ఫైబర్ మనకు మొక్కల నుంచి లభిస్తుంది. దీన్ని మన జీర్ణ వ్యవస్థ సులభంగా విచ్ఛిన్నం చేయలేదు. ఫైబర్ విచ్ఛిన్నం అయ్యి, దాన్ని గ్రహించుకునే సమయంలో శరీరం అనవసరమైన ఆహారాన్ని గ్రహించకుండా నిరోధిస్తుంది.
బ్రోకలీ..
బ్రోకలీలో ఫైబర్, విటమిన్ సీ పుష్కలంగా ఉంటుంది. అధ్యయనం ప్రకారం, ఒక కప్పు బ్రోకలీలో ఐదు గ్రాముల ఫైబర్ ఉంటుంది. బ్రోకోలీని సలాడ్స్‌ రూపంలో తీసుకోవచ్చు. దీని టేస్ట్‌ను ఎంజాయ్‌ చేయడానికి నూనె, వెల్లుల్లితో వేయించి తీసుకోండి.
పాలకూర..
పాలకూర మన డైట్‌లో తీసుకుంటే.. కంటి ఆరోగ్యం మెరుగుపడుతుంది. పాలకూరలో ఆక్సిడేషన్‌ ఒత్తిడిని, రక్తపోటును తగ్గిస్తుంది. ఇందులో కరగని ఫైబర్ ఉంటుంది. పాలకూర తరచుగా తీసుకుంటే.. మీరు బరువు తగ్గడంలో సహాయపడుతుందని నిపుణులు చెబుతున్నారు. ఇది మన ఆరోగ్యానికీ ఎంతో మేలు చేస్తుంది.
పచ్చి బఠాణీ..
పచ్చి బఠానీలు పోషకాల స్టోర్‌ హౌస్‌. ఇందులో ఫైబర్, ఐరన్‌, విటమిన్ ఎ, సీ పుష్కలంగా ఉంటాయి. అధిక బరువు సమస్యతో బాధపడేవారు, పచ్చి బఠాణీ వారి డైట్‌లో చేర్చుకోవాలని నిపుణులు చెబుతున్నారు.
బెండకాయ..
బెండకాయలో కాల్షియం, పొటాషియం, కార్బస్‌, ప్రొటీన్లు, విటమిన్లు, ఎంజైములు వంటి పోషకాలు పుష్కలంగా ఉంటాయి. దీనిలో ఫైబర్ అధికంగా ఉంటుంది. బెండకాయ పేగులను శుభ్రపరచడంలో సహాయపడుతుంది.
గుమ్మడి కాయ..
గుమ్మడి కాయను చాలా మంది ఇష్టపడరు. కానీ, దీనిలో పోషకాలు పుష్కలంగా ఉంటాయి. గుమ్మడి కాయలో కాల్షియం, విటమిన్ ఏ, కె వంటి పోషకాలు ఉన్నాయి. దీంతో రకరకాల కూరలు, స్వీట్స్‌, సూప్‌ తయారు చేసుకుని తీసుకోవచ్చు. బరువు తగ్గాలనుకునే వారికి గుమ్మడికాయ బెస్ట్‌ ఆప్షన్‌.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.