కాఫీ, కొబ్బరి నూనెతో బరువు తగ్గండిలా..!

బరువు తగ్గాలని భావిస్తున్నారా? రోజూ ఎక్సర్‌సైజ్‌లు చేస్తూ.. చక్కటి డైట్ ఫాలో అవుతున్నారా? అయితే చక్కగా ఓ కప్పు కాఫీ లాగించేసి బరువు తగ్గండి. వేగంగా బరువు తగ్గడంలో ఇప్పుడిది కొత్త ట్రెండ్. కాఫీలో కొబ్బరి నూనెను కలిపి తీసుకోవడం వల్ల వేగంగా బరువు తగ్గుతారట. కాఫీలో ఉండే కెఫిన్ ఒంట్లోని కేలరీలను కరిగించడానికి ఉపయోగపడుతుంది. కెఫిన్‌ను మితంగా తీసుకోవడం వల్ల చురుగ్గా ఉండటంతో పాటు.. బరువును తగ్గించుకోవచ్చు. అలాగే బరువు తగ్గించుకోవడానికి కొబ్బరి నూనె కూడా ఉపయోగపడుతుంది. మిగతా కొవ్వులు లాంగ్ చెయిన్ ఫ్యాటీ యాసిడ్లుగా మారితే.. కొబ్బరిలోని కొవ్వులు మాత్రం మీడియం చెయిన్ ఫ్యాటీ యాసిడ్లు. వీటిని కాలేయం శక్తి రూపంలోకి లేదా కీటోన్ల రూపంలోకి మారుస్తుంది.

కాబట్టి బరువు తగ్గడానికి ప్రయత్నించే వారు ఉదయాన్నే కాఫీలో సహజమైన కొబ్బరి నూనె కలుపుకొని తాగడం వల్ల మెరుగైన ఫలితాలు పొందొచ్చట. కాఫీలో కొబ్బరి నూనెంటండీ బాబు.. అనుకుంటున్నారా? ఇలా చేయడం వల్ల కాఫీ రుచిలో తేడా ఏం రాదు. కప్పు కాఫీలో రెండు చెంచాల కొబ్బరి నూనె కలిపి తాగేస్తే సరి. ఈ కాఫీ తాగిన తర్వాత వర్కౌట్ చేయడం వల్ల త్వరగా అలసిపోకుండా ఉంటాం.

ఇంకేం మీరూ ఓసారి ప్రయత్నించి చూడండి. కొందరు మాత్రం వికారం, డయేరియా లాంటి ఇబ్బందులు తలెత్తుతున్నాయని ఫిర్యాదు చేస్తున్నారు. కాబట్టి ఒకేసారి మొత్తంగా తాగేయకుండా.. కొద్ది కొద్దిగా తాగి చూడండి. మీ ఒంటికి సరిపడితే కంటిన్యూ అయిపోయండి.