వాల్‌నట్స్‌తో డయాబెటీస్‌ ముప్పు తప్పుతుందా?

మధుమేహం (డయాబెటీస్) ఈ రోజుల్లో ప్రతి ఒక్కరికీ వచ్చేస్తోంది. ఒకప్పుడు వయస్సు మీదకు వచ్చినప్పుడు మాత్రమే ఈ వ్యాధి బయటపడేది. ఇప్పుడు మారిన జీవశైలి, ఒత్తిడి వల్ల ఇది సాధారణ వ్యాధిగా మారిపోయింది. చిన్న వయస్సులోనే ఈ వ్యాధి లక్షణాలు బయటపడుతున్నాయి.

ఈ నేపథ్యంలో ప్రతి ఒక్కరూ తమ ఆహారం విషయంలో జాగ్రత్తలు పాటించాలి. ఒకవేళ డయబెటీస్‌కు గురైనట్లే అస్సలు ఆందోళనకు గురికావద్దు. శరీరంలో ఇన్సులిన్ మోతాదు ఏ స్థాయిలో ఉందో ఎప్పటికప్పుడు తెలుసుకోవాలి. వైద్యుల సూచనతో సమయానికి మందులు తీసుకుంటూనే.. ఆహార నియమాలు పాటించండి. అయితే, మీ డైట్‌లో తప్పకుండా వాల్‌నట్స్‌ను చేర్చండి.

డయబెటీస్ భయం మీమ్మల్ని వెంటాడుతుంటే.. తప్పకుండా వాల్‌నట్స్ తినండి. దీనివల్ల టైప్-2 డయబెటీస్ ముప్పు తగ్గుతుందని ఓ పరిశోధనలో తెలిసింది. రోజూ ఒకటిన్నర టేబుల్ స్పూన్ వాల్‌నట్స్ తీసుకునేవారితో పోలిస్తే 3 టేబుల్ స్పూన్ల వాల్‌నట్స్ తినేవాళ్లలో మధుమేహం ముప్పు 47 శాతానికి తగ్గిందని యూనివర్సిటీ ఆఫ్ కాలిఫోర్నియా పరిశోధకులు గుర్తించారు. రోజుకు 28 గ్రాములు లేదా 4 టేబుల్ స్పూన్ల వాల్‌నట్స్ తిన్నట్లయితే ఈ ముప్పు తగ్గుతుందని పరిశోధకులు చెబుతున్నారు. మధుమేహంతో ఉన్నవారు వీటిని తింటే.. బ్లడ్ సుగర్ లెవల్స్ అదుపులో ఉంటాయని తెలుపుతున్నారు.

Read Also: వీర్యం నాణ్యతకు క్యారెట్ మంచిదా? సంతాన సమస్యలు తొలగుతాయా?

గమనిక: పైన పేర్కొన్న వివరాలన్నీ ఆహారనిపుణులు, వైద్యులు, కొన్ని అధ్యయనాలు, పరిశోధనల ఆధారంగా.. మీ అవగాహన కోసం అందించాం. ఏమైనా డైట్ పాటించే ముందు అవి మీ శరీరానికి తగినవో కాదు తెలుసుకోవాలి. ముందుగా మీ డైటీషియన్ లేదా వైద్యులను సంప్రదించి.. వారి సలహాలు సూచనలు మేరకే ఇలాంటి ఆహారాన్ని తీసుకోవాలి.