పోర్న్ వీడియోలను ఎక్కువగా చూస్తున్నారా?

పోర్న్ వీడియోలు చూడటం అనేది యుక్త వయస్కుల్లో చాలా మంది చేసేదే. లైంగిక వాంఛలను తీర్చుకోవడం కోసం కొందరు పదే పదే పోర్న్ వీడియోలను చూస్తుంటారు. చేతిలో స్మార్ట్ ఫోన్లు ఉండటం, ఇంటర్నెట్ అందుబాటులోకి రావడంతో ఈ తరహా వీడియోలు చాలా తేలికగా యవతను చేరుతున్నాయి. ఒక్కరు డౌన్‌లోడ్ చేసుకుంటే.. పది మందితో షేర్ చేసుకుంటున్నారు. కానీ అధికంగా పోర్న్ వీడియోలు చూస్తే అసలుకే ఎసరొస్తుందట.

నిత్యం పోర్న్ వీడియోలు చూడటం వల్ల అంగస్తంభన సమస్యలు తలెత్తడంతోపాటు ఇతర లైంగిక పరమైన సమస్యలు కూడా ఎక్కువగా వస్తాయట. అంతేకాకుండా ఆ వీడియోల ప్రభావం మెదడుపై ఎక్కువగా ఉంటుంది. శారీరకంగానూ వాటి ప్రభావం ఉంటుందిట. కాబట్టి పోర్న్ వీడియోలను చూడటం తగ్గిస్తే మంచిదని పరిశోధకులు సలహా ఇస్తున్నారు.

25 ఏళ్ల లోపు వయసున్న మగవారిలో చాలా మంది అంగస్తంభన సమస్యతో బాధపడుతున్నామని చెబుతున్నారని, ప్రతి పది మందిలో ఒకర్ని ఈ సమస్య వేధిస్తోందని పరిశోధకులు చెప్పారు. ప్రతి ముగ్గురు మగాళ్లలో ఒకరు రోజూ పోర్న్ వీడియోలు చూస్తారని, ఈ సంఖ్య నానాటికీ పెరిగిపోతోందని ఓ పరిశోధనలో వెల్లడైంది. ఈ వీడియోలు చూడటం వల్ల లైంగిక ఉద్రేకం కలిగినప్పటికీ.. భాగస్వామితో కలిసే సమయంలో అది ప్రతికూల ప్రభావం చూపుతోందని తేలింది.