ప్రోస్టేట్ గ్రంధిలోని కణాలు నియంత్రణలో లేనప్పుడు ప్రోస్టేట్ క్యాన్సర్ వచ్చే అవకాశం ఉంది. జన్యుపరమైన కారణాలు, ఊబకాయం, వయస్సు మీద పడటం, కుటంబ చరిత్ర వంటి కారణాల వల్ల ప్రోస్టేట్ క్యాన్సర్ వచ్చే ప్రమాదం ఉంది. ఆరోగ్యకరమైన జీవనశైలి, పోషకాహారం తీసుకోవడం వంటి అలవాట్లను అనుసరిస్తే ప్రోస్టేట్ క్యాన్సర్ రిస్క్‌ తగ్గుతుందని నిపుణులు చెబుతున్నారు. ప్రోస్టేట్ క్యాన్సర్ రిస్క్‌ తగ్గించే అలవాట్లు ఏమిటో ఈ స్టోరీలో చూద్దాం.
క్రమం తప్పకుండా వ్యాయామం చేయండి..
ఏ వయసులోనైనా తగినంత శారీరక శ్రమ, వ్యాయామం చేయటం ఆరోగ్యానికి చాలా కీలకం. వారానికి కనీసం 150 నిమిషాల సేపు వ్యాయామం నిపుణులు సూచిస్తున్నారు. వ్యాయామం శరీరంలోని మంటను తగ్గిస్తుంది, బరువును కంట్రోల్‌లో ఉంచుతుంది, రోగనిరోధక శక్తిని మెరుగుపరుస్తుంది. ఇవన్నీ క్యాన్సర్‌ను నిరోధించడంలో సహాయపడతాయి. (image source - pixabay)
ప్రొస్టేట్ క్యాన్సర్ ఎందుకొస్తుంది..
తాజా పండ్లు, కూరగాయలు తినండి..
ప్రొస్టేట్ క్యాన్సర్‌ను నివారించడానికి తాజా పండ్లు, కూరగాయలు పుష్కలంగా తీసుకోవాలని నిపుణులు సూచిస్తున్నారు. పండ్లు కూరగాయలలో విటమిన్ల్‌, మినరల్స్‌, యాంటిఆక్సిడెంట్స్‌ పుష్కలంగా ఉంటాయి. యాంటీఆక్సిడెంట్స్‌ ఫ్రీరాడికల్స్‌‌తో పోరాడటానికి సహాయపడతాయి. పండ్లు కూరగాయలలో కొవ్వు పదార్థాలు తక్కువగా ఉంటాయి. ఇవి బరువును కంట్రోల్‌లో ఉంచుతాయి. మీ డైట్‌లో పండ్లు, కూరగాయలు తీసుకుంటే.. ప్రొస్టేట్ క్యాన్సర్ నుంచి రక్షణ లభిస్తుంది. (image source - pixabay)
బరువును కంట్రోల్‌లో ఉంచుకోండి..
ముప్పై కంటే ఎక్కువ బాడీ మాస్ ఇండెక్స్ (BMI) పురుషులలో ఊబకాయాన్ని సూచిస్తుంది. ఇది ప్రోస్టేట్ క్యాన్సర్ ప్రమాదాన్ని పెంచుతుంది. మీరు బరువు అధికంగా ఉంటే.. బరువును కంట్రోల్‌లో ఉంచుకోండి. ప్రతిరోజూ క్యాలరీలు తక్కువగా తీసుకోవడం, ఫిజికల్‌గా యాక్టివ్‌ ఉంటే.. బరువు తగ్గుతారు.
Okra for diabetes: షుగర్‌ పేషెంట్స్‌ బెండకాయ తింటే మంచిదా..?
విటమిన్‌ డి అధికంగా తీసుకోండి..
విటమిన్‌ ప్రోస్టేట్ క్యాన్సర్‌తో సహా అనేక అనారోగ్యాలను నివారించడంలో సహాయపడుతుంది. మీరు విటమిన్‌ డిని సమృద్ధిగా పొందడానికి ప్రతి రోజు ఉదయం, సాయంత్రం 10 నిమిషాలు సూర్యరశ్మిలో ఉండంటి కాడ్ లివర్ ఆయిల్, వైల్డ్ సాల్మన్, ఎండిన షిటేక్ మష్రూమ్‌లో విటమిన్‌ డి పుష్కలంగా ఉంటుంది.
Best Summer Drinks: వేసవి వేడిని తగ్గించి, శరీరాన్ని కూల్‌ చేసే .. హెల్తీ డ్రింక్స్‌ ఇవే..!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.