బెల్లీ ఫ్యాట్‌‌ను పది రోజుల్లోనే కరిగించేస్తుంది!

పొట్ట భాగంలో పేరుకుపోయిన కొవ్వు అనారోగ్యానికి సంకేతం. ఇది చూసేందుకు కూడా ఇబ్బదికరంగా ఉంటుంది. బరువు తగ్గినప్పటికీ.. ఈ భాగంలో కొవ్వు తగ్గించుకోవడం మాత్రం చాలా కష్టమైన వ్యవహారం. పొట్ట పెరగడం వల్ల నచ్చిన టీ షర్టులు వేసుకోలేం. ఆడవాళ్లకైతే ఇది చాలా పెద్ద సమస్యే. కానీ పది రోజుల్లోనే ఈ సమస్య నుంచి బయటపడొచ్చు. అది కూడా తేలికపాటి వంటింటి చిట్కాలతోనే.. అల్లం, జీలకర్ర మిశ్రమంతో బాన పొట్టను సైతం బాల బొజ్జ స్థాయికి తగ్గించొచ్చు.

మన వంటింట్లో తప్పనిసరిగా ఉండేవాటిలో అల్లం ఒకటి. ఆహారానికి అదనపు రుచిని సమకూర్చడంతోపాటు అనేక ఔషధ గుణాలు కూడా అల్లంలో ఉన్నాయి. జీర్ణ సంబంధ సమస్యల నుంచి బయటపడటానికి వందలాది ఏళ్లుగా అల్లంను ఉపయోగిస్తున్నారు. ఇది ఒంట్లో వేడిని పెంచి జీవక్రియలను మెరుగుపరుస్తుంది.


భారతీయ వంటకాల్లో జీలకర్రను తప్పనిసరిగా ఉపయోగిస్తారనే సంగతి తెలిసిందే. ఇది మధ్యదరా సముద్ర ప్రాంత దేశాలకు చెందిన సుగంధ ద్రవ్యం అయినప్పటికీ.. మనం విరివిగా వాడతాం. ఇందులో పొటాషియం, ఇనుము, పీచు పదార్థం అధిక మోతాదులో ఉంటాయి. ఇవేగాకుండా కొద్ది మొత్తంలో సీ, కె, ఈ విటమిన్లు కూడా లభిస్తాయి. జీలకర్ర ఒంట్లో పేరుకున్న అనారోగ్యకరమైన కొవ్వును తగ్గిస్తుంది.


పొట్ట భాగంలో కొవ్వు తగ్గించుకునే రెసిపీ తయారీ కోసం ఒక టేబుల్ స్పూన్ జీలకర్ర తీసుకోవాలి. దీన్ని అర లీటర్ నీటిలో వేసి సగానికి (250 మిల్లీ లీటర్లు) తగ్గేలా మరిగించాలి. దీనికి అల్లం, దాల్చిన చెక్క, యాలకులు, తాజా నిమ్మరసం కూడా కలపొచ్చు. పది రోజులపాటు ఉదయాన్నే పరగడుపున ఈ మిశ్రమాన్ని తాగడం వల్ల పొట్ట భాగంలో పేరుకుపోయిన కొవ్వు కరిగిపోతుంది. రోజూ 45 నిమిషాలపాటు ఎక్సర్‌సైజ్‌లు చేస్తూ, ఆహార నియమాలు పాటిస్తే మెరుగైన ఫలితాలుంటాయి. అల్లం, జీలకర్ర జీవక్రియలను పెంపొందిస్తాయి. ఫలితంగా కేలరీలు త్వరగా ఖర్చయ్యి బరువు తగ్గుతారు.