ఎసిడిటీ సమస్య వేదిస్తోందా? ఈ చిట్కాలు ప్రయత్నించి చూడండి

ఎసిడిటీ.. మనుషులను ప్రశాంతంగా ఉండనివ్వదు. ఏం తినాలన్నా.. ఏం జరుగుతుందనే భయం బాధితులను వెంటాడుతుంది. పుల్లటి తేన్పులు.. ఛాతిలో మంట.. గొంతులో ఏదో అడ్డుపడినట్లు నిండుగా ఉండటం ఇంకా ఎన్నో లక్షణాలు ఎసిడిటీ బాధితులను ఇబ్బందిపెడతాయి. మరి, ఈ సమస్యకు పరిష్కారం ఉందా? ఏం చేస్తే ఎసిడిటీ నుంచి ఉపశమనం పొందవచ్చు? తదితర వివరాలను ఇప్పుడు తెలుసుకుందాం. అయితే, ఎసిడిటీ సమస్యను పూర్తిగా తొలగించలేమనే చేదు విషయాన్ని మీరు తప్పకుండా గుర్తు పెట్టుకోవాలి. కానీ, ఆహారం విషయం జాగ్రత్తలు పాటిస్తూ.. ఈ చిట్కాలను ప్రయత్నిస్తే.. తప్పకుండా మీకు ఉపశమనం లభిస్తుంది.

❂ ఊరగాయలు, చట్నీలు, వెనిగర్ వంటివి ఎంత తక్కువ తింటే అంత మంచిది.
❂ రోజు ఉదయాన్నే పరగడపున పుదీనా ఆకులు నమలండి.
❂ భోజనం తర్వాత పుదీనా ఆకుల రసాన్ని తీసుకోండి.
❂ భోజనం తర్వాత లవంగాలను బుగ్గలో పెట్టుకోండి. దీనవల్ల ఎసిడిటీ సమస్య ఉండదు.
❂ లవంగాల్లో ఉండే కార్మెటివ్ గుణాలు జీర్ణాశయంలో ఆహారాన్ని త్వరగా కిందికి పంపిస్తాయి.
❂ ఎసిడిటీ ఉన్నవారు కొద్ది అల్లం తినొచ్చు. కానీ, మోతాదు మించితే మరో సమస్య వస్తుంది.
❂ ఎసిడిటీ నుంచి తక్షణ ఉపశమనం కోసం నిమ్మ, బెల్లం, పెరుగు, అరటి పండు తీసుకోవచ్చు.
❂ ఎసిడిటీ బాధితులు బీన్స్, గుమ్మడికాయ, క్యాబేజీ, వెల్లులి, క్యారెట్, మునగ కాయలు తీసుకోవచ్చు.

Read Also: కాఫీతో కరోనా టెస్ట్.. జస్ట్ స్నిఫ్ చేస్తే చాలు రిజల్ట్ తెలిసిపోతుంది, ఇదిగో ఇలా!

❂ కాఫీ, టీలకు దూరంగా ఉండండి.
❂ శీతలపానీయాల జోలికి అస్సలు వెళ్లొద్దు.
❂ హెర్బల్ టీ తాగితే ఎలాంటి సమస్య ఉండదు.
❂ రోజూ ఒక గ్లాసు గోరు వెచ్చని నీళ్లు తాగండి.
❂ ఆకలి వేసినప్పుడు పుచ్చకాయ, అరటి పండ్లు, దొసకాయలు తినండి.
❂ కొబ్బరి నీళ్లు ఎసిడిటీ నుంచి ఉపశమనానికి చాలా మంచిది.
❂ నిత్యం ఒక గ్లాస్ పాలు తాగండి.
❂ కారానికి దూరంగా ఉండండి.
❂ స్మోకింగ్‌కు దూరంగా ఉండండి.
❂ పైన పేర్కొన్న ఆహారాల్లో ఏది తీసుకోవాలన్నా వైద్యుల సూచన తప్పనిసరి.

Read Also: కాఫీ ఆరోగ్యానికి మంచిదేనా? అపోహలు.. వాస్తవాలు ఇవే!

ముఖ్య గమనిక: ఈ సమాచారం కేవలం మీ అవగాహన కోసమే అందించాం. పలు అధ్యయనాల్లో తేలిన అంశాలను మీకు తెలియజేయడానికే ఈ కథనం. ఇది అర్హత కలిగిన వైద్యుల అభిప్రాయానికి ప్రత్యామ్నాయం అస్సలు కాదు. వీటిని మీ డైట్‌లో చేర్చుకోవాలని నిర్ణయించుకున్నా లేదా మరింత సమాచారం తెలుసుకోవాలన్నా తప్పకుండా వైద్యులను, ఆహార నిపుణులను సంప్రదించాలని మనవి. ఈ సమాచారానికి ‘సమయం తెలుగు, టైమ్స్ ఆఫ్ ఇండియా’ ఎటువంటి బాధ్యత వహించదని గమనించగలరు.