మీ అందాన్ని లాక్కొనే ఆహారాలివన్నీ!

అందంగా ఉండాలని ఎవరు కోరుకోరు... వయసు మీద పడుతున్నా మేకప్ లతో కవర్ చేసే వారు ఎంతో మంది.

అందంగా ఉండాలని ఎవరు కోరుకోరు... వయసు మీద పడుతున్నా మేకప్ లతో కవర్ చేసే వారు ఎంతో మంది. అంత కష్టపడాల్సిన అవసరం లేకుండా కొన్ని రకాల ఆహారాలకి దూరంగా ఉంటే... చర్మం సహజసిద్ధంగానే మెరుస్తుంది. నలభైల వయసులో కూడా ముప్పైలలో ఉన్నట్టే మెరవచ్చు. అందుకు మీ డైట్ ఈ కింద ఉన్న పదార్థాలు లేకుండా చూసుకోవాలి. అవి మీ సౌందర్యాన్ని లాగేసు కుంటాయి.

Samayam Telugu

తినే ఆహారంలో ఉప్పును తగ్గించుకోవాలి. ఉప్పులో అయోడిన్ ఉంటుంది కదా అనొచ్చు. నిజమే ఉంటుంది... అందుకే అయోడిన్ అందేలా కాస్త ఉప్పును వేసుకుంటే చాలు. ఉప్పు ఎక్కువ తీసుకోవడం వల్ల చర్మం డల్‌గా కనిపిస్తుంది.

చిప్స్, ఫ్రెంచ్ ఫ్రైస్ వంటివి కూడా తినడం చాలా వరకు తగ్గించాలి. అసలు తినకపోతే ఇంకా మంచిది. ఫాస్ట్ ఫుడ్స్ అన్నింటీకి దూరంగా ఉండాలి. వాటి వల్ల ముఖంపై మొటిమలు, ఇతర చర్మ సమస్యలు వచ్చే అవకాశం ఉంది.

ఆల్కహాల్ తీసుకునే అలవాటు ఉన్నవారు... దానిని మానేయాలి. అది అందానికి బద్ద విరోధి. చర్మంలోని తేమ శాతాన్ని ఇది తగ్గిస్తుంది. దానివల్ల మెరుపు తగ్గిపోతుంది.

కృత్రిమ స్వీట్‌నర్స్, ఫ్లేవర్స్ వంటివి వాడిన ఆహారపదార్థాలు, స్వీట్లు తినకూడదు. ఇందులో రకరకాల రసాయనాలు వాడతారు.

నాన్‌వెజ్ కూడా తినడం తగ్గించుకోవాలి. ఇందులో ఫ్యాట్ ఎక్కువగా ఉంటుంది. దీని వల్ల వయసు పెరిగిన వారిలా కనిపిస్తారు. శరీరంలో కొవ్వు కూడా చేరుతుంది. కనుక వారానికోసారికి మించి తినకపోతే మంచిది. ఆకుపచ్చని ఆకుకూరలు, కూరగాయలు, పెరుగు, బాదం వంటివి ఎక్కువగా తినాలి.