కోవిడ్‌ కలవరం.. రికవరీ తర్వాత చర్మ సమస్యలు, స్టడీలో షాకింగ్ విషయాలు

కరోనా వైరస్.. సోకినప్పుడే కాదు, రికవరీ తర్వాత కూడా కొంతమంది బాధితులు రకరకాల అనారోగ్య సమస్యలు ఎదుర్కొంటున్నట్లు తెలుస్తోంది. తాజాగా నిర్వహించిన ఓ స్టడీలో ఈ వైరస్‌ వల్ల కలిగిన ఇన్ఫెక్షన్ నుంచి కోలుకున్న బాధితుల్లో చాలామందికి చర్మ సంబంధిత సమస్యలు వస్తున్నట్లు తెలిసింది.

పరిశోధకులు మసాచుసెట్స్ జనరల్ హాస్పిటల్ (MGH)లో నిర్వమించిన కీలక పరిశోధనల వివరాలను 29వ కాంగ్రెస్ ఆఫ్ ది యూరోపియన్ అకాడమీ ఆఫ్ డెర్మటాలజీ అండ్ వెనెరియాలజీలో వెల్లడించారు. కోవిడ్-19 వల్ల బాధితులు ఎదుర్కొంటున్న తాజా సమస్యల గురించి ఇందులో పేర్కొన్నారు. వైరస్ నుంచి కోలుకున్న బాధితులు ‘లాంగ్ హాలర్స్’ అనే చర్మ సమస్యను ఎదుర్కొంటున్నట్లు తెలిపారు.

ఇంటర్నేషనల్ లీగ్ ఆఫ్ డెర్మాటలజికల్ సొసైటీస్ అండ్ అమెరికన్ అకాడమీ ఆఫ్ డెర్మటాలజీతో కలిసి ఈ ఏడాది జూన్ నుంచి ఆగస్టు నెలల మధ్య ఈ పరిశోధనలు జరిపారు. ఈ సందర్భంగా 60 రోజులు కంటే ఎక్కువగా కరోనా వైరస్‌తో పోరాడిన బాధితుల్లోనే ఈ చర్మ సమస్యలు కనిపించినట్లు తెలిపారు. ప్రపంచంలోని 39 దేశాల్లో వెయ్యి కేసులను పరిశీలించగా.. 224 మందిలో ఈ సమస్య ఉన్నట్లు అనుమానం కలిగిందని, సుమారు 90 మందికి ఈ సమస్య ఉన్నట్లు ల్యాబరేటరీ పరీక్షల్లో నిర్ధరణ జరిగిందని తెలిపారు.

Read Also: కొత్తిమీర జ్యూస్‌తో కిడ్నీలో రాళ్లు కరుగుతాయా? ప్రయోజనాలేమిటీ?

కరోనా వైరస్ సోకిన కొంతమంది రోగుల్లో చర్మ సమస్యలు కూడా తలెత్తాయని, రికవరీ తర్వాత కూడా అవి కొనసాగాయన్నారు. శరీరంపై దద్దర్లు కనిపించాయన్నారు. వాస్తవానికి కోవిడ్-19 సోకిన బాధితులు 20 రోజుల్లోనే కోలుకుంటారు. అయితే, కొంతమంది బాధితుల్లో ‘లాంగ్ హాలర్స్’ సమస్య సుమారు 70 రోజులు వరకు కొనసాగిందని తెలిపారు. కొందరికి కాళ్లు, చేతుల వాచాయని.. ఈ సమస్యను ‘కోవిడ్-టాయ్స్’గా పరిగణమించామని తెలిపారు. కరోనా సోకిన 15 రోజుల్లోనే ఈ లక్షణం వారిలో కనిపించిందని, రికవరీ తర్వాత కూడా కొనసాగిందన్నారు.

Read Also: డయాబెటిస్ రోగులు శనగలు తినొచ్చా?

ముఖ్య గమనిక: ఈ సమాచారం కేవలం మీ అవగాహన కోసమే అందించాం. పలు అధ్యయనాల్లో తేలిన అంశాలను మీకు తెలియజేయడానికే ఈ కథనం.మరింత సమాచారం తెలుసుకోవాలంటే తప్పకుండా వైద్యులను, ఆహార నిపుణులను సంప్రదించాలని మనవి. ఈ సమాచారానికి ‘సమయం తెలుగు, టైమ్స్ ఆఫ్ ఇండియా’ ఎటువంటి బాధ్యత వహించదని గమనించగలరు.