ఇవి పడకగదిలో ఉంటే.....

సువాసన మనసు ఎంతో ఆహ్లాదంగా ఉంచుతుంది. దీని వల్ల మెదడులోని కణాలు ఉత్తేజిమవుతాయి. ఇది ఒంటికే కాదు ఇంటికి మంచిది. వంటింట్లో నుంచి ఇడ్లీ సాంబారు సువాసన గుప్పుమంటూ వస్తుంటే ఎంత తొందరగా వాటిని లాంగించేద్దామా అని డైనింగ్ టేబుల్ దగ్గరకు వెళ్తాం. బస్సులో వెళ్తుంటే వచ్చే పరిమళభరితమైన సువాసన చెమట దుర్వాసన నుంచి ఉపశమనం కలిగిస్తుంది. ఇదంతా సుగంధ ద్రవ్యాలకు ఉండే శక్తి. అందుకే కొన్ని సుగంధ ద్రవ్యాలను పడకగదిలో ఉంచుకుంటే మొండి వాదనలకు చెక్ పెట్టవచ్చు.

రోమన్లు ఇంట్లో సువాసన కోసం సుగంధ ద్రవ్యాలకు ప్రాధాన్యత ఇచ్చేవారు. దేశీయంగా ఉత్పతి అయి, సహజమైన పరిమళం వెదజల్లేవాటిని ఇంట్లో పరిశుభ్రతకు వినియోగించేవారు. వీటితో సువాసన కలిగిన ద్రవాలను తయారు చేసేవారు. భారతీయ ఇతిహాసాల్లోనూ సువాసన నూనెలు, సుగంధ ద్రవ్యాల గురించి పేర్కొన్నారు. వీటిని పవిత్రమైన యోగులు ఆశ్రమాలతోపాటు మరి కొన్నింటిని రాణుల అంత:పురంలో ఉపయోగించేవారు.

పురాతన కాలంలో దాల్చిన చెక్కను కేవలం వంటల్లోనే కాకుండా వైద్యం, సౌందర్య సాధనాల్లోనూ విరివిగా ఉపయోగించేవారు. దాల్చిన చెక్క సువాసన సన్నిహిత సంబంధాలు మరింత మెరుగుపడటానికి దోహదం చేస్తుంది.

ఏలకుల వల్ల శృంగార జీవితాన్ని మరింత ఆస్వాదించే అవకాశం ఉందని అనేక అధ్యయనాలు వెల్లడించాయి. ఇది పడకగదిలో ఉంటే ఒత్తిడి దూరమై ప్రశాంతమైన వాతావరణం ఏర్పడుతుంది. రుచే కాదు సువాసన కూడా అమోఘం.

సోంపు మంచి మౌత్‌ ఫ్రెషనర్‌. ఇవి పడకింట్లో ఉంటే ఎంతో మేలు జరుగుతుంది. పని పూర్తయిన తర్వాత దీన్ని తీసుకుంటే వెంటనే రిఫ్రెష్ అవ్వడానికి తోడ్పడుతుంది.
శొంఠి లేదా ఎండు అల్లం పొడి వల్ల రోగనిరోధక శక్తి బలంగా ఉంటుంది. రోజూ కొంచెం మోతాదులో దీన్ని తీసుకుంటే శరీరంలో రోగ నిరోధక శక్తి మెరుగుపడుతుంది.