క్యాట్ క్యూ వైరస్.. చైనా నుంచి మరో ముప్పు, లక్షణాలేమిటీ? ఎలా వ్యాపిస్తుంది?

చైనా నుంచి మరో ముప్పు ముంచుకొస్తోంది. ఇండియాను పట్టుకున్న కోవిడ్-19 పీడ వదలకుండానే మరో వైరస్ ఎంట్రీ ఇచ్చేందుకు సిద్ధంగా ఉందనే వార్తలు మరింత ఆందోళనకు గురిచేస్తోంది. చైనా నుంచి Cat Que అనే వైరస్ ఇండియాలో వ్యాప్తి చెందే అవకాశం ఉన్నట్లు Indian Council of Medical Research ( ICMR) హెచ్చరించింది. ఇప్పటికే చైనా, తైవాన్ శాస్త్రవేత్తలు క్యాట్ క్యూ వైరస్ చాలా ప్రమాదకరమైనదని నిర్ధరించారు. చైనా పొరుగు దేశాల్లో ఒక్కటైన ఇండియాకు సైతం ఈ వైరస్ వ్యాప్తి చెందే అవకాశాలు ఉన్నాయని, ఈ వ్యాధి పట్ల ప్రతి ఒక్కరూ అప్రమత్తంగా ఉండాలని ఐసీఎంఆర్ పేర్కొంది. ఇప్పటికే ఈ వైరస్ చైనాలో వ్యాప్తి చెందినదని, ఇండియాలోకి కూడా ప్రవేశించవచ్చనే అనుమానాలున్నాయి. దీనిపై పుణెకు చెందిన నేషనల్ ఇనిస్టిట్యూట్ ఆఫ్ వైరాలజీ (National Institute of Virology-NIV) శాస్త్రవేత్తలు ఇప్పటికే పరిశోధనలు మొదలు పెట్టారు.

Cat Que Virus (CQV) అంటే ఏమిటీ? ఎలా పుట్టింది?: క్యూలెక్స్ జాతికి చెందిన దోమలు, పందులను వాహకంగా చేసుకుని ఈ వైరస్ వ్యాప్తి చెందుతున్నట్లు ప్రాథమిక పరిశోధనల్లో తేలింది. వాటి ద్వారా ఈ వైరస్ మనుషులకు కూడా సోకుతుంది. ఈ వైరస్‌లు ఎక్కువగా చైనా, వియత్నాం పందుల్లో కనిపిస్తుంటుంది. Cat Que Virus అనేది ఆర్థ్రోపోడ్ వెక్టర్స్ (దోమ, ఈగ, పేలు తదితర సూక్ష్మజాతులు) ద్వారా వ్యాప్తి చెందుతాయి. అందుకే దీన్ని ఆర్బోవైరస్ (Arobovirus) అని కూడా పిలుస్తారు. నిపుణులు తెలిపిన వివరాల ప్రకారం.. మనుషులను ఇన్ఫెక్షన్లకు గురిచేసే ఇలాంటి ఆర్బోవైరస్‌లు సుమారు 130 రకాలు ఉన్నాయి. ఇవి సాధారణ జ్వరం నుంచి తీవ్రమైన ఆరోగ్య సమస్యలకు దారి తీస్తాయి. ఇండియన్ జర్నల్ ఆఫ్ మెడికల్ రీసెర్చ్ (IJMR) తాజా ప్రచురణలో దీనికి సంబంధించిన అధ్యయన ఫలితాలు వెల్లడయ్యాయి.

Read Also: డయాబెటీస్ సమస్య? బ్రెక్‌ఫాస్ట్‌లో ఇది తాగితే.. చక్కెర స్థాయిలు పెరగవట!

ఎలా వ్యాపిస్తుంది?: ఇవి ముందుగా పందుల శాలల్లో పుడతాయి. అక్కడి నుంచి దోమల ద్వారా మనుషులకు వ్యాప్తిస్తాయి. అక్కడి నుంచి అది మనుషుల నుంచి మనుషులకు వ్యాపిస్తుంది. రక్త మార్పిడి, ట్రాన్స్‌ప్లాంట్, లైంగిక సంబంధాలు, ప్రెగ్నెన్సీ ద్వారా ఒకరి నుంచి మరొకరికి ఈ వైరస్ సోకుతుంది. దేశంలో అధిక సంఖ్యలో ఉన్న క్యూలెక్స్ జాతి దోమల ద్వారా ఈ వైరస్ వ్యాపిస్తుంది. ICMR అంచనాల ప్రకారం.. ఈజిప్టి, సిఎక్స్ క్విన్క్ఫాసియస్, సిఎక్స్ ట్రిటానియెర్హైంచస్ బ్రీడ్‌కు చెందిన దోమలు అత్యంత ప్రమాదకరమైనవని, ఇవే ఆ వైరస్‌కు వాహకాలుగా పనిచేస్తాయని వెల్లడించారు.

Read Also: వణికిస్తున్న ‘కాంగో ఫీవర్’.. ఎలా వ్యాపిస్తోంది? లక్షణాలేమిటీ?

ఇవే ప్రధాన వ్యాధి లక్షణాలు:
✺ తీవ్రమైన జ్వరం వస్తుంది.
✺ మెనింజైటిస్, పీడియాట్రిక్స్ ఎన్సెఫాలిటిస్ (మెదడు వాపు)
✺ కండరాలు, కీళ్ల నొప్పులు
✺ చిన్న పిల్లలో మెదడు వాపు లాంటి వ్యాధులు
✺ వెంటనే చికిత్స పొందకపోతే ప్రాణాలు పోయే ప్రమాదం ఉంది