హృద్రోగ సమస్యలకు పాము విషంతో విరుగుడు

గుండె జబ్బులకు పాము విషం కూడా ఔషధంగా పనిచేస్తుందని ఓ పరిశోధనలో వెల్లడైంది. హృద్రోగ సమస్యలున్న వారికి రక్తం గడ్డకట్టకుండా ప్రస్తుతం ఆస్పిరిన్ మాత్రాలను వినియోగిస్తున్నారు. అయితే ఆస్పిరిన్ వాడటం వల్ల ప్రమాదాలు సంభవించినప్పుడు తీవ్ర రక్తస్రావం జరుగుతుంది. దీన్ని అరికట్టడానికి ట్రోపిడోలేమస్ వాగ్లేరిక్స్ అనే పాము విషం ఉపయోగపడుతుందని తైవాన్ శాస్త్రవేత్తల పరిశోధనలో తేలింది. రక్తం గడ్డకట్టే సందర్భంలో పాము విషాన్ని ఔషధంగా ఉపయోగించడంలో సుదీర్ఘ చరిత్ర ఉందని నేషనల్ తైవాన్ యూనివర్సిటీకి చెందిన జినోమిక్ సెంటర్ స్కూల్ ఆఫ్ ఫార్మసీ ప్రొఫెసర్ వై జెనే సంగ్ తెలిపారు.

పాము విషంలో గుర్తించిన ఓ ప్రోటీన్ గుండె జబ్బులను నివారిస్తుందని ఎలుకలపై జరిపిన పరిశోధనలో వెల్లడైంది. పాము కాటుకు గురైనప్పుడు వ్యక్తి మెదడుపై దాని విషంలోని న్యూరోటాక్సిక్‌లు తీవ్ర ప్రభావం చూపుతాయి. దీంతో తీవ్ర రక్తస్రావం జరిగి మరణానికి దారితీస్తుంది. అయితే ఇందులోని ప్రోటీన్ రక్తం గడ్డకట్టడాన్ని నిరోధించి, ప్లేట్లెట్ పనితీరును తీవ్రంగా ప్రభావితం చేస్తుందని గ్రాడ్యుయేట్ ఇన్‌స్టిట్యూట్ ఆఫ్ ఫార్మకాలజీ ప్రొఫెసర్, అధ్యయన బృందంలో సభ్యుడు తూర్ఫూ హాంగ్ తెలిపారు. పరిశోధన భాగంగా ప్రకృతిలో రక్తస్రావాన్ని నివారించే ఔషధాన్ని తయారు చేయడంపైనే కేంద్రీకృతం చేశామని ఆయన అన్నారు. అయితే ప్రతి పాము విషం రక్తకణాలపై అంత ప్రభావం చూపదని పరిశోధకులు తెలిపారు. ఈ పరిశోధన వివరాలను అర్టెరియోక్లెరోసిస్, థాంబ్రోసిస్ అండ్ వాస్క్యూలర్ బయాలజీ పేరుతో ప్రచురించారు.