Heart Attack : గుండెపోటు వచ్చినప్పుడు ఇలా చేస్తే ప్రాణాపాయం నుంచి తప్పించుకోవచ్చు..

గుండెపోటు వచ్చినప్పుడు చాలా మందికి దడగా అనిపిస్తుంది. దవడ, మెడ ప్రాంతంలో నొప్పిగా అనిపిస్తుంది. ఎడమ చేయి వైపు లేదా రెండు చేతుల్లో కూడా నొప్పి వస్తుంది. శరీరంలో పై భాగంలో ఇబ్బంది, నొప్పిగా అనిపించడం, ఛాతీలో నొప్పిగా అనిపించి శ్వాస తీసుకోవడం కష్టంగా అనిపిస్తుంది. ఇలాంటి లక్షణాలు ఏవి కనిపించినా సరైన సమయంలో హాస్పిటల్‌కి తీసుకెళ్ళాలి.

​Also Read : Antibiotics : యాంటీ బయాటిక్స్ వాడుతున్నారా.. వీటిని మరిచిపోవద్దు..​

గుండె పోటు వచ్చిన సమయంలో సరైన సమయంలో హాస్పిటల్ తీసుకెళ్ళడాన్ని గోల్డెన్ అవర్ అంటారు. అది ఎప్పుడంటే లక్షణాలు కనపించిన మొదటి గంట లోపు హాస్పిటల్‌కి వెళ్ళడాన్ని గోల్డెన్ అవర్ అంటారు. ఈ సమయంలో రోగిని డాక్టర్ దగ్గరికి వెళ్ళడం వల్ల అతడిని కాపాడే అవకాశాలు ఎక్కువగా ఉంటాయి. దీంతో ఈ సమయాన్ని గోల్డెన్ అవర్ అంటారు. ఈ ఒక్కగంటే మన ప్రాణాలను కాపాడుకునే అవకాశం ఉంటుంది.
​Also Read : High Bp : ఈ జాగ్రత్తలు తీసుకోకపోతే 20 ఏళ్ళకే బీపి వస్తుందట..​

కొంతమంది పేషెంట్స్ హార్ట్ ఎటాక్ లక్షణాలను తేలిగ్గా తీసుకుంటారు. వాటిని పట్టించుకోరు, గ్యాస్, అసిడిటీ వల్ల ఈ లక్షణాలు ఉన్నాయని అనుకుంటారు. అయితే, ఇలాంటి అసిడిటీ నొప్పులైనా సరే నిర్లక్ష్యం చేయకుండా డాక్టర్ దగ్గరికి వెళ్తే ఆ సమస్యల కోసమైనా ట్రీట్‌మెంట్ తీసుకోవచ్చు. కానీ, నిజంగానే గుండెనొప్పి వస్తే పరిస్థితి ఏంటి.. అందుకే లక్షణాలు కనిపించగానే అస్సలు నిర్లక్ష్యం వద్దు. వెంటనే డాక్టర్ దగ్గరికి వెళ్ళొచ్చు.

గుండెపోటు వచ్చిన సమయంలో నొప్పి తీవ్రత చాలా ఎక్కువగా ఉంటుంది. కొన్ని సార్లు నొప్పి ఎక్కువగానూ, మరికొన్నిసార్లు తక్కువగా ఉంటుంది. ఇది దాదాపు 8 నుంచి 15 నిమిషాల వరకూ ఉండొచ్చు. ఈ సమయంలో ప్రధానంగా నొప్పి ఉండే ప్రాంతం, తీవ్రమై తగ్గడం జరుగుతుంటుంది.
​Also Read : చికెన్‌ని ఫ్రై చేయకుండా ఇలా వండి తింటే బరువు తగ్గుతారట..​

లక్షణాలను గమనించిన డాక్టర్స్.. పేషెంట్స్ కండీషన్ గురించి తెలుసుకోవడానికి, వారికి వచ్చిన సమస్య గురించి తెలుసుకోవడానికి ఈసీజీ తీయిస్తారు. దీని వల్ల వచ్చిన సమస్య ఏంటి అనేది కచ్చితంగా తెలుస్తుంది. దీంతో పేషెంట్స్‌కి సరైన ట్రీట్‌మెంట్ ఇవ్వగలరు. ఈ కారణంగా చాలా వరకూ సమస్య నుంచి ముందే బయటపడొచ్చు.

అదే విధంగా గుండెపోటు వచ్చిందని అనుమానంగా ఉంటే, వెంటనే నీరు త్రాగాలి. వచ్చిన వ్యక్తి వెంట ఒకరు కచ్చితంగా ఉండాలి. హాస్పిటల్‌కి వెళ్ళే వరకూ అతడిని దగ్గమని చెబుతుండాలి. అవసరమైన ట్యాబ్లెట్స్ ఏమైనా తీసుకోవచ్చో లేదో డాక్టర్‌కి ఫోన్ చేసి అడగొచ్చు. దీని వల్ల చాలా వరకూ ప్రాణాపాయం నుంచి తప్పించుకోవచ్చు. అదే విధంగా పేషెంట్స్ బట్టలు బిగుతుగా ఉంటే వాటిని లూజ్ చేసి అవసరమైతే కృత్రిమ శ్వాస అందించాలి. వారిని సురక్షితంగా ఏదైనా వెహికల్‌లో తీసుకోవాలి. వారిని మెట్లు ఎక్కించడం, ఎక్కువ దూరం నడిపించొద్దు.

-Dr. I. Pavan Kumar Head of Department Emergency Medicine CARE Hospitals, Banjara Hills