యాప్నగరం

World no tobacco day: స్మోకింగ్‌ మానాలంటే.. ఈ టిప్స్‌ ఫాలో అవ్వండి..!


Authored byరాజీవ్ శరణ్య | Samayam Telugu 31 May 2023, 9:16 am
World no tobacco day: స్మోకింగ్‌ ప్రాణానికి హానికరం అని తెలిసినా.. చాలా మంది ఈ అలవాటుకు బానిసలవుతున్నారు. స్టైల్, ఫ్యాషన్, రిలాక్సేషన్, సరదా కోసం మొదలైన అలవాటు.. వ్యసనంగా మారి ప్రాణాలనే తీసుకుంటుంది. మన దేశంలో స్మోకింగ్‌ కారణంగా ఏటా సుమారు 13.5 లక్షల మంది మరణిస్తున్నారని అంచనా. పొగతాగడం వల్ల ఊపిరితిత్తులు, గుండె జబ్బులు, ఉపిరి తిత్తుల క్యాన్సర్‌, ఉదరకోశ క్యాన్సర్‌ వంటి తీవ్రమైన అనారోగ్యాల ముప్పు పెరుగుతుంది. స్మోకింగ్‌ కారణంగా.. దంతవ్యాధులు, క్షయ వ్యాధి, , అల్సర్‌ , గ్యాస్‌ ట్రబుల్‌ వంటి సమస్యలు ఎదురవుతాయి. పొగాకులో ఆర్సెనిక్‌, బెంజీన్‌, బెరీలియం, కాడ్మియం, క్రోమియం, ఇథిలీన్‌ ఆక్సైడ్‌ వంటి 72 రకాల క్యాన్సర్‌ కారకాలుంటాయి. ఈ రోజు ప్రపంచ పొగాకు వ్యతిరేక దినం. పొగాకు ఉత్పత్తుల వల్ల ప్రజలకు, ప్రజారోగ్యానికి, సమాజానికి, పర్యావరణానికి కలిగే హాని గురించి అవగాహన కల్పించడానికి ప్రతి ఏడాది మే 31న పొగాకు వ్యతిరేక దినం నిర్వహిస్తారు. ఈ నేపథ్యంలో.. స్మోకింగ్‌ అలవాటును వదిలించుకోవడానికి ఎలాంటి టిప్స్‌ ఫాలో అవ్వాలో ఈ స్టోరీలో చూద్దాం.
Samayam Telugu simple tips to quit smoking
World no tobacco day: స్మోకింగ్‌ మానాలంటే.. ఈ టిప్స్‌ ఫాలో అవ్వండి..!



ఇవి తినండి..

ఆరోగ్యకరమైన చిరుతిండి దగ్గర ఉండేలా చూసుకోవాలి. సిగరెట్‌ తాగాలని అనిపించినప్పుడు దీన్ని కాస్త తినొచ్చు. నారింజ, బత్తాయి, ద్రాక్ష పండ్లు తినడం, వాటి జ్యూస్ తాగినా సిగరెట్ తాగాలనే కోరికను చంపేయవచ్చు. సిగరెట్ తాగాలనిపించినప్పుడల్లా చూయింగ్ గమ్‌ నమలడం, చాక్లెట్‌ తినండి లాంటివి అలవాటు చేసుకోండి.

(image source - pixabay)
​​​​గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

నికొటిన్ రిప్లేస్​మెంట్ థెరపీ..

స్మోకింగ్ మానాలంటే దాన్నుంచి మైండ్ డైవర్ట్ చేయాలి. అలా చేయాలనుకుంటే నికొటిన్ రిప్లేస్​మెంట్ థెరపీ (ఎన్​ఆర్​టి) ప్రయత్నించాలి. అదెలాగంటే... నాజల్ స్ర్పే లేదా ఇన్​హేలర్​ ద్వారా నికొటిన్​ని తీసుకోవడం. నికొటిన్ ప్యాచెస్​, గమ్, లాంజెస్ వంటివి తీసుకోవడం. లేదంటే బుప్రొపియన్, వరెనిక్లైన్ అనే మందులు వాడొచ్చు.

ఈ యోగాసనాలు ప్రాక్టిస్‌ చేస్తే.. లివర్‌ డిటాక్స్‌‌‌‌ అవుతుంది..!

క్రమంగా తగ్గించండి..

ఒకేసారి ధూమపానం మానేయడానికి ప్రయత్నించవద్దు. ప్రతిరోజూ ఉదయం నిద్ర లేవగానే, ఈ రోజు స్మోక్‌ చేయడం లేదు అని మనసులో గట్టిగా అనుకోవాలి. పొగమానేయడానికి సంకల్పం చాలా ముఖ్యం. ధూమపానం చేయకుండా ఒక వారం, ఒక నెల లేదా అంతకంటే ఎక్కువ కాలం ఉండే వరకు ఇలా రోజూ చేయాలి.

ఉదయం లేవగానే..

ఉదయం నిద్ర లేవగానే 2 గ్లాసుల వేడి నీళ్లలో నిమ్మరసం కలుపుకోని తాగాలి. నీళ్లలో తేనె కూడా వేసుకుని తాగొచ్చు. సిగరెట్ తాగాలని ఎప్పుడు అనిపించినా ‘నేను సిగరెట్ తాగడం మానేయాలి’ అని మీలోమీరు అనుకోవాలి.

వాటికి దూరంగా ఉండండి..

పొగ తాగటాన్ని ప్రేరేపించే సందర్భాలనూ గుర్తించాలి. కొందరికి కారు నడుపుతున్నప్పుడు సిగరెట్‌ కాల్చాలని అనిపించొచ్చు. ఏదో ఒక పని చేస్తున్నప్పుడో, ఒత్తిడిలో ఉన్నప్పుడో స్మోకింగ్‌ చేయాలని అనిపిస్తుంది. ఇలాంటి ట్రిగ్గర్‌ పాయింట్స్‌ గుర్తించి, వాటికి పూర్తిగా దూరంగా ఉండేందుకు ప్రయత్నించాలి.

వారికి చెప్పండి..

మీరు సిగరెట్ తాగడం మానేయాలని తీసుకున్న నిర్ణయాన్ని కుటుంబసభ్యులకు, స్నేహితులకు, సన్నిహితులకు చెప్పండి. ఇలా చేస్తే వారికి భయపడి పొగతాగడం మానేసే అవకాశం ఉంది. మీరు స్మోకింగ్‌ మానేయడానికి ప్రోత్సహించే వ్యవస్థను ఏర్పాటు చేసుకోవాలి. ఇందుకు తమతో పాటు పొగ మానేసేవారిని ఎంచుకోవచ్చు. ఇలాంటి ప్రయత్నం చేసేవారితో కూడిన సోషల్‌ గ్రూపులో చేరొచ్చు.

Fish Health Benefits: చేపలు తింటే.. గుండెకు మంచిదా..?

రచయిత గురించి
రాజీవ్ శరణ్య
రాజీవ్‌ శరణ్య సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ లైఫ్‌స్టైల్‌కి సంబంధించిన సరికొత్త విషయాలను, స్పెషల్ కంటెంట్‌ని అందిస్తారు. తనకు జర్నలిజంలో 5 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో వార్తలు, రాజకీయ, లైఫ్‌స్టైల్ స్టోరీస్ అందించారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.