ఐరన్ లోపం వల్ల వచ్చే సమస్యలు..
మన శరీరంలో ఐరన్ శాతం తగ్గితే కొన్ని సమస్యలు వస్తాయి. దీని గురించి న్యూట్రిషనిస్ట్ దీక్షా భావ్‌సర్ మాట్లాడుతూ.. కొన్ని ఫుడ్స్ తీసుకోవడం వల్ల ఈ సమస్యని అధిగమించొచ్చొని చెబుతున్నారు. అదే విధంగా, ఈ సమస్య లక్షణాలు, తీసుకోవాల్సిన జాగ్రత్తల గురించి తెలుసుకోండి.
లక్షణాలు..
శ్వాస తీసుకోవడంలో ఇబ్బంది
అలసట
బలహీనంగా అనిపించడం
చర్మం పాలిపోవడం
ఛాతిలో నొప్పి
గుండె వేగంగా కొట్టుకోవడం
తలనొప్పి
కళ్ళు తిరగడం
నాలుక వాపు
గోర్లు బలహీనమవ్వడం
క్రేవింగ్స్
పిల్లల్లో ఆకలి తగ్గడం..
న్యూట్రిషనిస్టుల ప్రకారం..
బీట్‌రూట్..
బీట్‌రూట్, క్యారెట్స్. ఇవి చూడ్డానికే ఎర్రగా ఉంటాయి. వీటిని తీసుకోవడం వల్ల చక్కగా ఐరన్ లోపాన్ని అధిగమించొచ్చు. ఇందుకోసం కప్పు బీట్‌రూట్స్, కప్పు క్యారెట్స్‌ని మిక్సీలో వేసి గ్రైండ్ చేయాలి. ఈ జ్యూస్‌కి ఓ స్పూన్ నిమ్మరసం కలపాలి. దీనిని ఉదయాన్నే తాగాలి. నిమ్మరసంలోని విటమిన్ సి ఐరన్ బాగా అబ్జార్బ్ చేసుకునేలా చేస్తుంది.
Also Read : Radish : ముల్లంగి తింటే బరువు తగ్గుతారా..
మునగాకు..
మునగాకులో ఐరన్ శాతం ఎక్కువగా ఉంటుంది. వీటితో పాటు విటమిన్ ఎ, సి, మెగ్నీషియంలు ఉంటాయి. వీటిని తీసుకోవడం వల్ల ఐరన్ లోపాన్ని అధిగమించొచ్చు. ఇందుకోసం 1 టీస్పూన్ మునగాకు పొడిని ఉదయాన్నే పరగపడపున తీసుకోవాలి.
Also Read : వీటిని రాస్తే చెమటపొక్కులు తగ్గుతాయి..
వీట్ గ్రాస్..
గోధుమ గడ్డి.. ఇందులో ఎక్కువగా బేటా కెరొటీన్, విటమిన్ కె, ఫోలిక్ యాసిడ్, కాల్షియం, ఐరన్, ప్రోటీన్, ఫైబర్, విటమిన్ సి, బి విటమిన్స్ రకాలు పుష్కలంగా ఉంటాయి. వీటిని తీసుకోవడం వల్ల శరీరానికి కావాల్సిన శక్తి అందుతుంది.
ఇందుకోసం మీరు 1 స్పూన్ అంటే 3 నుంచి 5 గ్రాముల పరిమాణంలో రోజు తీసుకోవచ్చు. ఉదయాన్నే దీనిని తీసుకుంటే హిమోగ్లోబిన్ లెవల్స్ పెరగి ఇమ్యూన్ సిస్టమ్ బలంగా మారుతుంది.
ఖర్జూరాలు, ఫిగ్స్..
ఇవి బెస్ట్ డ్రైఫ్రూట్స్ అని చెప్పొచ్చు. ఇందులో ఐరన్, మెగ్నీషియం, కాపర్, విటమిన్, సిలు ఎక్కువగా ఉంటాయి.
అందుకే, రాత్రి పడుకునే ముందు 2, 3 డేట్స్, 2 ఫిగ్స్‌ని, టేబుల్ స్పూన్ ఎండుద్రాక్షలు తీసుకుని రాత్రి మొత్తం నీటిలో నానబెట్టాలి. వీటిని ఉదయాన్నే బ్రేక్‌ఫాస్ట్‌లా తీసుకోవచ్చు. దీని వల్ల ఇన్‌స్టంట్ ఎనర్జీ రావడమే కాకుండా ఐరన్ లెవల్స్ కూడా పెరుగుతాయి.
నువ్వులు..
నువ్వుల్లో ఐరన్, కాపర్, జింక్, సెలెనీయం, విటమిన్ బి6, ఫోలేట్, విటమిన్ ఈలు ఎక్కువగా ఉంటాయి.
ఇందుకోసం 1 టేబుల్ స్పూన్ నల్ల నువ్వులని తీసుకుని వేయించి పొడి చేసి, తేనె, నెయ్యితో కలిపి లడ్డూల్లా చేయొచ్చు. దీని వల్ల మీ శరీరంలో ఐరన్ లెవల్స్ బాగా పెరుగుతాయి.
బాడీలో ఐరన్ కంటెంట్ పెంచేందుకు వీటిని రెగ్యులర్ తీసుకుంటే మంచిది. దీని వల్ల ఐరన్ లోపం సమస్య దూరమవుతుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Health News and Telugu News