అద్భుతం.. ఆయన మధుమేహాన్ని జయించాడు! ఎలాగో తెలుసా?

మధుమేహం.. యావత్తు ప్రపంచాన్ని వణికిస్తున్న మహమ్మారి. జీవవశైలిలో మార్పుల వల్ల చిన్న వయస్సులోనే చాలామంది ఈ వ్యాధిబారిన పడి నరయాతన అనుభవిస్తున్నారు. రక్తంలోని బ్లడ్, సుగర్ స్థాయిలను నియంత్రించేందుకు జీవితాంతం ఇన్సులిన్లు తీసుకోక తప్పడం లేదు. అయితే, ఆ వ్యక్తి.. మధుమేహానికే షాకిచ్చారు. సమగ్ర జీవనశైలితో వ్యాధిని జయించారు.

పేరు: సునీల్ సింగ్
వృత్తి: ఎంఎన్సీలో సీనియర్ మేనేజర్
వయస్సు: 37, ఐదేళ్లుగా మధుమేహంతో బాధపడ్డారు
అత్యధిక HbA1c: 7.6% (మధుమేహం)
ప్రస్తుతం HbA1c: 5.2% (మధుమేహం లేదు)
మధుమేహాన్ని పూర్తిగా నయం చేసేందుకు పట్టిన సమయం: 16 వారాలు (4 నెలలు)

ఎలా సాధ్యమైంది?: మధుమేహాం నుంచి పూర్తిగా ఉపశమనం పొందడానికి తన రోజువారీ కార్యక్రమాల్లో స్వల్ప మార్పులు చేసుకున్నానని సునీల్ సింగ్ తెలిపారు. తనకు సమయం దొరక్కపోయినా.. వీలైనంత వరకు ఆరోగ్యకరమైన ఆహారం తీసుకోడానికే ప్రాధాన్యం ఇచ్చేవాడినని పేర్కొన్నారు.
‘‘వేపిన శనగలు లేదా బాదం పప్పులను నిత్యం వెంట తీసుకెళ్లాలని మా కోచ్ చెప్పారు. ప్రయాణాలు చేస్తున్నప్పుడు లేదా మీటింగుల్లో ఉన్నప్పుడు వాటిని తినమని చెప్పారు. సమోసాలు, కచోరీలకు దూరంగా ఉండమన్నారు. ఇలా చేయడం వల్ల నా రక్తంలో సుగర్ స్థాయిల హెచ్చుతగ్గులు తగ్గాయి. అలాగే నేను నిత్యం తీసుకునే ఆహారంలో కూడా పూర్తిగా మార్పులు చేశాను. సమయానికి ఆహారం తీసుకోవడమే కాకుండా, నిత్యం వ్యాయామం చేసేవాడిని. ఇలా చేయడం వల్ల నా రక్తంలో సుగర్ స్థాయిల్లో ఎలాంటి హెచ్చు తగ్గులు కనిపించడం లేదు. నన్ను పరీక్షించిన వైద్యుడు.. నా HbA1c స్థాయి చూసి, ఇప్పుడు సాధారణ మందులు వాడితే సరిపోతుందని తెలిపారు’’ అని సునీల్ చెప్పారు.
అదెలా సాధ్యమైందంటే..: ‘‘బిజీ లైఫ్‌లో వ్యాయమం చేయడం, సమయానికి భోజనం చేయడం అనేది పెద్ద సవాలే. మీరు ఒక విషయానికి కట్టుబడి ఉంటే.. తప్పకుండా జీవనశైలిలో మార్పు తేవచ్చు. ఇందుకు నేనే ఉదాహరణ’’ అని సునీల్ చెబుతున్నారు. కేవలం ఆరోగ్యకరమైన ఆహారం తినడమే కాకుండా వ్యాయామం కూడా చేయాలని, అప్పుడే మధుమేహాన్ని నియంత్రించగలమని తమ కోచ్ చేసిన సూచనలను తు.చ తప్పకుండా పాటించడం వల్లే ఈ రోజు తాను ఆ వ్యాధిని జయించగలిగానని తెలిపారు. ‘‘ఆరోగ్యంగా ఉండేందుకు మీకు మీరే ఒక లక్ష్యాన్ని నిర్దేశించుకోండి. మీరు ఏం తినాలి? లేదా ఏంచేయాలనే విషయాలను మీ మైండ్‌లో బలంగా నాటండి. తప్పకుండా మీరూ మధుమేహం నుంచి పూర్తిగా బయటపడతారు’’ అని తెలిపారు.
Read this story in English