ఈ షేప్ ఉన్న ఆడవాళ్లకు గుడ్ న్యూస్!

చాలామంది మహిళలు బరువు పెరిగితే.. పిరుదులు, తొడ భాగాల్లో కొవ్వు పేరుకుపోతుంది. కొందరు చూడటానికి మామూలుగానే ఉన్నప్పటికీ.. పిరుదులు మాత్ర ఎత్తుగా ఉంటాయి. అలాంటి వారు జీన్స్ వేసుకుంటే.. చక్కటి లుక్ వస్తుంది. ఆకర్షణీయంగా కనిపించడానికే కాదు.. ఆరోగ్యపరంగానూ ఇది మంచిదేనట. పియర్ షేప్ బాడీ ఉన్న వాళ్లకు గుండె జబ్బులు, డయాబెటిస్ వచ్చే ముప్పు తక్కువని ఓ పరిశోధనలో తేలింది. వాస్తవానికి సాధారణ బరువే ఉన్నప్పటికీ.. జీవక్రియల పరంగా అనారోగ్యంగా ఉన్నవారిలో ఈ జబ్బుల బారిన పడే అవకాశం మూడు రెట్లు ఎక్కువ.

కానీ పియర్ షేప్ బాడీ ఉన్నవారు ఈ ముప్పు బారి నుంచి తప్పించుకుంటున్నారని జర్మనీ పరిశోధకులు తెలిపారు. ఇలాంటి వారిలో పిరుదులు, తొడ భాగాలు కొవ్వును పీల్చుకునే స్పాంజిలా పని చేస్తున్నాయని వారు వెల్లడించారు. కొవ్వు ఆ భాగాల్లోనే పేరుకుపోవడం వల్ల గుండె, కాలేయం లాంటి భాగాలకు చేరకుండా ఉంటుంది. ఫలితంగా గుండె జబ్బుల ముప్పు తప్పుతుంది అని పరిశోధకులు తెలిపారు. లావు ఎక్కువగా ఉన్నవారికి మాత్రం ఇది వర్తించదు. పొట్ట భాగంలో పేరుకుపోయే కొవ్వు చాలా ప్రమాదకరమని పరిశోధకులు హెచ్చరిస్తున్నారు.