షుగర్, స్ట్రోక్ మధ్య సంబంధం.
అనేక కారణల వల్ల షుగర్ వస్తుంది. అయితే, ఈ సమస్య రాగానే చాలా సమస్యలు వస్తాయని అందరికీ తెలిసిన విషయమే. అయితే, తాజాగా ఎపిడెమియోలాజికల్ అధ్యయనాల ప్రకారం షుగర్ వ్యాధి వల్ల స్ట్రోక్ వస్తుందని చెబుతోంది. దీనికి అనేక కారణాలు ఉన్నాయని చెబుతుంది.
షుగర్ ఉంటే స్ట్రోక్ వచ్చే ప్రమాదం పెరుగుతుంది. అంతేకాదు, స్ట్రోక్ తర్వాత వచ్చే సమస్యలు కూడా ఇబ్బందికరంగా ఉంటాయని ముఖ్యంగా షుగర్ లేని వారికంటే ఉన్నవారికని చెబుతున్నాయి పరిశోధనలు. ఈ పరిశోధనల ప్రకారం డయాబెటీస్.. ఇస్కీమిక్ స్ట్రోక్కి దారి తీస్తుందని తేలింది.
డయాబెటిస్ నెఫ్రోపతి ఎందుకొస్తుంది?
బ్లడ్ షుగర్ లెవల్స్ ఎక్కువై..
రక్తంలో ఎక్కువగా చక్కెర శాతం ఉండడం ఆరోగ్యానికి అస్సలు మంచిది కాదు. దీని వల్ల రక్త నాళాలు గట్టి పడతాయి. ఇదే కొనసాగితే రక్తనాళాల్లో కొవ్వు నిల్వలు పెరిగిపోయి గడ్డకడతాయి. దీంతో బ్రెయిన్ వంటి ముఖ్య అవయవాలకు రక్త సరఫరా కష్టమై స్ట్రోక్ వస్తుంది.
Also Read : Soleus Pushup : షుగర్ ఉన్నవారు ఈ వర్కౌట్ చేస్తే బ్లడ్ షుగర్ కంట్రోల్ అవుతుందట..
జాగ్రత్తగా ఉండాల్సిందే..
డయాబెటిస్ వచ్చిందంటే చాలా వరకూ కళ్ళు సరిగ్గా కనిపించడకపోవడం, అలసట, నీరసం వంటి ఎన్నో సమస్యలు ఉంటాయి. దీంతో పాటు అత్యంత ప్రమాదకరమైన స్ట్రోక్ కూడా వస్తుంది. ఈ సమస్యని తగ్గకపోతే స్ట్రోక్ మళ్ళీ మళ్ళీ వచ్చే అవకాశం ఉంటుంది. అందుకే సమస్యని తగ్గించుకోవాల్సిన అవసరం ఎంతైనా ఉంది.
గణాంకాల ప్రకారం..
ఇంటర్నేషనల్ డయాబెటిస్ ఫెడరేషన్ ప్రకారం.. రోజురోజుకి షుగర్ వస్తున్న వారి సంఖ్య పెరుగుతోంది. అంతే కాదు, షుగర్ అనేది హెమరేజిక్ స్ట్రోక్, ఇస్కీమిక్ ప్రమాదంతో ముడిపడి ఉంది. ఈ నేపథ్యంలోనే ప్రతి ఒక్కరూ ఈ సమస్య గురించి కచ్చితంగా అవగాహన ఏర్పరుచుకోవాలని చెబుతున్నారు నిపుణులు.
Also Read : Gallbladder : గాల్బ్లాడర్ తొలగించాక వచ్చే సమస్యలు ఇవే..
స్ట్రోక్కి కారణాలు..
స్ట్రోక్ కేవలం షుగర్ వ్యాధి వల్ల రావడం కాదు.. దీనికి అనేక కారణాలు ఉన్నాయి. అవి ఏంటంటే..
అధిక బరువు
బెల్లీ ఫ్యాట్
హైబీపి
ప్రీ డయాబెటిస్
పొగత్రాగడం
పొగాకు ఉత్పత్తులు తాగడం
స్ట్రోక్ లక్షణాలు..
మైకం
నడవలేకపోవడం
తలనొప్పి
గందరగోళం
సరిగ్గా కనిపించకపోవడం
శరీరానికి ఒకవైపు తిమ్మిరి, బలహీనత
ఈ లక్షణాలు ఏవి కనిపించినా వెంటనే డాక్టర్ని సంప్రదించాలని గుర్తుపెట్టుకోండి.
తీసుకోవాల్సిన జాగ్రత్తలు..
షుగర్ ఉన్నవారు స్ట్రోక్ రాకుండా ఉండేందుకు కొన్ని జాగ్రత్తలు తీసుకోవాలి. అందులో..
సరైన లైఫ్స్టైల్ పాటించడం
మంచి ఆహారం
వర్కౌట్
బ్లడ్లో గ్లూకోజ్ లెవల్స్ చెక్ చేసుకోవడం
అధిక బరువుని తగ్గించుకోవడం
పొగాకు, పొగ త్రాగడానికి దూరంగా ఉండడం
కంటి నిండా నిద్రపోవడం వంటి జాగ్రత్తలు తీసుకోవాలి.
రెగ్యులర్ డాక్టర్ చెకప్ చేయించుకోవడం వల్ల సమస్య గురించి ముందుగానే తెలుసుకోవచ్చు. దీని వల్ల భవిష్యత్లో వచ్చే చాలా సమస్యల్ని దూరం చేసుకోవచ్చు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Relationship News and Telugu New