National Cancer Awareness Day: ఈ కూరగాయలు తింటే.. క్యాన్సర్‌ రాదు..!

కణజాలం అనవసరంగా, ఆగకుండా విపరీతంగా వృద్ధి చెందటమే క్యాన్సర్‌. సాధారణంగా మన శరీరంలోని కణాలు అవసరమైనప్పుడు విభజన చెందుతుంటాయి. అవసరం అయిపోయిన తర్వాత.. విభజన ఆగిపోతుంది. ఈ ప్రక్రియకు అవసరమైన సిగ్నల్‌ను కణాలే రూపొందించుకుంటాయి. క్యాన్సర్‌ కణాల్లోనే కాదు.. వీటి నుంచి పుట్టుకొచ్చిన కణాల్లోనూ ఈ సిగ్నల్‌ ఉండదు. దీని వల్ల కణాలు ఇష్టం వచ్చినట్లు వృద్ధి చెందుతూ ఉంటాయి. పక్కనున్న కణాలన్నింటినీ ఛేదించుకుంటూ పెరుగుతూ ఉంటాయి. ఇదే క్యాన్సర్‌ కణితి. ఇలా ఏర్పడిన గడ్డలన్నీ ప్రమాదకరం కాదు. కాబట్టి ఇవి ప్రమాదకరమైనవా? కాదా? అని గుర్తించడానికి కొన్ని రకాల పరీక్షలు చేయించుకోవడం చాలా అవసరం.

మన జీవనశైలిలో మార్పులు, పోషక ఆహారం క్యాన్సర్‌ ముప్పును తప్పిస్తాయని నిపుణులు చెబుతున్నారు. మనకు ఈజీగా, తక్కువ ధరకు దొరికే కూరగాయలు మనల్ని క్యాన్సర్‌‌ నుంచి రక్షిస్తాయి. వీటిని రోజువారీ మెనూలో చేర్చుకుంటే క్యాన్సర్‌కు దూరంగా ఉండచ్చు.

• మూత్రాశయ క్యాన్సర్
• బ్రెస్ట్‌‌‌‌ క్యాన్సర్
• గర్భాశయ క్యాన్సర్
• పెద్దప్రేగు కాన్సర్
• కిడ్నీ క్యాన్సర్
• ఊపిరితిత్తుల క్యాన్సర్
• అండాశయ క్యాన్సర్
• ప్యాంక్రియాటిక్ క్యాన్సర్
• ప్రోస్టేట్ క్యాన్సర్
• చర్మ క్యాన్సర్
• పెద్దప్రేగు కాన్సర్
• గర్భాశయ క్యాన్సర్

NIHలో ప్రచురించిన ఒక అధ్యయనం ప్రకారం, చామదుంపలో పాలీఫెనాల్స్ పుష్కలంగా ఉంటాయి. పాలీఫెనాల్స్‌కు క్యాన్సర్ ప్రమాదాన్ని తగ్గించే సామర్థ్యం ఉంది. పాలీఫెనాల్స్ క్యాన్సర్ కణాల పెరుగుదలను అడ్డుకుంటాయి. చామదుంపలు ట్యూమోరిజెనిక్ కణాలను తగ్గించడంలో సహాయపడతాయి. ట్యూమోరిజెనిక్ కణాలు కణితిని పెంచి క్యాన్సర్‌కు కారణమవుతాయి.

NCBI అధ్యయనం ప్రకారం, టమోటాలు క్యాన్సర్‌ ప్రమాదాన్ని తగ్గిస్తాయి. టామాటాలో లైకోపీన్‌ ఉంటుంది, ఇది కెరోటినాయిడ్‌లా పనిచేస్తుంది. ఈ కాంపౌడ్స్‌‌ క్యాన్సర్‌కు వ్యతిరేకంగా పోరాడతాయి. లైకోపీన్‌కు యాంటీ-ఆక్సిడెంట్, యాంటీ-కార్సినోజెనిక్ లక్షణాలు ఉన్నాయి. ఇది క్యాన్సర్‌ పెరుగుదలను నిరోధిస్తాయి. టమాటాలో ఉండే యాంటీ ఆక్సిడెంట్లు క్యాన్సర్‌కి కారణమయ్యే ఫ్రీరాడికల్స్‌తో పోరాడతాయి.

పాలకూరలోని పోషకాలకు.. క్యాన్సర్‌ కణాలతో పోరాడే సామర్థ్యం ఉంది. పాలకూరలో బీటా-కెరోటిన్, విటమిన్-సి పుష్కలంగా ఉంటాయి. ఇవి క్యాన్సర్‌ కణాలు అభివృద్ధి చెందకుండా అడ్డుకుంటాయి. పాలకూరలో ఉండే యాంటీఆక్సిడెంట్లు.. క్యాన్సర్‌కు కారణమయ్యే.. ఫ్రీ-రాడికల్స్‌ను తొలగిస్తాయి.

Webmd ప్రకారంWebmd ప్రకారం, బ్రోకలీ క్యాన్సర్‌ను నివారించడంలో సహాయపడుతుంది. బ్రోకలీలో తక్కువ మొత్తంలో సెలీనియం ఉంటుంది, దీనికి క్యాన్సర్ నిరోధక లక్షణాలు ఉన్నాయి. బ్రోకలీలో గ్లూకోరాఫానిన్ అనే పదార్థం ఉంటుంది.. ఇది మన శరీరంలో సల్ఫోరాఫేన్‌గా మారుతుంది. దీనికి క్యాన్సర్‌ నిరోధక లక్షణాలు ఉన్నాయి. బ్రెస్ట్‌ క్యాన్సర్‌, చర్మ క్యాన్సర్, ప్రోస్టేట్ క్యాన్సర్, గర్భాశయ క్యాన్సర్ వంటి అనేక రకాల క్యాన్సర్లను దూరం చేయడంలో ఇది సహాయపడుతుంది.

సొరకాయ క్యాన్సర్‌‌‌‌ కణాలతో పోరాడడంలో ప్రభావవంతంగా పనిచేస్తుంది. సొరకాయలో కెమోప్రెవెంటివ్ లక్షణాలు ఉన్నాయి. ఇవి క్యాన్సర్‌ నుంచి రక్షించడానికి సహాయపడతాయి. సొరకాయ రసం తాగితే.. చర్మ క్యాన్సర్‌ నుంచి దూరంగా ఉండవచ్చు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.