Diabetes symptoms : షుగర్ ఉంటే కిడ్నీలపై ఎలా ఎఫెక్ట్ పడుతుందంటే..

Diabetes symptoms : షుగర్ వ్యాధి.. రోజురోజుకి ఈ సమస్య పెరుగుతూనే ఉంది. చాలా మంది ఈ సమస్య బారిన పడి ఎన్నో ఇబ్బందులు పడుతున్నారు. దీంతో ఈ సమస్య గురించి జాగ్రత్తలు తీసుకోవడం మంచిదని చెబుతున్నారు నిపుణులు.

Produced byరావుల అమల | Samayam Telugu 21 Jan 2023, 8:47 am

షుగర్ వ్యాధి వచ్చిందంటే చాలు.. జీవితంలో అన్ని మారిపోతాయి. ప్రతి ఒక్క విషయంలోనూ మార్పులు తీసుకోవాల్సిందే. ఫుడ్, డైట్, లైఫ్స్టైల్.. ఇలా అన్ని విషయాల్లోనూ ఎన్ని జాగ్రత్తలు తీసుకుంటే అంత మంచిది. దీనిని ఎప్పటికప్పుడు చెక్ చేసుకోవాల్సి ఉంటుంది. షుగర్ వస్తే తరచుగా మూత్ర విసర్జన, అలసట, కళ్ళు సరిగ్గా కనిపించపోవడం, బరువు తగ్గడం ఇలాంటి ఎన్నో సమస్యలు వస్తాయి. మరి ఈ వ్యాధిని గుర్తించేందుకు ఎలాంటి లక్షణాలు ఉన్నాయి.. పూర్తి వివరాలు ఇప్పుడు చూద్దాం.

what are the big signs of diabetes — Diabetes symptoms : షుగర్ ఉంటే కిడ్నీలపై ఎలా ఎఫెక్ట్ పడుతుందంటే..

డయాబెటిస్ రకాలు..

సాధారణంగా డయాబెటిస్ టైప్ 1, టైప్ 2 డయాబెటిస్లుగా ఉంటాయి. రివర్సిబుల్ డయాబెటిస్ అంటే ప్రీడయాబెటిస్, గెస్టేషనల్(గర్బధారణ) డయాబెటిస్లు ఉన్నాయి. రక్తంలో చక్కెర స్థాయిలను బట్టి వీటి రకాలను గుర్తిస్తారు. అది ఎలాగంటే..
Also Read : Brown Rice Benefits : బ్రౌన్ రైస్ ఇలా తింటే రుచితో పాటు బరువు తగ్గుతారట..

ప్రీ డయాబెటిస్..

రక్తంలో చక్కెర స్థాయిలు సాధారణం కంటే ఎక్కువగా ఉన్నప్పుడే ప్రీ డయాబెటిస్ వస్తుంది. కానీ, రక్తంలో చక్కెర స్థాయిలు డయాబెటిస్ అని పిలిచేంతగా ఈ పరిస్థితిలో ఉండవు. దీనికి గనుక తగిన జాగ్రత్తలు తీసుకోవకపోతే అది డయాబెటిస్గా మారుతుంది. కాబట్టి దీనిని ఎప్పటికప్పుడు జాగ్రత్తగా చూసుకోవాలి. సమస్య పెరగకుండా రక్తంలో చక్కెర స్థాయిలను తగ్గించుకునే ప్రయత్నం చేయాలి.

గర్బధారణ డయాబెటిస్..

ఈ సమస్యను కూడా తగిన జాగ్రత్తల కారణంగా కంట్రోల్ చేయొచ్చు. ఇది సాధారణంగా గర్భంతో ఉన్నప్పుడు కానీ, బిడ్డ పుట్టిన తర్వాతైనా వస్తుంది. సరైన జాగ్రత్తలు తీసుకుంటే దీనిని కూడా తగ్గించుకోవచ్చు. తగ్గించుకునేందుకు ఎప్పటికప్పుడు డాక్టర్ల సలహా, సూచనలు తీసుకోవాల్సి ఉంటుంది.
Also Read : Romance Mistakes : హస్తప్రయోగం చేసేటప్పుడు ఇలా అస్సలు చేయొద్దు

షుగర్ లక్షణాలు..

డయాబెటిస్ లక్షణాలు మీ రక్తంలో చక్కెర శాతం ఎంతగా ఉందో దానిపై ఆధారపడి ఉంటాయి. కొంతమందికి ప్రీ డయాబెటిస్, గర్బధారణ డయాబెటిస్, టైప్ 2 డయాబెటిస్ ఉంటే లక్షణాలు అంతగా ఉండకపోవచ్చు. కానీ, టైప్ 1 డయాబెటిస్లో లక్షణాలు త్వరగా కనిపించడంతో పాటు తీవ్రంగా కూడా ఉంటాయి.

అకారణంగా బరువు తగ్గడం..

బరువు తగ్గడం మంచిదే. కానీ, మీరు ఎలాంటి డైట్, వర్కౌట్ చేయకుండానే బరువు తగ్గుతుంటే కచ్చితంగా అనుమానించాల్సిందే. సాధారణంగా షుగర్ కారణంగా బరువు తగ్గే అవకాశం ఉంటుంది. ఈ విషయాన్ని కచ్చితంగా గుర్తుంచుకోవాలి. బరువు సడెన్గా తగ్గితే డాక్టర్ని కలిసి చెక్ చేయించుకోండి.
Also Read : Leather sofa cleaning : లెదర్ సోఫాలను ఇలా క్లీన్ చేస్తే కొత్తవాటిలా మెరుస్తాయ్..

కంటి సమస్యలు..

రక్తంలో చక్కెర స్థాయిలు పెరగడం వల్ల అనేక లక్షణాలు కనిపిస్తాయి. అందులో ఒకటి కంటి సమస్యలు. చక్కెర స్థాయిలు పెరగడం వల్ల రెటీనాలోని రక్తనాళాలపై ప్రభవం పడుతుంది. దీంతో డయాబెటిక్ రెటినోపతి వస్తుంది. ఈ కారణంగా కంటిలోని అతి సున్నితమైన పొర రెటీనాకి ఇబ్బంది కలిగి కళ్ళు సరిగ్గా కనిపించకపోవడం జరుగుతుంది.

కిడ్నీ సమస్యలు..

కిడ్నీలు..శరీర ముఖ్యభాగాల్లో కిడ్నీలు ఒకటి. మనలోని విషపదార్థాలు, వ్యర్థాలను కిడ్నీలు ఫిల్టర్ చేసి ఆరోగ్యంగా ఉండేలా చేస్తుంది. రక్తంలో చక్కెర స్థాయిలు పెరగడం కూడా కిడ్నీల్లోని రక్తనాళాలపై ఎఫెక్ట్ చూపుతుంది. దీని కారణంగా డయాబెటిక్ నెఫ్రోపతి వస్తుంది. దీంతో మూత్ర విసర్జన ఎక్కువ అవ్వడం, అలసట, వాంతులు, వికారం మరిన్ని లక్షణాలు కూడా ఉంటాయి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.