Blood cancer: వీరికి.. బ్లడ్‌ క్యాన్సర్‌ వచ్చే ప్రమాదం ఎక్కువ..!

క్యాన్సర్, అత్యంత ప్రమాదకర వ్యాధి. క్యాన్సర్ కారణంగా ప్రతి ఏటా మిలియన్ల మంది మరణిస్తున్నారు. ఇది అంత భయంకరమైన వ్యాధి . క్యాన్సర్స్‌లో చాలా రకాలన్నాయి. అందులో ఒకటి బ్లడ్ క్యాన్సర్ దీన్నే లుకేమియా అంటారు. లుకేమియా అనేది తెల్ల రక్త కణాలను ప్రభావితం చేసే ఒక రకమైన క్యాన్సర్. ముఖ్యంగా తెల్ల రక్తకణాలు, బోన్ మ్యారోలో ఉండే రక్త కణాలపై ప్రభావం చూపుతుంది. బ్లడ్ క్యాన్సర్ సోకిన వారిలో తెల్ల రక్తకణాలు విపరీతంగా పెరిగిపోతుంటాయి. అంతేకాదు ఎర్రరక్తకణాల సంఖ్య పూర్తిగా తగ్గిపోతుంది. తెల్లరక్తకణాలు విపరీతంగా పెరగడం వల్ల ఇతర కణాలు పనిచేయకుండా తయారవుతాయి.

లుకేమియాలో ఎముకల మజ్జలో క్యానర్ కణాలు వేగంగా, అనియంత్రిత పద్దతిలో పెరుగుతాయి. ఇవి రక్తంలో కలిసి శరీరమంతా వ్యాపిస్తాయి. ఫలితంగా, లుకేమియా కణాలు.. రక్తప్రవాహంలోకి సాధారణ రక్త కణాల విడుదలకు అంతరాయం కలిగిస్తాయి. దీంతో.. వివిధ అవయవాలకు ఆక్సిజన్‌ సరఫరా క్షీణిస్తుంది. దీనివల్ల శరీరంలో రక్తం గడ్డకట్టడం, ఇన్ఫెక్షన్స్‌ వచ్చే ప్రమాదం ఉంది. లుకేమియాలో.. అలసట, బరువు తగ్గడం, తరచుగా ఇన్ఫెక్షన్లు, రక్తహీనత, జ్వరం, చలి, ఎముకల నొప్పి, రక్తస్రావం వంటి లక్షణాలు కనిపిస్తాయి.
బ్లడ్ క్యాన్సర్ ఎవరికైనా రావచ్చు. కానీ లుకేమియా .. ఆడవారికంటే.. మగవారికే ఎక్కువగా వస్తుంది.బ్లడ్‌ క్యాన్సర్‌ ఏ కారణాల వల్ల వస్తుందో.. ఏ పరిశోధనలూ వెల్లడించలేదు. కానీ, లుకేమియాకు దారి తీసే కొన్ని ప్రమాదకర పరిస్థితులను శాస్త్రవేత్తలు వివరించారు. అవేంటో చూసేయండి.
స్మోకింగ్..

స్మోకింగ్‌ చేస్తే ఎన్నో ఆరోగ్య సమస్యలు వస్తాయి. బ్లడ్‌ క్యాన్సర్‌కు, స్మోకింగ్‌గు డైరెక్ట్‌ కనెక్షన్‌ లేకపోయినా.. రోజూ సిగరెట్‌ తాగే వారికి బ్లడ్‌ క్యాన్సర్‌ (acute myeloid leukemia (AML)) వచ్చే ప్రమాదం ఎక్కువ. స్మోకింగ్‌ వల్ల ఉపిరితిత్తుల క్యాన్సర్‌ వచ్చే ప్రమాదం ఉంది.
జనిటిక్‌ డిజార్డర్‌..

డౌన్ సిండ్రోమ్, ఫ్యాన్కోని అనీమియా, బ్లూమ్ సిండ్రోమ్, టెలాంగియెక్టాసియా, బ్లాక్‌ఫాన్-డైమండ్ సిండ్రోమ్‌తో సహా కొన్ని పుట్టుకతో వచ్చే సిండ్రోమ్‌లు అక్యూట్‌ మైలాయిడ్‌ లుకేమియా (Acute myeloid leukemia) ప్రమాదాన్ని పెంచుతాయి.
కుటుంబ చరిత్ర..

చాలా వరకు లుకేమియా కేసులకు.. కుటుంబంలో లేకపోయినా వస్తాయి. కానీ మీ కుటంబంలో క్రానిక్ లింఫోసైటిక్ లుకేమియా (CLL)తో బాధపడుతున్నవారు ఉంటే, ఇంతకు మందు దీనితో బాధపడతుంటే.. మీరు జాగ్రత్తపడాల్సిన అవసరం ఉంది. కవలలలో ఒకరికి.. లుకేమియా ఉంటే.. మరొకరికి బ్లడ్‌ క్యాన్సర్‌ వచ్చే ప్రమాదం ఉంది.
వృద్ధులకు..

చ లుకేమియా వచ్చే ప్రమాదం వయస్సుతో పెరుగుతుంది. ఎక్యూట్ మైలోయిడ్ లుకేమియా, దీర్ఘకాలిక లింఫోసైటిక్ లుకేమియా ఉన్న రోగులు 65 సంవత్సరాలు, అంతకంటే ఎక్కువ వయస్సు గలవారు. ఎక్యూట్‌ మైలోయిడ్ లుకేమియా 20 సంవత్సరాల కంటే తక్కువ వయసు ఉన్నవారిలోనూ కనిపిస్తాయి.
కెమికల్స్‌ కాంటాక్ట్‌..

కెమికల్స్‌తో కాంటాక్ట్‌ ఎక్కువగా ఉన్న వ్యక్తులకు లకేమియా వచ్చే ప్రమాదం ఉంది. ముఖ్యంగా గ్యాసోలిన్‌లో ఉండే.. బెంజీన్‌తో ఎక్కువగా కాంటాక్ట్‌ అయితే.. లుకేమియా వచ్చే ప్రమాదం ఎక్కువ. కొన్ని క్రిమిసంహారకాలు, పారిశ్రామిక రసాయనాల మధ్య ఎక్కువ కాలం ఉన్నా లుకేమియా వచ్చే అవకాశముంది. అందుకే హానికార రసాయనాలకు వీలైనంత దూరంగా ఉండాలి.
రేడియేషన్‌..

అణు బాంబు పేలుడు వంటి అధిక శక్తి కలిగిన రేడియేషన్‌కు గురికావడం, టవర్‌ రేడియేషన్‌కు గురికావడం వల్ల కూడా బ్లడ్‌ క్యాన్సర్‌ ప్రమాదాన్ని పెంచుతుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.