పురుషులూ.. ఈ క్యాన్సర్‌తో జాగ్రత్త, ‘అక్కడ’ ఈ లక్షణాలుంటే వైద్యులను సంప్రదించాలి

పురుషులకు క్యాన్సర్ వచ్చే అవకాశాలు చాలా తక్కువని భావిస్తారు. కానీ, అది చాలా పొరపాటు. పురుషుల్లో తెలియకుండానే కొన్ని క్యాన్సర్ కణాలు తయారవుతాయట. ముఖ్యంగా పురుషుల్లో పెనిలే క్యాన్సర్ (పురుషాంగ క్యాన్సర్) ఏర్పడే అవకాశాలు ఉన్నాయట. ఆందోళన చెందాల్సిన విషయం ఏమిటంటే.. ఈ క్యాన్సర్ ఏ కారణం వల్ల వస్తుందనేది ఇప్పటికీ వైద్యులు కచ్చితంగా చెప్పలేకపోతున్నారట. కొన్ని పరిశోధనల ప్రకారం.. హ్యూమన్ పాపిల్లామా వైరస్ (HPV) ఈ పురుషాంగ క్యాన్సర్‌కు దారి తీస్తోందని తెలిసింది. అలాగే, స్మోకింగ్ ఎక్కువ చేసే వ్యక్తుల్లో కూడా ఈ క్యాన్సర్ బయటపడిందని అమెరికా వైద్యులు చెబుతున్నారు. ముఖ్యంగా 60 ఏళ్లు పైబడిన స్మోకర్లలో ఈ క్యాన్సర్ లక్షణాలు బయటపడుతున్నాయని తెలిపారు.

ఈ లక్షణాలు కనిపిస్తే అనుమానించండి:
❂ పురుషాంగం చర్మం అలర్జీకి గురైనట్లు కనిపిస్తే అనుమానించండి.
❂ పురుషాంగ చర్మం పాలిపోయినట్లు కనిపిస్తే నిర్లక్ష్యం చేయొద్దు.
❂ అంగంపై ఏమైనా దద్దుర్లు, గడ్డలు, కణితలు కనిపిస్తే వైద్యుడిని సంప్రదించాలి.
❂ మూత్రం లేదా వీర్యం వాసన వస్తున్నా అనుమానించాలి.
❂ అంగంలో పుండ్లు, రక్తస్రావం వంటివి ఏర్పడితే నిర్లక్ష్యం చేయకూడదు.
❂ పురుషాంగం వాపు వచ్చినా వైద్యుడిని సంప్రందించాలి.
❂ పైలక్షణాల్లో కొన్ని ఇన్ఫెక్షన్ల వల్ల కలగొచ్చు. అలాగని వాటిని నిర్లక్ష్యం చేయకుండా వైద్యులకు చూపించాలి.
❂ ఈ క్యాన్సర్‌ను ముందుగానే గుర్తిస్తే చికిత్స సాధ్యమేనని వైద్యులు అంటున్నారు. కాబట్టి.. అప్రమత్తంగా ఉండండి.

Read Also: ‘నాకు బాయ్‌ఫ్రెండ్ ఉన్నాడు.. కానీ, ఆ రోజు రాత్రి నా స్నేహితుడితో అనుకోకుండా..’

ముఖ్య గమనిక: ప్రమాదకరమైన క్యాన్సర్ ఇతరాత్ర వ్యాధులపై మీకు అవగాహన కలిగించి అప్రమత్తం చేయడం కోసమే ఈ కథనాన్ని అందించామని గమనించగలరు. పైన పేర్కొన్న లక్షణాలు కనిపిస్తే వెంటనే వైద్యుడిని సంప్రదించాలి. ఇంటి వైద్యం లేదా కథనాలు ఆధారంగా సొంత వైద్యం చేసుకోవడం ప్రమాదకరం. క్యాన్సర్ వంటి వ్యాధుల పట్ల మీరు అప్రమత్తంగా ఉండటమే కాకుండా.. ఆ జాగ్రత్తలను ఇతరులతోనూ పంచుకోగలరు.

Read Also: భోజనం తర్వాత శృంగారం చేయొచ్చా? ఎలాంటి సమస్యలు వస్తాయి?