ఆహార నియమాలు పాటిస్తున్నా బరువు తగ్గడం లేదా?

శరీరానికి అవసరమై పోషకాల్లో ప్రోటీన్లు కూడా చాలా ముఖ్యమైనవి. అనారోగ్యాలను ఎదుర్కోవడానికి, శరీర భాగాలను గాయాల నుంచి రక్షించడానికి ఇవితోడ్పడతాయి. అంతే కాదు బరువు తగ్గడానికి, కండరాలు దృడంగా తయారవడానికి ఎంతగానో సహకరిస్తాయి. అయితే వీటిని మోతాదుకు మించి తీసుకుంటే అనర్ధాలకు దారితీస్తుంది.

క్రమబద్దమైన ఆహార నియమాలను పాటిస్తూ, జంక్ ఫుడ్స్‌కు దూరంగా ఉన్నప్పటికీ బరువు పెరుగుతున్నట్లయితే మీరు ప్రోటీన్లను పరిమితికి మించి తీసుకుంటున్నారని భావించవచ్చు. సహజంగా హై ప్రోటీన్ డైట్ వల్ల బరువు తగ్గడం జరుగుతుంది. కానీ మోతాదుకు మించి తీసుకుంటే మాత్రం తగ్గడం మాట అటునుంచి ఇంకా బరువు పెరుగుతారు. మోతాదుకు మించి ఎక్కువ తీసుకుంటే అవి అదనపు కేలరీలు కింద లెక్క. కాబట్టి బరువు అదుపులో ఉండదు.

ఎక్కువ రోజులు హై ప్రోటీన్ డైట్ తీసుకోవడం వల్ల కిడ్నీల్లో సమస్యలు మొదలవుతాయని ఓ అధ్యయనంలో వెల్లడైంది. అమెరికన్ జర్నల్ అఫ్ కిడ్నీ కూడా దీనిని ధ్రువీకరించింది. హై ప్రోటీన్, కార్బోహైడ్రేట్ డైట్‌లో ఎక్కువ రోజులు ఉన్నప్పుడు శరీరంలో కీటోన్స్ పెరిగి కిడ్నీ సమస్యలు సంభవిస్తాయి. శరీరం శక్తి కోసం కార్బోహైడ్రేట్స్ బదులు ప్రోటీన్లను వాడుతుంది. దీంతో శరీర సమతౌల్యత దెబ్బ తిని సమస్యలు తలెత్తుతాయి.

శ్వాస కూడా దుర్గంధభరింతంగా ఉంటుంది. శరీరంలో పెరిగే కీటోన్స్ కూడా దీనికి కారణం. ప్రోటీన్ సింథసిస్ వల్ల తలెత్తే సమస్యల్లో ఇది కూడా ఒకటి. ఎక్కువ ప్రోటీన్ తీసుకోవడం వల్ల వచ్చే దుర్వాసనను నివారించాడినికి చేసే ప్రయత్నాలు ఫలితాన్ని ఇవ్వవు. ఆహారంలో ప్రోటీన్‌ను తగ్గించడమే ఈ సమస్యకు తగిన పరిష్కారం.

హై ప్రోటీన్ డైట్‌లో ఉన్న వారు, సహజంగానే ఎక్కువ ప్రోటీన్ తీసుకునే వాళ్లకు శరీర ఉష్ణోగ్రత తగ్గడం, తరచూ దాహం వేయడం లాంటివి జరుగుతాయి. ప్రోటీన్లను అమైనో ఆమ్లాలుగా మార్చడానికి కాలేయం ఎక్కువ శ్రమిస్తుంది. తత్ఫలితంగా శరీరంలో అసిడిక్‌గా మారడంతో ఉష్ణోగ్రత తగ్గిపోతుంది.