స్మోకింగ్‌ మానేయండి..
స్మోకింగ్‌ ఊపిరితిత్తుల క్యాన్సర్‌కు ప్రధాన కారణం. అంతేకాదు, స్మోకింగ్‌ వల్ల నోరు, గొంతు క్యాన్సర్‌తో సహా 14 రకాల క్యాన్సర్లు వచ్చే మప్పు ఉంది. క్రమం తప్పకుండా ధూమపానం చేసే 10 మందిలో తొమ్మిది మంది 25 ఏళ్లలోపు స్మోకింగ్‌ చేయడం ప్రారంభిస్తారని పరిశోధనలు చెబుతున్నాయి. మీకు స్మోకింగ్‌ అలవాటు ఉంటే.. వెంటనే మానేయండి. ఈ అలవాటు మానుకుంటే.. ఎన్నో రకాల క్యాన్సర్లు వచ్చే ప్రమాదం తగ్గుతుంది. గంజాయి అలవాటు ఉంటే టెస్టిక్యులర్‌ క్యాన్సర్ వచ్చే ప్రమాదం ఉందని కొన్ని అధ్యయనాలు వెల్లడించాయి. క్యాన్సర్ ముప్పు తగ్గించాలంటే.. ఈ అలవాట్లకు దూరంగా ఉంటే మంచిది.
సురక్షితమైన సెక్స్ చేయండి..
HPV (హ్యూమన్ పాపిల్లోమావైరస్) - జననేంద్రియ గడ్డ/మొటిమలకు కారణమవుతుంది. ఇది ప్రపంచంలో అత్యంత సాధారణ సంక్రమించే ఇన్ఫెక్షన్‌. HPV (హ్యూమన్ పాపిల్లోమావైరస్) అనేక రకాల క్యాన్సర్లకు కూడా కారణమవుతుంది. గర్భాశయ, పురుషాంగం, నోరు, గొంతు క్యాన్సర్లు వచ్చే ప్రమాదం ఉంది. HPVతో సంబంధం ఉన్న క్యాన్సర్ ముఖ్యంగా యువకులలో సాధారణంగా కనిపిస్తుంది. UKలో మాత్రం, గర్భాశయ క్యాన్సర్ 30-34 సంవత్సరాల వయస్సు గల మహిళలో సాధారణంగా కనిపిస్తుంది.
బరువు కంట్రోల్‌లో ఉంచుకోండి..
అధిక బరువు/ఊబకాయం కారణంగా పేగు, రొమ్ము, గర్భాశయ, ప్యాంక్రియాస్‌ సహా 13 రకాల క్యాన్సర్లు వచ్చే ప్రమాదం ఉంది. అధిక కొవ్వు శరీరంలో ఇన్ఫ్లమేషన్‌కు కారణం అవుతుంది. ఇది కణతుల పెరుగుదలను ప్రోత్సహిస్తుంది, క్యాన్సర్ కణాల విభజనకు సహాయపడుతుంది. కొవ్వు కణాలు ఈస్ట్రోజెన్ హార్మోన్‌ను ఉత్పత్తి చేస్తాయి, ఇది రొమ్ము, గర్భంలో కణుతల పెరుగుదలను ప్రోత్సహిస్తుంది. అధిక బరువు కారణంగా మహిళల్లో క్యాన్సర్ ప్రమాదం పెరుగుతుంది.
చెడు ఆహార అలవాట్లు ఉన్నవారికీ, క్యాన్సర్ ముప్పు పెరుగుతుంది. రెడ్‌ మీట్‌ తినేవారికి క్యాన్సర్ వచ్చే పెద్దప్రేగు క్యాన్సర్ వచ్చే అవకాశం ఉంటుంది. సమతుల్య ఆహారం, ఫైబర్‌ రిచ్‌ ఫుడ్‌, తాజా పండ్లు, కూరగాయలు తింటే.. క్యాన్సర్ ప్రమాదం తగ్గుతుందని నిపుణులు చెబుతున్నారు. మీరు క్యాన్సర్ మహమ్మారి నుంచి దూరంగా ఉండాలంటే.. మంచి ఆహారం తీసుకుంటూ, హెల్తీ వెయిట్‌ మేయింటేన్‌ చేయండి.
ఆల్కహాల్‌ అలవాటు మానుకోండి..
ఆల్కహాల్‌ తాగే అలవాటు ఉన్నవారికి లివర్‌, రొమ్ము, అన్నవాహిక సహా అనేక రకాల క్యాన్సర్లు వచ్చే ప్రమాదం ఉంది. క్యాన్సర్ ముప్పును తగ్గించుకోవడానికి ఈ అలవాటుకు దూరంగా ఉండండి.
సన్‌ స్క్రీన్‌ అప్లై చేసుకోండి..
ప్రపంచ వ్యాప్తంగా 1.20 మిలియన్ల చర్మ కాన్సర్ కేసులు ఉన్నాయి. స్కిన్ కాన్సర్ చర్మ కణాల అసాధారణ పెరుగుదల, చర్మం యూవీ కిరణాలు ఎక్స్‌పోజ్‌ అవ్వడం వల్ల వస్తుంది. ఎండలో తిరగడం తగ్గించండి. ఎండ తగలకుండా క్లాత్‌తో కవర్ చేసుకోండి. సంవత్సరం పొడవునా సన్‌స్క్రీన్ రాయడం. స్కిన్‌ని కాపాడేందుకు ఎలాంటి మెడిసిన్స్ వాడొద్దు..
Read more Health News and Telugu news
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.