ఫిట్‌నెస్ ప్రియులకి ఇన్‌స్పిరేషనల్ వీడియో

హ్యూమన్ లైఫ్ స్టైల్లో ఎంతో కీలకమైనది శరీరాన్ని ఎల్లప్పుడూ ఫిట్‌గా వుంచుకోవడం. శరీరం ఎంత ఫిట్‌గా వుంటే, మనిషి అంత ఉత్సాహంగా, ఉల్లాసంగా వుంటాడని ప్రత్యేకించి చెప్పుకోనక్కర్లేదు. ప్రతీ రోజూ క్రమం తప్పకుండా వ్యాయమం చేయడం ద్వారా మంచి ఫిట్‌నెస్ సొంతం అవడమేకాకుండా ఎటువంటి అనారోగ్యం దరిచేరదు. కానీ ఫిట్‌గా తయారవడం, సిక్స్ ప్యాక్ బాడీ సొంతం చేసుకోవడం అనుకున్నంత మరీ ఈజీ కాదు. ఈ లక్ష్య సాధనలో ఎంతో చమటోడ్చాలి. ఎంతో కఠినమైన వ్యాయమాన్ని దిన చర్యలో ఓ భాగం చేసుకోవాలి. అప్పుడే శరీరం ఫిట్‌గా తయారవుతుంది.

ఇదిగో రాబ్తా సినిమా కోసం ఎంతో కష్టపడి మరీ బాడీ ఫిట్‌నెస్‌ని సొంతం చేసుకున్న బాలీవుడ్ నటుడు సుశాంత్ సింగ్ రాజ్‌పుత్ తాను జిమ్‌లో కష్టపడి వర్కౌట్ చేస్తున్న దృశ్యాల్ని తన అభిమానులతో పంచుకున్నాడు. రాబ్తా సినిమా ప్రమోషన్స్‌లో భాగంగానే ఈ వీడియో బయటికొచ్చినప్పటికీ... అది ఇప్పుడు ఫిట్‌నెస్ ప్రియులకి ఓ ఇనిస్పిరేషనల్ వీడియోగా మారింది. ఇంకా ఎందుకు ఆలస్యం మరి! సుశాంత్ సింగ్ రాజ్‌పుత్ వర్కౌట్స్‌పై మీరూ ఓ లుక్కేయండి! రేపు మీ వర్కౌట్ సెషన్స్‌లో అది మీకూ ఉపయోగపడుతుండొచ్చు!!