ఈ దోమ డెంగ్యూనే చంపేస్తుంది!

ముల్లును ముల్లుతో తీయాలన్నట్లు... డెంగ్యూ వ్యాప్తి కారణమవుతున్న దోమను దోమతోనే అంతం చేయవచ్చని కోల్‌కతా యూనివర్శిటీ శాస్త్రవేత్తలు కనుగొన్నారు. వివరాల్లోకి వెళితే.. లుట్జీయా ఫుస్కానా (Lutzia Fuscana) అనే లార్వాలో డెంగ్యూ వ్యాప్తి చేసే ఎడెస్ అజీప్తీ (Aedes Aegypti) చంపుతుందని గుర్తించారు. ప్రస్తుతం లార్వా స్థాయిలో ఉన్న ఈ దోమను మున్సిపాలిటీ సిబ్బంది ద్వారా కాలువలు, చెత్తచెదారాలు తదితర ప్రాంతాల్లో వదిలిపెడితే.. డెంగ్యూ కారక ఎడెస్ అజీప్తి దోమ అంతమవుతుందని శాస్త్రవేత్తలు వెల్లడించారు.

డెంగ్యూనివారణకు మనం ప్రమాదకరమైన రసాయనాలు వాడుతున్నామని, లుట్జీయా ఫుస్కానా దోమలను వ్యాప్తి చేయించడం చేయడం సరైన మార్గమని తెలిపారు. ఒక లుట్జీయా దోమ రోజుకు కనీసం 19-24 ఎడెస్ అజీప్తి లార్వాల తింటాయని తెలిపారు. ఈ దోమ కేవలం పువ్వులు, ఆకులపై ఉండే రసాన్ని మాత్రమే ఆహారంగా తీసుకుంటుందని శాస్త్రవేత్తలు వివరించారు.

అమెరికా, జపాన్ వంటి దేశాల్లో కూడా ఈ ప్రయోగం జరిగిందని, అక్కడి మున్సిపాలిటీ సాయంతో ఈ దోమలను వ్యాప్తి చేయించడం ద్వారా డెంగ్యూను అదుపు చేస్తున్నారని కోల్‌కతా యూనివర్శిటీ ప్రొఫెసర్ గౌతమ్ ఆదిత్య వెల్లడించారు. ఈ సందర్భంగా ఈ దోమలను శాస్త్రీయంగా పెంచేందుకు మస్కీటో కేజ్‌ను ఏర్పాటు చేయాలని భావిస్తున్నామని తెలిపారు. ఆ తర్వాత వాటిని మురుగు కాలువలు చెత్త చెదారాలపై వదిలిపెడతామని తెలిపారు.