పసుపు ఎంత తీసుకోవాలంటే..
అవును నిజమే.. పసుపుని కూడా ఇతర మసాలా పదార్థాల్లా పరిమితంగానే తీసుకోవాలి. మరో మాటలో చెప్పాలంటే అది ఎంత అవసరమో అంత తీసుకుంటేనే మంచిది. ఆహారంలో పసుపుని కాసింత మాత్రమే వేస్తాం. ఓ టీ స్పూన్ పరిమాణంలోనే వేస్తాం. అనేక ఆరోగ్య నివేదికల ప్రకారం, ఓ వ్యక్తి రోజు 500 మిల్లీగ్రాముల పసుపు తినొచ్చు. ఇది 1 -3 గ్రాములుగా ఉంటుంది. దీని కంటే ఎక్కువ తీసుకుంటే ప్రమాదమనే చెప్పాలి. ఇలా తీసుకోవడంపై వారి ఆరోగ్య పరిస్థితి ఆధారపడి ఉంటుంది.
Also Read : Eggs per Day : రోజుకి ఎన్ని గుడ్లు తింటే మంచిది..
ఎక్కువ తీసుకుంటే ఆరోగ్య సమస్యలు..
మీరు పసుపుని ఎక్కువగా తీసుకుంటే కొన్ని ఆరోగ్య సమస్యలు వస్తాయి. అది కూడా మీరు తీసుకునే పరిమాణాన్ని బట్టి ఉంటాయి. ఎక్కువగా తీసుకోవడం వల్ల కడుపునొప్పి, విరోచనాలు, ఉబ్బరం, తలతిరగడం, తలనొప్పి వంటి సమస్యలు వస్తాయి. అదే విధంగా ఆక్సలేట్స్ పెరగడం వల్ల కిడ్నీల్లో రాళ్ళు ఎక్కువగా వస్తాయి. పసుపుని చర్మానికి పూసినప్పుడు అంతగా దుష్ప్రభావాలు ఉండవు. అందుకే పసుపుని ఫేస్‌ప్యాక్స్‌లో వాడతారు. పసుపు చర్మానికి మేలు చేస్తుంది.
Also Read : Arthritis : ఆర్థరైటిస్ వస్తే ఊపిరితిత్తులపై ఎఫెక్ట్ పడుతుందా..
వీరు అస్సలు తీసుకోవద్దు..
పిత్తాశయ సమస్యలు, రక్తస్రావం, గ్యాస్ట్రిక్ సమస్యలు ఉన్నవారు పసుపుని వీలైనంత తక్కువగా తినడం మంచిది. షుగర్ ఉన్నవారు కూడా పసుపు విషయంలో జాగ్రత్తగా ఉండాలి. ఎందుకంటే ఇందులోని కర్కుమిన్ రక్తంలో చక్కెర స్థాయిని బాగా తగ్గిస్తుంది. ఐరన్ లోపం ఉన్నవారు పసుపు తీసుకోపోవడమే మంచిది. ఎందుకంటే ఇది ఇనుము అబ్జార్బ్‌ని 20 శాతం తగ్గిస్తుంది.
Also Read : His/Her Story : నా భర్త అలా నిద్రపోయినప్పుడు పనిమనిషి వచ్చి చూసి..
పసుపుతో లాభాలు..
పసుపులోని కర్కుమిన్ కొవ్వు కణాలను పెరగనివ్వకుండా చేస్తుందని అంటారు. బరువు, బాడీ మాస్ ఇండెక్స్‌ని తగ్గించడంపై ఎన్నో అధ్యయనాలు జరిగాయి. కర్కుమిన్ 11 బీటా హైడ్రాక్సీ స్టెరాయిడ్ డీహైడ్రోజినెజ్ ఎంజైమ్‌ని అణిచివేయగలదు. ఇది కార్టిసాల్‌ని సక్రియం చేస్తుంది. అడిపోసైట్‌లలో అధిక స్థాయిలు ఊబకాయాన్ని పెంచుతాయి.
ఇది చక్కెర స్థాయిలు నియంత్రిస్తాయి. ఇన్సులిన్ నిరోధకతను నిరోధిస్తుంది. దీని ఫలితంగా శరీరంలో కొవ్వు నిల్వ ఉండదు.
బరువుని బ్యాలెన్స్ చేయడంతో పాటు మొత్తం ఆరోగ్యాన్ని కాపాడడంలో పసుపు సాయపడుతుంది. గ్యాస్ నుంచి ఉపశమనం ఉంటుంది. శరీరంలోని పురుగులను తొలగిస్తుంది. జీర్ణక్రియని మెరుగు చేస్తుంది. ఆర్థరైటిస్ రోగులకు నొప్పిని కంట్రోల్ చేస్తుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.