యాప్నగరం

కళ్ల కింద నల్లటి మచ్చలకు చింతపండు వైద్యం!

సిట్రిక యాసిడ్‌ గుణాలు కలిగున్న చింతపండు వల్ల ఆరోగ్య పరంగా ఎన్నో ఉపయోగాలున్నాయి. , త్రేన్పులు, కడుపు ఉబ్బరం, జ్వరం, వికారం మొదలైన రోగాలకి మందులా వాడతారు.

TNN 2 Nov 2017, 9:28 pm
సిట్రిక్ యాసిడ్‌ గుణాలు కలిగున్న చింతపండు వల్ల ఆరోగ్య పరంగా ఎన్నో ఉపయోగాలున్నాయి. , త్రేన్పులు, కడుపు ఉబ్బరం, జ్వరం, వికారం మొదలైన రోగాలకి మందులా వాడతారు. ఆకలి మందగించినవారు ఉదయాన్నే 4-5 చెంచాల చింతపండు రసాన్ని సేవిస్తే ఫలితం ఉంటుంది. శరీరంలోని వాపులు, నొప్పులకు చింతపండు రసాన్ని రాసి మర్దన చేస్తే ఉపశమనం లభిస్తుంది. దెబ్బల వల్ల వచ్చిన వాపులు, బెణుకులకు చిక్కటి చింతపండు గుజ్జు ఉడికించి గోరు వెచ్చగా ఉన్నప్పుడు వాటిపై పూస్తే వెంటనే తగ్గుతాయి. జీర్ణశక్తిని పెంచుతుంది.
Samayam Telugu simple effective ways by which you can use tamarind to whiten skin remove blemishes scars
కళ్ల కింద నల్లటి మచ్చలకు చింతపండు వైద్యం!


చింతపండు కేవలం ఆరోగ్యం కోసమే చర్మ సౌందర్య సాధనంగానూ ఉపయోగించవచ్చు. ముఖంపై మచ్చలు, గాయాలను మాన్పడానికి సహాయపడుతుంది. అంతేకాదు చర్మం కాంతివంతంగా మారడానికి కూడా తోడ్పడుతుంది. దీని వల్ల ఎలాంటి హాని ఉండదు. ఫేస్‌వాష్‌తో ముందు ముఖం కడుక్కున్న తర్వాత చింతపండు వినియోగిస్తే ఎలాంటి ఫలితం ఉంటుందో మీకే తెలుస్తుంది. చింతపండు రసం ముఖానికి రాసి కొద్దిసేపటి తర్వాత చల్లని నీటితో కడగాలి.

చింతపండు, పాలు మిక్సీలో వేసి మెత్తగా గుజ్జుచేయాలి. ఈ మిశ్రమాన్ని ముఖానికి పూసి ఆరనివ్వాలి. తర్వాత నీటితో కడిగితే ముఖంపై ముడతలు పోతాయి. ఇలా వారానికి రెండుసార్లు చేస్తే ఫలితం ఉంటుంది.

ముఖంపై మృత కణాలను తొలగించడానికి చింతపండు రసం పాలతో కలిపి స్ర్కబ్‌తో రాయాలి. ఆ తర్వాత చల్లని నీటితో కడిగేయాలి.

వేసవి కాలంలో ఎండ నుంచి రక్షించే స్కిన్ టోనర్‌గానూ చింతపండు ఉపయోగపడుతుంది. చింతపండు రసానికి, రోజ్ వాటర్ కలిపిన స్ప్రే బాటిల్‌ను ఫ్రిజ్‌‌లో ఉంచి రోజు పూసుకుంటే ఎండ నుంచి రక్షిస్తుంది.

పసుపు, చింతపండు రసం కలిపి రాస్తే చర్మం మృదువుగా, తాజాగా ఉంటుంది.

కళ్ల కింద నల్లటి వలయాలు తగ్గాలంటే చింతపండు రసంలో పాలు, పసుపు కలిపి రాయాలి. పది నిమిషాల తర్వాత చల్లని నీటితో కడిగితే దాదాపు మచ్చలు తగ్గుతాయి.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.