లక్షణాలు..
కాళ్ళు, చీల మండలు, పాదాల వాపు
కడుపు ఉబ్బరం
పడుకున్నప్పుడు దగ్గు
వెల్లకిలా పడుకున్నప్పుడు ఇబ్బందిగా అనిపించడం
అలసట
గుండె స్పీడ్‌గా కొట్టుకోవడం
ఛాతీలో ఇబ్బంది
ఒత్తిడి
తలతిరగడం
మూర్ఛ
పనిచేసినా, చేయకపోయినా..
కార్డియోమపతి ఉంటే మీ గుండె కండరాలు బలహీనంగా మారతాయి. దీంతో మీ గుండె రక్తాన్ని సరిగ్గా పంప్ చేయలేదు. దీని వల్ల కూడా ఊపిరి ఆడడం కష్టంగా మారుతుంది. ఇది ఎక్కువగా రెస్ట్ తీసుకున్నప్పుడు లేదా ఏదైనా పని చేసినప్పుడు వస్తుంది. ఈ సమస్య కారణంగా మీరు ఏ పని చేయకపోయినా మీకు ఊపిరి పీల్చుకోవడం కష్టంగా అనిపిస్తుంది.
కళ్ళు తిరగడం..
ఈ సమస్య ఉంటే తమ చుట్టూ ఉన్న భూమి మొత్తం గిర్రున తిరిగినట్లుగా అనిపిస్తుంది. దీంతో పాటు తలనొప్పి కూడా ఉంటుంది. కొందరికి కళ్ళు తిరిగి మూర్ఛలా అనిపిస్తుంది. మాయో క్లినిక్ ప్రకారం కార్డియోమయోపతి కారణంగా గుండె కండరాలు బలహీనమై కళ్ళు తిరగడం, తల తిరగడం, మూర్ఛపోవడం జరుగుతుంది. ఇది గుండె వేగంగా లేదా మెల్లిగా కొట్టుకోవడం వల్ల జరుగుతుంది.
వీటితో పాటు..
మందుగా చెప్పుకున్నట్లుగా, కార్డియోమయోపతి అనేది గుండె కండరాలకు వచ్చే సమస్య. ఇది వస్తే మీ గుండె అనేది శరీరంలోని భాగాలకు రక్త సరఫరా చేయడం కష్టంగా మారుతుంది. దీనికి కారణంగా అనేక సమస్యలు వస్తాయి. అవి..
అలసట
శ్వాస ఆడకపోవడం
గుండె దడ
గుండె దడ అనేది గుండె స్పీడ్‌గా కొట్టుకోవడం వల్ల ఉంటుందని మాయో క్లినిక్ చెబుతుంది. ఇది ఒత్తిడిగా అనిపించినప్పుడు లేదా ఎక్సర్‌సైజెస్ చేసినప్పుడు కూడా రావొచ్చు. లేకపోతే ఏవైనా ఆరోగ్య సమస్యలు ఉన్నా ఈ సమస్య వస్తుంది.
Also Read : Omega-3 : ఒమేగా 3 లోపం ఉంటే గుండె సమస్యలు వస్తాయా..
కారణాలు..
కార్డియోమపతి రావడానికి అనేక కారణాలు ఉన్నాయి. అందులో కొన్ని
గుండె ఆగిపోవడం
హైబీపి
అధిక బరువు
ఆల్కహాల్ తీసుకోవడం
డ్రగ్స్ తీసుకోవడం
కీమో థెరపీ
క్యాన్సర్‌కి రేడియేషన్ ట్రీట్‌మెంట్
కుటుంబ చరిత్ర
సాధారణంగా కరోనరీ ఆర్టరీ డిసీజ్, గుండెపోటు వల్ల వస్తుంది. మరో రకంగా చెప్పాలంటే జన్యుపరమైన మార్పుల వల్ల కూడా వస్తుంది.
ఇవి కూడా ప్రమాదాలే..
డయాబెటిస్
థైరాయిడ్
హిమోక్రోమాటోసిస్
కనెక్టివ్ టిష్యూ డిజార్డర్ వంటివి గుండె జబ్బుల ప్రమాదానికి కారణమవుతుంది. ఇలాంటి అన్ని కారణాల వల్ల ఈ సమస్య వస్తుందని మాయో క్లినిక్ చెబుతోంది.
ఎవరికొస్తుంది..
ఈ సమస్య అన్ని వయసుల వారిని ఎఫెక్ట్ చేస్తుంది. అయితే మధ్య వయస్సు ఉన్నవారిలో ఎక్కువగా సమస్య వస్తుందని.
Also Read : Vitamin D Food : ఈ 8 ఫుడ్స్‌లో విటమిన్ డి ఎక్కువగా ఉంటుందట..
ఎన్ని రకాలు..
బ్రిటన్ నేషనల్ హెల్త్ సర్వీస్ (NHS) ప్రకారం..
హైపర్ట్రోఫిక్ కార్డియోమయోపతి
రెస్ట్రిక్టివ్ కార్డియోమయోపతి
బ్రోకెన్ హార్ట్ సిండ్రోమ్
టాకోట్సుబో కార్డియోమయోపతి
ఇలా.. అనేక రకాల కార్డియోమయోపతి ఉన్నాయి. పేర్లు ఏమైనా సరే.. ఈ సమస్య ఉంటే గుండె కండరాలు బలహీనపడతాయి. గుండె కండరాలు బలహీనంగా మారినప్పుడు, ఓ వ్యక్తి ఛాతీలో అసౌకర్యం, నొప్పి, ఒత్తిడిగా అనిపిస్తుంది. ఇది రక్తాన్ని పంప్ చేయడానికి గుండె చేసే అదనపు పని వల్ల వస్తుంది. ఒత్తిడి కారణంగా వ్యక్తి శ్వాస తీసుకోవడం కష్టంగా ఉంటుంది. దీంతో ఛాతి నొప్పి వస్తుంది.
తీసుకోవాల్సిన జాగ్రత్తలు..
అధిక బరువు లేకుండా చూసుకోవాలి. వీటితో హైబీపి, డయాబెటిస్ కంట్రోల్ చేసుకోవాలి
మంచి హెల్దీ ఫుడ్ తీసుకోవాలి.
రెగ్యులర్‌గా ఎక్సర్‌సైజ్ చేయాలి
తగినంతగా నిద్ర
ఒత్తిడిని దూరం చేసుకోవాలి.
డాక్టర్‌ని ఎప్పుడు కలవాలి..
పైన చెప్పిన లక్షణాల్లో ఒకటి, అంతకంటే ఎక్కువ లక్షణాలు ఉంటే వెంటనే డాక్టర్‌ని కలవడం మంచిది. దీని వల్ల శ్వాస తీసుకోవడం ఇబ్బందిగా ఉంటుంది. కొన్నిసార్లు ఇది ప్రాణాంతకంగా కూడా మారొచ్చు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Relationship News and Telugu New