REM Sleep: REM స్లీప్ అంటే ..? దీని ప్రాముఖ్యత ఏమిటి..?

REM Sleep: మనిషి ఆరోగ్యంగా ఉండటానికి ఆహారం ఎంత అవసరమో.. నిద్ర కూడా అంతే అవసరం. ఒక రోజు సరిగ్గా నిద్రలేకపోయినా.. అలసటగా నిస్సత్తువగా ఉంటుంది. నిద్రలేమితో బాధపడేవారిలో ఆత్మవిశ్వాసం లోపించడం, డిప్రెషన్‌, ఆందోళన, కోపం, అతిగా తినడం, గందరగోళం... వంటి లక్షణాలు కనిపిస్తుంటాయి. అందుకే, ప్రతిరోజూ ప్రశాంతంగా నిద్రపోవడం చాలా ముఖ్యం. మంచి నిద్ర పొందడానికి REM (Rapid eye movement) స్లీప్‌ చాలా ముఖ్యమైన అంశం. REM స్లీప్ అంటే ఏమిటి? అది ఎందుకు అవసరమో.. ఈ స్టోరీలో తెలుసుకుందాం..
REM స్లీప్‌ అంటే..

మనం నిద్రపోయేప్పుడు.. మన మెదడు నాలుగు దశలు గుండా వెళ్తుంది. వాటిలో రాపిడ్ ఐ మూమెంట్ (REM) స్లీప్‌ ఒకటి. ఈ దశలో కళ్లు.. కళ్ళు వివిధ దిశల్లో వేగంగా కదులుతుంటాయి. సాధారణంగా మనం నిద్రపోయే మొదటి 90 నిమిషాలలో REM స్లీప్‌లోకి వెళ్తాం. మనం నిద్రపోయేప్పుడు.. చాలా సార్లు REM స్లీప్‌ రిపీట్‌ అవుతూ ఉంటుంది. మనకు వచ్చే చాలా వరకు కలలు.. REM స్లీప్‌‌లోనే వస్తాయ్‌. ఈ దశ మానసిక స్థితి, జ్ఞాపకశక్తి, లెర్నింగ్‌ స్కిల్స్‌ను ప్రభావితం చేస్తాయి.
REM స్లీప్‌‌ దశలో హృదయ స్పందన రేటు పెరుగుతుంది, శ్వాస అస్థిరంగా మారుతుంది, కళ్లు వేగంగా కదులుతూ ఉంటాయి. ఈ దశలో మన మెదడు చాలా బిజీగా ఉంటుంది. మెదడు తరంగాలు మరింత అస్థిరంగా మారతాయి.
మన మెలకువగా ఉన్నప్పుడు, మన శరీరంలో ఎలా పనిచేస్తుందో.. REM నిద్రలోనూ అదేవిధంగా ఉంటుంది. ఈ స్థితిలో మీరు కళ్లు మూసుకుని ఉంటారు, కండరాలు తాత్కాలికంగా స్థాయిని కోల్పోతాయి. ఇది ఒక రక్షణ విధానం, REM స్లీప్‌ మీ కలలను ప్రదర్శించకుండా, మిమ్మల్ని మీరు బాధించకుండా నిరోధించడానికి రూపొందించబడిందని పరిశోధనలు చెబుతున్నాయి.
REM నిద్ర ప్రాముఖ్యత ఏమిటి..?

REM స్లీప్‌.. నిద్ర చక్రానికి కీలకమైనది. ఎందుకంటే ఇది జ్ఞాపకశక్తి ఏర్పడటానికి, లెర్నింగ్‌ స్కిల్స్‌ పెంచడానికి సహాయపడుతుంది. REM స్లీప్‌.. మన మెదడులోని కొన్ని న్యూరానల్ కనెక్షన్‌లకు వ్యాయామం చేయిస్తుంది, ఇది శరీరక, మానసిక ఆరోగ్యానికి మేలు చేస్తుంది. REM నిద్ర లేకపోతే.. శారీరక, మానసిక ఆరోగ్యానికి హాని జరుగుతుందని నిపుణులు చెబుతున్నారు.
మెదడు అభివృద్ధిని ప్రోత్సహిస్తుంది..
ఓ పరిశోధన ప్రకారం, బాల్యంలో కేంద్ర నాడీ వ్యవస్థ (CNS) పెరుగుదలకు REM నిద్ర కీలకం. ఈ నిద్ర దశలో.. మెదడులోని తీవ్రమైన కార్యకలాపాలు.. నాడీ కనెక్షన్ల నిర్మాణం, పటిష్టతకు సహాయపడతాయి.
మెమరీ కన్సాలిడేషన్
ఈ దశలో.. ఆ రోజు సమాచారాన్ని మెదడు విశ్లేషిస్తుంది. కొన్నింటిని స్టోర్‌ చేస్తుంది, కొన్ని పాత జ్ఞాపకాలను తొలగిస్తుంది. ఏది ఉంచాలి..? ఏ సమాచారం తొలిగించాలని నిర్ణయిస్తుంది. గాఢ నిద్రలోనూ మెమరీ కన్సాలిడేషన్ జరుగుతుంది.
భావోద్వేగాలను ప్రాసెస్‌ చేస్తుంది..
REM నిద్రలో, మీ మెదడు భావోద్వేగాలను ప్రాసెస్ చేస్తుంది. ఈ దశలో కలలు మరింత స్పష్టంగా కనిపిస్తాయి, భావోద్వేగాలను ప్రాసెస్ చేయడంలో సహాయపడవచ్చు. . అలాగే, REM నిద్రలో, భావోద్వేగాలను ప్రాసెస్ చేయడానికి బాధ్యత వహించే మెదడులోని ప్రాంతం.. అమిగ్డాలా యాక్టివ్‌ అవుతుంది.