వయాగ్రాతో అంగస్తంభనలు ఎలా కలుగుతాయి?

అంగ స్తంభన సమస్యలు ఉన్నవారు, శృంగారాన్ని ఎక్కువ సేపు ఆస్వాదించాలనుకునేవారు వయాగ్రాను ఆశ్రయిస్తుంటారు. వయాగ్రా ప్రభావం వల్ల సాధారణం కంటే ఎక్కువ టైం రతిలో పాల్గొనడానికి వీలవుతుంది. అంగస్తంభన సమస్యలకు ఇది పరిష్కారం కాకపోయినప్పటికీ అధిక సమయం కలయికను ఆస్వాదించలేని వారికి ఇది ఉపయోగపడుతుంది. వయాగ్రా వేసుకోగానే సరిపోదు.. శృంగారానికి మీరు కూడా సన్నద్ధం కావాల్సి ఉంటుంది. పురుషాంగంలోకి రక్త సరఫరాను నియత్రించే పీడీఈ5 ఎంజైమ్‌ను వయాగ్రా తాత్కాలికంగా అడ్డుకుంటుంది.

వయాగ్రా తీసుకున్న 12 నిమిషాల తర్వాత దీని ప్రభావం మొదలవుతుందని స్టాండర్డ్ మీడియా కథనం వెల్లడించింది. ఈ ట్యాబ్లెట్ వేసుకోవడం వల్ల అరగంటపాటు అంగం స్తంభించి ఉంటుంది. ఒక్కోసారి అంతకంటే ఎక్కువ సేపే స్తంభనలు ఉంటాయి. నాలుగు గంటల తర్వాత వయాగ్రా ప్రభావం తగ్గుముఖం పడుతుంది. కానీ 50 శాతం మంది మగాళ్లు ఆ తర్వాత కూడా సెక్స్‌లో పాల్గొనే వీలుంది. ఎందుకంటే దీని ప్రభావం దాదాపు 10 గంటలు ఉంటుంది. 12 గంటల తర్వాత గానీ సాధారణ స్థితికి రాలేం.

పురుషాంగానికి రక్త ప్రసరణను పెంచడం ద్వారా లైంగిక చర్యకు వీలుగా అంగస్తంభన సాధ్యమయ్యేలా వయాగ్రా చేస్తుంది. వైద్యుల సలహా లేకుండా ఈ ట్యాబ్లెట్లను వాడొద్దు. గుండె సంబంధ సమస్యలు ఉన్నవారు, బీపీతో బాధపడుతున్నవారు దీనికి దూరంగా ఉండాలి. 25 ఎంజీ, 50 ఎంజీ మరియు 100 ఎంజీ ట్యాబెట్ల రూపంలో ఇది అందుబాటులో ఉంది. డాక్టర్లు సూచించిన మోతాదు ప్రకారమే దీన్ని వాడాల్సి ఉంటుంది. తక్కువ మోతాదుతో ప్రారంభించాలి. చాలా మంది 50 ఎంజీ మాత్రను ఉపయోగిస్తారు. భోజనం చేశాక వెంటనే వయాగ్రా వేసుకోవడం వల్ల అంతగా ఫలితం ఉండదు.