Diabetes Side Effects : షుగర్ ఉంటే శృంగారం చేయలేరా..

డయాబెటీస్.. చక్కెర వ్యాధి, షుగర్ వ్యాధి పేరు తీపిగా ఉన్నప్పటికీ ఇదో మాయదారి చేదు రోగం. ఒక్కసారి వచ్చిందంటే చాలు.. అనేక సమస్యల్ని తెచ్చి పెడుతుంది. దీని కారణంగా ఎన్నో ఆరోగ్య సమస్యలు వస్తాయి. డయాబెటీస్ వచ్చిందంటే చాలు ఆహారంలో మార్పులు చేసుకోవాలి. లేకపోతే అది మరో అనర్ధాలకి దారి తీస్తుంది. అదే విధంగా జీవన శైలిలోనూ మార్పులు తీసుకురావాల్సిందే.

Also Read : Viral Hepatitis : హెపటైటిస్ అంటే ఏంటి? దీని లక్షణాలు ఏంటంటే..

ఇప్పటికే ఎన్నో ఆరోగ్య సమస్యలకి మూలంగా ఉన్న ఈ డయాబెటీస్ నేడు ఇప్పుడు లైంగిక సమస్యలకి కూడా కారణంగా మారతుంది. డయాబెటిస్ వ్యధి నరాల ప్రసరణ, హార్మోన్లపై ప్రబావం చూపడంతో చాలా మంది శృంగారాన్ని ఎంజాయ్ చేయలేరట. ఇది జీవితాన్ని ప్రతికూలంగా మార్చడమే కాకుండా లైంగిక జీవనాన్ని కూడా దెబ్బతీస్తుందని చెబుతున్ారు నిపుణులు. ఇప్పటికే అనేక సమస్యలతో ఎంజాయ్ చేయలేకపోతున్నారు దంపతులు. ఇప్పుడు ఈ లిస్ట్‌లో మధుమేహం కూడా చేరింది. మధుమేహం ఉంటే శృంగార సమస్యలు వస్తాయట.

డయాబెటీస్ కారణంగా పురుషులు అధికంగా సమస్యలు ఎదుర్కుంటారట. అంగస్తంభన, లైంగిక కోరికలు తగ్గిపోవడం వంటివి ఎదురవుతాయని నిపుణులు చెబుతున్నారు. రక్తంలోని అధిక చక్కెర శాతం నరాలు, రక్త ప్రసరణని ప్రభావితం చేస్తాయి. దీంతో అంగస్తంభనలో సమస్యలు కలుగుతాయి. దీని కారణంగా అనియంత్రిత మధుమేహంలో టెస్టోస్టెరాన్ స్థాయిలు కూడా తక్కువ అవుతాయి. ఇది అంగస్తంభన, కామేచ్ఛ తగ్గిపోతుంది.

Also Read : Vitamin E : విటమిన్ ఈ వాడడం వల్ల కలిగే బెనిఫిట్స్..

అదే విధంగా.. స్త్రీలలో కూడా ఇలాంటి సమస్యలే ఎదురవుతాయని చెబుతున్నారు నిపుణులు. మధుమేహం ఉన్న స్త్రీలలో కోరికలు తగ్గిపోతాయట. లైంగిక సమస్యలు రావడమే కాకుండా. జననేంద్రియ సమస్యలకి కూడా మదుమేహం కారణం అవుతుందని, దీని కారణంగా లైంగిక కార్యకలాపాలకి ఆటంకం కలుగుతుందని నిపుణులు చెబుతున్నారు. మధుమేహ ప్రభావం స్త్రీ పురుషులిద్దరిపై ఉంటుంది కాబట్టి.. ముందు నుంచి ఇద్దరు కూడా లైంగిక సమస్యలే కాకుండా అనేక సమస్యల నుంచి తప్పించుకోవాలంటే మధుమహాన్ని దూరం చేసుకోవాలి.

ముందుగా చెప్పుకున్నట్లు ఒక్క వ్యాధి వచ్చిందంటే దానికి తోడు చాలా సమస్యలు వస్తాయి. అలా కాకుండా ఉండాలంటే ముందు నుంచి మధుమేహం మన శరీరంలోకి రాకుండా చూసుకోవాలి. ఒక వేళ వచ్చినా వైద్యుల సలహా కారణంగా కంట్రోల్ చేసేందుకు ప్రయత్నించాలి. సమతుల్య ఆహారం, వ్యాయామం చేస్తూ ఆరోగ్యకరమైన జీవనవిధానాన్ని పాటించాలి.

Also Read : Relationship : పెళ్ళికి ముందు ఒకర్ని ప్రేమించా.. పెళ్ళాయ్యాక ఏమైందంటే..

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.