మనకొచ్చే కలలపై ‘ఆ వీడియోల’ ప్రభావం

పగటి పూట హాట్ హాట్ సెక్సువల్ వీడియోలను చూస్తున్నారా? లేదంటే హింస్మాతకంగా ఉండే వీడియోలను వీక్షిస్తున్నారా? దీని ప్రభావం మీ కలలపై పడుతుందట. హింసాత్మక వీడియోలను చూసినవారికి నిద్రకు ఉపక్రమించిన గంటన్నరలోనే భయంకరమైన కలలు వచ్చే అవకాశం 13 రెట్లు ఎక్కువగా ఉంటుందిట. అలాగే సెక్సువల్ వీడియోలను చూసినవారికి సెక్స్‌కు సంబంధించిన కలలు వచ్చే అవకాశం ఆరు రెట్లు ఎక్కువగా ఉందని ఓహియో స్టేట్ యూనివర్సిటీ పరిశోధకులు చెబుతున్నారు. హింసాత్మక, సెక్సువల్ మీడియా ప్రభావం మెలకువగా ఉన్నప్పుడు మనపై ఉంటుందని తెలుసు, కానీ నిద్రించేటప్పుడు కూడా దాని ప్రభావం ఉంటుందని వీరి పరిశోధనలో వెల్లడైంది. మన కలల్ని అవి ఎలా ప్రభావితం చేస్తాయనేందుకు సాక్ష్యం దొరికిందని ప్రొఫెసర్ బ్రాడ్ బుష్‌మ్యాన్ తెలిపారు.

కలలపై హింసాత్మక, సెక్సువల్ వీడియోల ప్రభావాన్ని నిర్ధారించడానికి వారు పది నుంచి అరవై ఏళ్ల మధ్య వయసున్న 1,287 మందిపై పరిశోధనలు జరిపారు. వీరిలో 80 శాతం మంది తమకు హింసాత్మక సంఘటనలు కలలోకి వస్తున్నాయని తెలిపారట.