మొలలు లేదా పైల్స్.. ఎలా వస్తాయి? లక్షణాలేమిటీ?

మొలలు.. దీన్నే మూలశంఖ లేదా పైల్స్ అంటారు. మలద్వారం లోపలి భాగంలో ఏర్పడే మొలలు చాలా నొప్పిని కలిగిస్తాయి. ఇవి ముదిరితే.. కుర్చోవడం కూడా కష్టమే. కొందరైతే నడవడానికి కూడా ఇబ్బంది పడతారు. మరి, ఈ సమస్య ఎందుకు వస్తుంది? మొలలు ఎలా ఏర్పడతాయి? ఎలాంటి లక్షణాలు కనిపిస్తాయి తదితర వివరాలను ఇప్పుడు తెలుసుకుందాం.

మొలలు అంటే..?:
మలద్వారం లోపల సున్నితమైన రక్త నాళాలు ఉంటాయి. మూత్రానికి వెళ్లేప్పుడు గట్టిగా ఒత్తిడి చేస్తే.. అవి పిలకల్లా బయటకి వస్తాయి. వాటినే మొలలు లేదా పైల్స్ అంటారు. వైద్య పరిభాషలో దీన్ని హేమోరాయిడ్స్‌గా పరిగణిస్తారు.

మొలలు ఎందుకు వస్తాయి?:

• ఒకే చోటు ఎక్కువ సేపు కూర్చుని పనిచేసేవారిలో ఈ సమస్య ఎక్కువగా వస్తుంది.
• మానసిక ఒత్తిడి, మద్య సేవనం వల్ల కూడా మొలలు వస్తాయి.
• నీరు తక్కువగా తాగినా, మాంసాహారం, జంక్ ఫుడ్ అతిగా తిన్నా పైల్స్ వస్తాయి.
• మలవిసర్జన సమయంలో ఎక్కువగా ముక్కేవారికి మొలలు ఏర్పడతాయి.
• మలబద్దకం సమస్యతో బాధపడేవారిలోనూ పైల్స్ ఏర్పడవచ్చు.
• గట్టిగా దగ్గేవారిలో కూడా మొలలు ఏర్పడే అవకాశాలు ఎక్కువ.
• పైల్స్ నీలం, ఎరుపు, తెలుపు, ఊదా రంగులలో ఉంటాయి.
• మలద్వారంలో ఉండే సున్నితమైన నాళలపై ఒత్తిడి ఏర్పడటం వల్ల అవి వాచిపోయి పిలకల్లా ఏర్పడతాయి. అవి మూత్ర ద్వారానికి అడ్డుగా ఉండి విసర్జన సమయంలో నొప్పి కలిగిస్తాయి.
• మొలలు వచ్చినప్పుడు నొప్పి మాత్రమే కాకుండా రక్తం కూడా కారుతుంది.

Read Also: డేంజర్ స్ట్రోక్.. పక్షవాతంతో జాగ్రత్త! ఈ లక్షణాలుంటే అప్రమత్తంగా ఉండండి

మొలలు, వాటి లక్షణాలు:

• మొలలు ఆరంభ దశలో మల విసర్జన సమయంలో బయటకు వస్తాయి. విసర్జన తర్వాత లోపలికి వెళ్లిపోతాయి.
• రెండో దశలో మొలలు బయటకు వస్తాయి. వాటిని గట్టిగా చేతిలో లోపలికి నెడితేనే లోపలికి వెళ్తాయి.
• మూడో దశలో మొలలు బయటే ఉండిపోతాయి. ఈ దశలో నొప్పిని భరించడం చాలా కష్టం.
• ఈ సమస్య తీవ్రమైతే కుర్చోలేరు, నిలబడలేరు కూడా.
• మల విసర్జన సమయంలో రక్తం ఎక్కువగా పోతుంది. దీని వల్ల నీరసించిపోతారు.
• రక్తం ఎక్కువగా పోవడం వల్ల రక్తహీనత సమస్య కూడా వస్తుంది.
• మొలలు క్యాన్సర్‌కు కూడా దారితీయొచ్చు.
• మొలలు వచ్చేవారికి కోపం విసుగు ఎక్కువగా వస్తుంది. అందుకే కోపంతో ఊగిపోయేవారిని మూల శంఖ ఉందా అని అంటారు.

Read Also: పసుపు టీ vs అల్లం టీ.. బరువు తగ్గేందుకు ఏది బెటర్?

మొలలు సమస్య ఉంటే.. ఈ జాగ్రత్తలు పాటించండి:

• మొలలు వచ్చినవారు శరీరానికి వేడి చేసే పదార్థాలకు దూరంగా ఉండాలి.
• ముఖ్యంగా కారం, మసాలాలు, పచ్చళ్లు, ఊరగాయలు, వేపుళ్లు, చింతపండు, దుంప కూరలకు దూరంగా ఉండాలి.
• ఈ వ్యాధి సమస్య ఉంటే పీచు ఎక్కువగా ఉండే ఆకు కూరలు, కాయగూరలను ఎక్కువగా తినాలి. (ఆహార నిపుణుల సూచనలు పాటించగలరు.)
• నీళ్లు ఎక్కువగా తాగడం ద్వారా మొలల సమస్య తీవ్రం కాకుండా జాగ్రత్తపడవచ్చు.

గమనిక: పై లక్షణాలు ఏవి కనిపించినా వైద్యులను సంప్రదించాలని మనవి. ఈ కథనం కేవలం మీ అవగాహన కోసమేనని గమనించగలరు.