లకపోతే.. రక్తం యొక్క పరిమాణం పెరుగుదలకు దారితీస్తుంది. తద్వారా కాళ్ళలో వాపు, అలసట, మూత్రపిండాలు బలహీనపడటం లాంటి సమస్యలు ఎదురవుతాయి.
గుండె సమస్యలు..
పుచ్చకాయలో పొటాషియం ఎక్కువగా ఉంటుంది. ఇది శరీరాన్ని ఆరోగ్యంగా ఉంచడంలో కీలక పాత్ర పోషిస్తుంది.ఇది ఎలక్ట్రోలైట్ పనితీరును నిర్వహించడానికి సహాయపడుతుంది. పొటాషియం గుండెను ఆరోగ్యంగా ఉంచుతుంది, ఎముకలు, కండరాలను బలంగా చేస్తుంది. అయినప్పటికీ, పొటాషియం అధికంగా తీసుకుంటే.. హృదయ సంబంధ సమస్యలకు దారి తీయవచ్చు. క్రమరహిత హృదయ స్పందన(irregular heartbeat), పల్స్‌ రేట్‌ బలహీన పడటం లాంటి సమస్యలు వచ్చే అవకాశం ఉంది. కాబట్టి పుచ్చకాయను తగినంత తీసుకోవడమే మంచిది.
కాలేయ వాపు..
రోజూ ఆల్కహాల్ తాగే వ్యక్తులు.. ఎక్కుగా పుచ్చకాయ తీసుకుంటే మంచిది కాదు. ఎందుకంటే పుచ్చకాయ అధిక మొత్తంలో ఉండే.. లైకోపీన్.. ఆల్కహాల్‌తో రియాక్‌ అవతుంది. దీని కారణంగా కాలేయ వాపు సమస్య వచ్చే అవకాశం ఉంది. కాలేయంపై అధిక ఆక్సీకరణ ఒత్తిడి (oxidative stress) ఆరోగ్యానికి మంచిది కాదు.
పుచ్చకాయ ఎంత తినాలి..?
100 గ్రాముల పుచ్చకాయలో దాదాపు 30 కేలరీలు ఉంటాయి. ఇందులో నీరు ఎక్కువగా ఉండటంతో, 500 గ్రాములు కూడా తీసుకోవడం సులభం, అంటే కేవలం 150 కేలరీలు తింటాం. కడుపు తేలికగా ఉంటుంది. కడుపు నిండుగా అనిపించకపోవచ్చు, అందుకే అందరూ పుచ్చకాయ తినడానికి ఇష్టపడతారు.అలాగే, ఇందులో 100 గ్రాములకు ఆరు గ్రాముల చక్కెర ఉంటుంది, కాబట్టి పుచ్చకాయలో అదే భాగం 30 గ్రాముల చక్కెర ఉంటుంది. సాధారణంగా అందరూ రోజుకు 100 గ్రాముల చక్కెర తీసుకోవాలి.
యూఎస్‌ డిపార్ట్‌మెంట్ ఆఫ్ అగ్రికల్చర్ (USDA) ప్రకారం.. రోజుకు రెండు కప్పుల పుచ్చకాయ తీసుకోవచ్చని సిఫార్సు చేస్తోంది. ఇది దాదాపు 300 గ్రాముల వరకు ఉంటుంది..
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.