మూత్రం రంగు మీ ఆరోగ్య సూచిక

వయసు పెరుగుతున్న కొద్దీ చిన్న చిన్న రుగ్మతలు మనల్ని ఇబ్బంది పెడుతూ ఉంటాయి. పిల్లల నుంచి పెద్దల వరకు ఏదో ఒక ఆరోగ్య సమస్య వస్తూనే ఉంటుంది. ప్రతి దానికీ డాక్టర్ దగ్గరకి వెళ్లి టెస్టులు చేయించుకోలేం. ఇలాంటి సమయాల్లో మన ఆరోగ్యం బాగుందో లేదో తెలుసుకోవడానికి డబ్బు, కాలం వృథా కాకుండా ఓ చిన్న చిట్కాతో ఎప్పటికప్పుడు తెలుసుకోవచ్చు.

దీనికి పెద్దగా సమయం కూడా అవసరం లేదు. కావలసిందల్లా అబ్జర్వేషన్ మాత్రమే. మీ మూత్రాన్ని మీరు అబ్జర్వ్ చేస్తే చాలు. మీ మూత్రం కలర్ మీ సమస్యను ఇట్టే చెప్పేస్తుంది. యూరిన్ రంగు ఆధారంగా మీకేం సమస్య ఉందో ఓ అంచనాకు రావచ్చు. దీన్ని తెలిపిన వివరాల ఆధారంగా మీ మూత్రం రంగును బట్టి డాక్టరును కలవాలో.. ఇంటి దగ్గరే జాగ్రత్తలు తీసుకుంటే సరిపోతుందో తెలుసుకోవచ్చు.

1. మూత్రం లేత పసుపు లేదా బంగారు రంగులో ఉంటే ఆరోగ్యం బాగానే ఉన్నట్టు.
2. మూత్రం ముదురు పసుపు రంగులో ఉంటే మీరు తక్కువ నీరు తాగుతున్నారని లేదా మీ శరీరంలో తగినంత నీరు లేదని అర్థం.
3. మూత్రం నారింజ రంగులో కనుక ఉంటే కాలేయం లేదా పిత్తాశయ సమస్య కావచ్చు.
4. కాలేయం సమస్య ఉన్నవాళ్లలో కొన్ని సార్లు మూత్రం ముదురు పసుపు రంగులో కూడా ఉంటుంది.
5. సాధారణంగా మనం క్యారెట్, బీట్ రూట్ ఎక్కువ తింటే మూత్రం గులాబీ లేదా ఎరుపు రంగులో ఉంటుంది. అవేమీ తీసుకోకుండానే మూత్రం రంగు గులాబీ లేదా ఎరుపుగా ఉంటే డాక్టర్‌ను సంప్రదించండి.
6. మీరు విటమిన్ బి2, యాంటి బయోటిక్స్ వంటి మందులు వాడుతుంటే వాటి వల్ల కూడా మూత్రం రంగు మారుతుంది.
7. మనిషి రోజుకి సరాసరిన కనీసం 8 సార్లు మూత్రానికి వెళ్లాలి.
8. గర్భిణిలు, వృద్ధులు ఎక్కువ సార్లు మూత్ర విసర్జన చేస్తారు.
9. ఇలాంటివేవి లేకుండానే ఎక్కువ సార్లు మూత్ర విసర్జనకు వెళ్తే మీకు యూరినరి సమస్యలు, కిడ్నీ సమస్యలు లాంటివి సమస్యలుండొచ్చు. కాబట్టి వెంటనే డాక్టరుని సంప్రదించండి.