స్టడీ: స్మోక్ చేసేవారు.. ఇవి తింటే కాస్త సేఫ్!

మీరు స్మోకింగ్ చేయడం మానేశారా? లేదా ఊపిరితీత్తుల సమస్యతో బాధపడుతున్నారా? అయితే.. తప్పకుండా టమోటా, ఆపిల్స్ తినండి. ఎందుకంటే.. పాడైన ఊపిరితీత్తులను బాగుచేసే గుణం వీటిలో ఎక్కువగా ఉన్నట్లు తాజా అధ్యయనం ఒకటి తెలిపింది. సాధారణంగా రోజుకు రెండు టమోటాలు తినే పెద్దవారిలో ఊపిరితీత్తుల పనితీరు క్షిణత చాలా తక్కువగా ఉన్నట్లు పరిశోధకులు గుర్తించారు. స్మోకింగ్ మానేసిన వ్యక్తులకు కూడా ఇవి మేలు చేస్తున్నాయని తెలుసుకున్నారు.

అలాగే, రోజుకు మూడు ఆపిల్స్ తినేవారిలో కూడా ఇవే అంశాలను గుర్తించామని తెలిపారు. జాన్స్ హోప్కిన్స్ బ్లూంబెర్గ్ స్కూల్ ఆఫ్ పబ్లిక్ హెల్త్‌కు చెందిన సర్వే సహ పరిశోధకుడు వనెస్సా గార్సియా లార్సెన్ మాట్లాడుతూ... ‘‘స్మోకింగ్ అలవాటు ఉన్నవారికి ఊపిరితీత్తుల క్షిణత అధికంగా ఉంటుంది. స్మోకింగ్ మానేసిన తర్వాత ఆ సమస్య తగ్గుముఖం పట్టడం చాలా కష్టం. అయితే, ఈ టమోటా, ఆపిల్ తినడం ద్వారా ఆ సమస్య నుంచి ఉపశమనం పొందవచ్చని తేలింది’’ అని తెలిపారు.

పోషకాలు ఎక్కువగా ఉండే ఆహారం తీసుకోనేవారిలో కూడా ఊపిరితీత్తుల క్షీణత సమస్య చాలా తక్కువగా ఉంటుందని చెప్పారు. జర్మనీలోని దాదాపు 680 మందిపై ఈ పరిశోధనలు చేసినట్లు ఐరోపాకు చెందిన ‘రెస్పిరేటరీ’ రీసెర్చర్లు వెల్లడించాడు. అయితే, స్మోక్ చేసేవారు నిత్యం వీటిని తీసుకున్నా.. స్మోకింగ్ మానేసినవారితో పోల్చితే ప్రయోజనాలు చాలా తక్కువగా ఉంటాయని పేర్కొన్నారు. కంటే తక్కువ