హెల్త్ టిప్స్: తులసి ఆకులతో టైఫాయిడ్ దూరం

ఆరోగ్యమే మహా భాగ్యం అంటారు. మనం ఆరోగ్యంగా ఉంటేనే ఏ పనైనా చేయగలం.. దేన్నైనా సాధించగలం. కానీ రోజూ ఏదో పనిలో బిజీగా ఉండేవారికి ఆరోగ్యంపై అంత శ్రద్ధ ఉండదు. ఇలాంటి వారికి చిన్న చిన్న ఆరోగ్య సమస్యలు వస్తే డాక్టర్ దగ్గరికి పరుగులు తీయాల్సిందే. మందులు మీద మందులు మింగాల్సిందే. కాబట్టి ఎన్ని పనులున్నా మన ఆరోగ్యాన్ని జాగ్రత్తగా కాపాడుకోవాలి. సమస్య చిన్నదిగా ఉన్నప్పుడే దాన్ని నివారించడానికి ప్రయత్నించాలి. ఇంటి వద్దే ఆరోగ్య చిట్కాలను పాటించడం ద్వారా కొన్ని అనారోగ్యాలను నివారించవచ్చు. అవేంటో ఇప్పుడు చూద్దాం..
‣ కడుపులో నొప్పిగా లేదా పొట్ట ఉబ్బరంగా ఉంటే.. దాల్చినచెక్కను పొడిచేసి నీటిలో వేసి మరగించి ఆ నీటిని తాగితే ఉపశమనం కలుగుతుంది.
‣ రోజూ తులసి ఆకులను తింటే హెపటైటిస్, టైఫాయిడ్ వంటి వ్యాధులు దరిచేరవు.
ఎండు ఖర్జూరం వేడి నీటిలో నానబెట్టి, ఆ నీటిలో తేనె కలుపుకుని తాగితే అస్మా ఉన్నవారికి మంచిది.
‣ చింతాకు, నీరు, ఉప్పు కలిపి.. బాగా కాచి, ఆ నీటితో కాపడం పెడితే కీళ్ల నొప్పుల నుంచి ఉపశమనం లభిస్తుంది.
‣ పంటినొప్పితో బాధపడే వారు నిమ్మరసంలో ఇంగువ కలిపి కొద్దిగా వేడి చేసి ఆ రసాన్ని నెప్పిగా ఉన్న పంటిలో కొంచెం వేస్తే నొప్పి త్వరగా తగ్గిపోతుంది.
‣ మంచి గంధాన్ని అరగదీసి కొబ్బరినూనెలో కలిపి రాసుకుంటే చర్మంపై బొబ్బలు, నల్లమచ్చలు తగ్గిపోతాయి.
‣ దోమలు, ఏవైనా పురుగులు కుట్టినప్పుడు దురద, నొప్పి కలుగుతుంది. దానిపై నిమ్మరసం రాస్తే తీవ్రత తగ్గుతుంది.
‣ దంతక్షయంతో బాధపడుతున్నవారు రెండు తులసి ఆకులు, చిటికెడు ఉప్పు, చిటికెడు మిరియాలపొడి కలిపి పేస్ట్ చేసి పంటిపై రాస్తే త్వరగా నొప్పి నుంచి విముక్తి లభిస్తుంది.