GERD : తిన్న ఆహారం జీర్ణమవ్వక పుల్లని త్రేన్పులు వస్తున్నాయా.. ఈ సమస్య ఉందేమో..

ఈ సమస్యని కనుక్కోవాలంటే కొన్ని లక్షణాలు కనిపిస్తాయి. వాటిని కనుక్కుని కొన్ని జాగ్రత్తలు తీసుకున్నప్పుడు దీని నుంచి త్వరగా బయటపడగలం. మాయో క్లినిక్ ప్రకారం ఆ లక్షణాలు..

ఛాతీలో మంట, తిన్న తర్వాత ఉంటుంది..
రాత్రి పడుకున్నప్పుడు ఛాతీ మంట ఎక్కువగా ఉంటుంది
ఆహారం, పుల్లని ద్రవం నోటిలోకి వస్తుంటుంది
పై కడుపు, ఛాతీలో నొప్పి
మింగడంలో ఇబ్బంది
గొంతులో అన్నం ఉన్న అనుభూతి
దగ్గు
శ్వాస తీసుకోవడంలో ఇబ్బంది, దవడ, చేయి నొప్పి

యాసిడ్ రిఫ్లక్స్ ఉన్నప్పుడు ఛాతీలో మంటగా అనిపిస్తుంది. ఛాతీ నుండి పై వరకూ గొంతు మొత్తం మంటగా ఉంటుంది. కడుపు నుండి యాసిడ్స్ అన్నవాహిక లైనింగ్ వరకు తిరిగి కదులుతున్నప్పుడు ఇది జరుగుతుంది. కొన్ని నిమిషాల నుండి గంటల వరకూ ఇది అలానే ఉంటుంది.
​Also Read : Lung Cancer : ఈ 6 జాగ్రత్తలతో లంగ్ క్యాన్సర్‌ నుంచి తప్పించుకోవచ్చు..​

యాసిడ్ రిఫ్లక్స్ ఉంటే జీర్ణ కాని ఆహారం కడుపులోని ఆమ్లంతో కలిసి తిరిగి కడుపు నుండి అన్నవాహికకు వెళ్తుంది. దీనిని రెగర్జిటేషన్ అంటారు. ఇది మిమ్మల్ని ఉక్కిరిబిక్కిరి చేస్తుంది. దీంతో నోటిలో పుల్లని రుచి అనిపిస్తుంది. ఎక్కువగా తినడం. తిన్న వెంటనే వర్కౌట్ చేయడం, వంగడం వంటివి చేసినప్పుడు ఇలాంటి సమస్య వస్తుంది.

ఆహారం మింగడం ఇబ్బందిగా ఉంటుంది. ఆహారం గొంతు, ఛాతీలోనే ఉన్నట్లుగా అనిపిస్తుంది. దీనినే డైస్ఫాగియా అంటారు. ఎసోఫాగియల్ కణజాలాలకు రిఫ్లక్స్ వల్ల కలిగే నష్టంతో ఇది ఏర్పడుతుంది. దీని వల్ల ఆహారం మింగడం కష్టంగా మారుతుంది.
​Also Read : Tips for small Waist : నడుము సైజ్ త్వరగా తగ్గాలంటే ఇలా చేయండి..​

కడుపులో ఆమ్లం అన్నవాహికలోకి తిరిగి వచ్చినప్పుడు యాసిడ్ రిఫ్లక్స్ వస్తుంది. ఇది ట్యూబ్ లైనింగ్, స్వర తంతువులని చికాకు పెడుతుంది. గొంతు నొప్పి, పొడి దగ్గు, గురక ఇవన్నీ కూడా ఈ సమస్య వల్ల వస్తుంది.

ఎక్కువ రోజులు దగ్గు GERD లక్షణం కాకపోయినా.. రెండింటి మధ్య కొద్దిగా సంబంధం ఉందని అధ్యయనాలు చెబుతున్నాయి. GERD లో దగ్గుకు కారణం అస్పష్టంగా ఉన్నా.. మెడికల్ న్యూస్ టుడే రెండు సాధ్యామైన విషయాలు చెబుతోంది. మొదటి మెకానిజం దగ్గు.. ఆహార గొట్టంలోకి పొట్టలోని ఆమ్లం పెరగడం ద్వరా వచ్చే రిఫ్లెక్సివ్ చర్యగా ఉంటే.. రెండోది రిఫ్లక్స్ ఆహార పైపు పైన కదులుతుంది.
​Also Read : Beauty Products Facts : సన్‌స్క్రీన్ లోషన్, ఫౌండేషన్ కలిపి అప్లై చేస్తున్నారా..​

ఊబకాయం ఉన్నప్పుడు

వీటితో పాటు మరికొన్ని కారణాలు కూడా ఉన్నాయి. అవేంటి.. ఎలాంటి అలవాట్లకి దూరంగా ఉండాలో ఇప్పుడు చూద్దాం.

ఎక్కువగా తినడం
రాత్రి ఆలస్యంగా తినడం
కొవ్వు, ఫ్రై ఫుడ్స్ తినడం
మద్యం, కాఫీ తీసుకోవడం
కొన్ని మెడిసిన్స్ తీసుకున్నప్పుడు ఇలా అన్నవాహికలో దీర్ఘకాలిక మంట వస్తుంది.

ఈ సమస్య కొంతమందిలో కామన్. అయితే, తరచుగా అంటే వారానికి రెండు సార్లకంటే ఎక్కువగా ఉంటే వెంటనే డాక్టర్‌ని కన్సల్ట్ అవ్వాలి. మిమ్మల్ని పరీక్షించిన డాక్టర్ వచ్చిన సమస్య ఏంటో గమనించి మీ పరిస్థితిని బట్టి మీకు తగిన ట్రీట్‌మెంట్ ఇస్తారు. ఈ లక్షణాలను అస్సలు నిర్లక్ష్యం చేయొద్దు. కొన్నిసార్లు గుండె సంబంధిత సమస్యలు ఉన్నా ఈ లక్షణాలు ఉంటాయి. కాబట్టి, జాగ్రత్త అవసరమని చెబుతున్నారు.

​గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.