అర్థరైటిస్‌ ఎందుకొస్తుంది..!
ఎముకలు అరిగిపోవడం వల్ల వచ్చే ఆస్టియో ఆర్థరైటిస్ వంశపారంపర్యంగా వచ్చే అవకాశం ఉంది. అధిక బరువు, వృద్ధాప్యం,వ్యాయామం లేకపోవడం, ఎక్కువగా జాగింగ్‌ చేయడం, మెట్లు ఎక్కువగా ఎక్కడం, వ్యాయామం ఎక్కవగా చేయడం, పోషకాహార లోపం, క్యాల్షియం లోపం, వైరల్ ఇన్‌ఫెక్షన్లు, హార్మోన్ల ప్రభావం, ఇమ్యూనిటీ తగ్గడం, ఒత్తిడి, డిప్రెషన్‌, నిద్రలేమి వల్ల ఆర్థరైటిస్ వచ్చే అవకాశం ఉంది.
ఏమి తీసుకోవాలి..
సరైన సమయానికి చికిత్స పొందుతూ, మీ ఆహారంలో మార్పులు చేసుకుంటే.. కీళ్ల నొప్పులు తగ్గే అవకాశం ఉంది. ఒక రకమైన వంట నూనె కూడా, కీళ్ల నొప్పి నుంచి ఉపశమనం పొందడానికి ఉపయోగించవచ్చని నిపుణులు చెబుతున్నారు.
అర్థరైటిస్‌ సమస్యను తగ్గించడానికి ఆలివ్ ఆయిల్ పనిచేస్తుందని నిపుణులు చెబుతున్నారు. ముఖ్యంగా.. ఆర్గానిక్‌ ఆలివ్ ఆయిల్ కీళ్ల నొప్పులను త్వరగా తగ్గిస్తాయి. ఆలివ్ ఆయిల్‌లో ఉండే యాంటీ ఆక్సిడెంట్లు నొప్పిని తగ్గిస్తాయి. ఇందులో ఒలియోకాంథాల్ ఉంటుంది, ఇది యాంటీ ఇన్ఫ్లమేటరీ డ్రగ్ ఇబుప్రోఫెన్ లాగా పనిచేస్తుంది. ఇందులో ఉండే పాలీఫెనాల్స్, విటమిన్ ఈ, సిటోస్టెరాల్ కణాలను డ్యామేజ్‌ కాకుండా కాపాడతాయి.
అధ్యయనం వెల్లడించింది..
పబ్మెడ్‌లో ప్రచురించిన ఒక అధ్యయనం ప్రకారం, ఆలివ్ ఆయిల్ ఇన్ఫ్లమేటరీ డిసీజ్ ఆర్థరైటిస్‌ను నివారించడానికి, దాని నుంచి రిలీఫ్‌ ఇవ్వడానికి సహాయపడుతుందిత. ముడి ఆలివ్ నూనెలో ఒలియోకాంథాల్ ఉంటుంది, 50 ml ఆలివ్ ఆయిల్ తీసుకున్నా..10 శాతం ఇబుప్రోఫెన్ తీసుకున్నా అదే రియాక్షన్‌ ఉంటుంది. ఆలివ్ ఆయిల్ యాంటీ ఇన్ఫ్లమేటరీ పెయిన్ రిలీవర్‌గా పని చేస్తుంది.
ఎంత తీసుకోవాలి..
ముడి ఆలివ్ ఆయిల్ మన ఆరోగ్యానికి మేలు చేస్తుంది. కానీ, ఎక్కువగా తీసుకుంటే.. దుష్ప్రభావాలు ఎదుర్కోవాల్సి ఉంటుంది. రోజుకు 1-4 టేబుల్ స్పూన్ల ఆలివ్ ఆయిల్ తీసుకుంటే మంచిదని నిపుణులు చెబుతున్నారు. ఆలివ్ ఆయిల్ ఆరోగ్యకరమైనది అయినా.. మితంగా తీసుకుంటేనే మంచిదని నిపుణులు అంటున్నారు.
ఎప్పుడు తాగాలి..
ముడి ఆలివ్ నూనెను ప్రతి రోజూ నిర్ధిష్ట సమయంలో తీసుకుంటేనే మంచి రిజల్ట్స్‌ వస్తాయని నిపుణులు చెబుతున్నారు. రోజూ ఉదయం ఆలివ్ ఆయిల్ తీసుకుంటే.. మరింత ప్రయోజనకరంగా ఉంటుందని ఆరోగ్య నిపుణులు అంటున్నారు. ఆలవ్‌ ఆయిల్ తీసుకుంటే.. బరువు తగ్గడంలో, చర్మాన్ని ఆరోగ్యంగా ఉంచడంలో సహాయపడుతుంది. ఆలవ్‌ ఆయిల్ పెద్దపేగు క్యాన్సర్‌ను దూరం చేస్తుంది, శరీరాన్ని డిటాక్స్‌ చేస్తుంది.
ఈ ఆహారం తీసుకోండి..
మన ఆహారంలో కొన్ని మార్పులు చేస్తే అర్థరైటిస్‌ సమస్య తగ్గుతుందని నిపుణులు చెబుతున్నారు. మీ డైట్‌లో యాంటీ ఆక్సిడెంట్లు ఎక్కువగా ఉండే ఆహారం తీసుకోవడం మంచిది. సీజనల్‌ పండ్లు తీసుకుంటే మేలు జరుగుతుంది. క్యారెట్, బీట్రూట్, కాప్సికం, బీన్స్, చిక్కుడు వంటి కూరగాయలను మీ ఆహారంలో చేర్చుకోండి. క్యాబేజి, కాలీఫ్లవర్, బ్రొకొలి, ముల్లంగి ఎక్కువగా తీసుకోవాలి. ఆహారంలో పసుపు, అల్లం, వెల్లుల్లి ఎక్కువగా వాడాలి. ఒమేగా 3 ఫ్యాటీ యాసిడ్స్‌ నొప్పిని తగ్గించడంలో సహాయపడతాయని నిపుణులు అంటున్నారు. సాల్మన్‌ రకం చేపలు, అవిసె గింజలు, ఆలివ్ నూనెలో ఈ ఫ్యాట్స్‌ ఎక్కువగా ఉంటాయి.
వీటికి దూరంగా ఉండండి..
అర్థరైటిస్‌ పేషెంట్స్‌ వారి బరువును కంట్రోల్‌లో ఉంచుకోవడానికి ప్రయత్నించాలి. స్మోకింగ్, ఆల్కహాల్‌ వంటి చెడు అలవాట్లకు దూరంగా ఉండాలి. పాలిష్‌ చేసిన తెల్ల బియ్యం అన్నం, మైదాతో తయారు చేసిన ఆహార పదార్థాలు, బేకరీ ఫుడ్స్, వేపుళ్లు, స్వీట్లు, చక్కెర, టీ, కాఫీలకు దూరంగా ఉంటు ఈ సమస్య త్వరగా తగ్గుతుంది.
వ్యాయామం చేయండి..
వ్యాయామం చేయడం వల్ల కీళ్ల నొప్పి తగ్గుతుంది, కీళ్లు, కండరాలు బలంగా తయారు అవుతాయి. రోజూ చిన్నచిన్న వ్యాయామాలు చేస్తే.. కీళ్లు చురుకుగా కదులుతాయి. అర్థరైటిస్‌ సమస్య ఎక్కువగా ఉంటే.. వైద్యుల సూచనల మేరకు మాత్రమే వ్యాయామం చేయాలి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.