High BP side effects: హైబీపీ ఉంటే.. ఎముకలకు గండమే..!

హైపర్‌టెన్షన్‌ ఎన్నో అనర్థాలకు మూల కారణం. దీన్ని సైలెంట్‌ కిల్లర్‌ అని కూడా అంటారు. ప్రపంచవ్యాప్తంగా అత్యధికంగా మరణాలకు హై బీపీ కారణమవుతోందని అధ్యయనాలు చెబుతున్నాయి. రోజూ దాదాపు ముప్ఫై వేల మంది దానివల్ల ప్రాణాలు కోల్పోతున్నారని అంచనా. వయసుతో సంబంధం లేకుండా.. హైపర్‌టెన్షన్‌తో ఇబ్బంది పడుతున్నారు. నిశ్చల జీవన శైలి, చెడు ఆహార అలవాట్లు, ఊబకాయం, నిద్రలేమి, ఉప్పు ఎక్కువగా తీసుకోవడం, శారీరక శ్రమ లేకపోవడం, ఒత్తిడి, గర్భ నిరోధక మాత్రలు, పైయిన్‌ కిల్లర్స్‌ ఎక్కువగా వాడడం వల్ల హైపర్‌టెన్షన్‌ వచ్చే ప్రమాదం ఉంది. చాలా సందర్భాలలో, హైపర్‌టెన్షన్‌ పేషెంట్స్‌ ఈ సమస్యను లైట్‌గా తీసుకుని సరైన చికిత్స తీసుకోరు. హైబీపీని కంట్రోల్‌లో ఉంచుకోకపోతే హార్ట్‌ ఎటాక్‌, పెరిఫెరల్ వాస్కులర్ డిసీజ్, కిడ్నీ వ్యాధి, గర్భధారణ సమయంలో సమస్యలు, కంటి చూపు కోల్పోవడం, స్ట్రోక్‌, వాస్కులర్ డిమెన్షియా వంటి సమస్యలు వచ్చే ప్రమాదం ఉంది. హెపర్‌టెన్షన్‌ కారణంగా ఎముకల హెల్త్‌ కూడా పాడయ్యే ప్రమాదం ఉందని తాజా అధ్యయనం వెల్లడించింది. హైబీపీ ఎముకలకు సంబంధించిన తీవ్రమైన వ్యాధులకు కారణం అవుతుందని ఈ పరీశీలనలో తేలింది.

పరిశోధనలో ఏమి తేలింది..?
ఈ ఏడాది జరిగిన అమెరికన్ హార్ట్ అసోసియేషన్ (2022 American Heart Association ) సమావేశంలో హైపర్‌టెన్షన్‌పై జరిగిన పరిశోనధనను ప్రెజెంట్‌ చేశారు. హైబీపీ వల్ల ఆస్ట్రోపోరొసిస్‌ (osteoporosis), ఎముకల ఏజింగ్‌ ప్రాసెస్‌‌‌‌ వేగవంతం అవుతుందని ఈ అధ్యయనం వెల్లడించింది. ఎముకలపై చేసిన పరిశోధనలో ఈ విషయం స్పష్టమైంది.
బీపీ పేషెంట్స్‌ జాగ్రత్తగా ఉండాలి..

హైబీపీ పేషెంట్స్ ఆస్టియోపోరోసిస్ పరీక్షలు చేయించుకోవాల్సిన అవసరం ఉందని పరిశోధకులు అభిప్రాయ పడుతున్నారు.
అధిక రక్తపోటు ఉన్నవారు ఆస్టియోపోరోసిస్ కోసం పరీక్షించాల్సిన అవసరం ఉందని పరిశోధకులు భావిస్తున్నారు. హైపర్‌టెన్షన్‌ పార్షయల్‌ ఇన్ఫ్లమేటరీ వ్యాధి అని రిజల్ట్స్‌ చూపించాయి. ఇది శరీరంలో ఇన్ఫ్లమేషన్‌ పెంచుతుంది.
బీపీ పెరగకుండా ఈ జాగ్రత్తలు తీసుకోండి..

• ఉప్పు తక్కువగా తీసుకోండి. ప్రతిరోజూ 5 గ్రాముల కంటే ఉప్పు మించకూడదు.
• పండ్లు, తాజా కూరగాయలు ఎక్కువగా తీసుకోండి. ఎక్కువగా అరటి, జామ, నేరేడు పండ్లు తీసుకోవాలి. పొటాషియం అధికంగా లభించే బొప్పాయి, మామిడి, కమల, కాకర, స్ట్రాబెర్రీ, మునగకాడ లాంటి ఆహారాలను మీ డైట్‌లో ఎక్కువగా చేర్చుకోండి.
• మాంసాహారం ఎక్కువగా తీనవద్దు.
• ప్రతిరోజూ క్రమం తప్పకుండా వ్యాయామం చేయండి.
• స్మోకింగ్‌, ఆల్కహాల్‌ అలవాటు ఉంటే మానేయడం మంచిది.
• మీ బరువును కంట్రోల్‌లో ఉంచుకోండి.
• ప్రశాంతంగా నిద్రపోండి. మనం ఆరోగ్యంగా ఉండటానికి 8 గంటల ప్రశాంతమైన నిద్ర అవసరం.
• ఒత్తిడికి తగ్గించుకోండి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.