అతిగా ఆకలి వేస్తుందా? ఈ ఆహారం తింటే.. ఆ సమస్యే ఉండదట!

రోజూ ఎంత తిన్నా.. ఆకలి తీరడం లేదా? గంటకోసారి నోరు ఆడించాల్సి వస్తోందా? ఈ అలవాటు వల్ల బరువు పెరిగిపోతున్నామనే ఆందోళన వెంటాడుతుందా? అయితే, మీకో గుడ్ న్యూస్.. మీరు ఆకలిని చాలా సులభంగా జయించవచ్చు. దీనికి వ్యాయామం అక్కర్లేదు యోగా చేయాల్సిన అవసరం కూడా లేదు. ముల్లును ముల్లుతో తీయాలన్నట్లు.. ఆహార సమస్యను కేవలం ఆహారంతోనే పరిష్కరిస్తుంది. అదెలాగో తెలియాలంటే.. యూనివర్శిటీ ఆఫ్ జార్జియా నిర్వహించిన ఈ అధ్యయనం గురించి తెలుసుకోవల్సిందే.

స్టడీ తెలిపిన వివరాల ప్రకారం.. ఆకలిని జయించడం పెద్ద కష్టం కాదని, వాల్‌నట్స్, సాల్మన్ ఫిష్‌లు, కనోలా విత్తుల నుంచి తీసిన నూనెలు లేదా కొవ్వులు(పాలీఅన్‌సాచురేటెడ్ ఫ్యాట్స్- PUFA)తో ఈ సమస్యను అధిగమించవచ్చు. దీన్ని వాల్‌నట్స్, సాల్మన్, కనోలా ఆయిల్‌లోని బహుళ అసంతృప్త కొవ్వులు వీటి వల్ల శరీరంలోని హార్మోన్లు సంతృప్తి చెంది మళ్లీ మళ్లీ తినాలనిపించే కోర్కెలను నశింపజేస్తాయి.

Read Also: ఈ 8 రాశులవారు తమ భాగస్వామిని చీట్ చేస్తారట, ఎందుకంటే..

ఈ నూనెలను ఆహారంతో నిత్యం తీసుకోవడం కూడా ఆరోగ్యకరం. ఈ మేరకు పరిశోధకులు 18 నుంచి 35 ఏళ్ల వయస్సు గల 26 మంది ఆరోగ్యవంతులైన పురుషులు, మహిళలపై ఈ అధ్యయనం నిర్వహించారు. ఏడు రోజులపాటు PUFA ఆహారాన్ని వారికి అందించారు. ఈ సందర్భంగా వారిలో ఆకలి వేయడం తగ్గడం, సరైన సమయానికే ఆహారాన్ని తీసుకోవడం వంటి మార్పులు గమనించినట్లు అధ్యయనంలో వివరించారు.

గమనిక: ఈ వివరాలను స్టడీ ఆధారంగా అందించామని గమనించగలరు. ఈ ఆహారాన్ని డైట్‌గా పాటించే ముందు తప్పకుండా వైద్యులు లేదా ఆహార నిపుణుల సలహా తీసుకోవాలని మనవి.