యోగా చేద్దామనుకుంటున్నారా? వార్మప్ స్టెప్స్ మీకోసం!

జీవన విధానంలో వచ్చిన మార్పులు, వాతావరణ కాలుష్యం తదితర కారణాల వల్ల మనిషి అనేక ఆరోగ్య సమస్యలను ఎదుర్కొంటున్నాడు. ఉరుకుల పరుగుల జీవితంలో తీవ్రమైన ఒత్తిడితో సతమతం అవుతున్నాడు. శారీరక శ్రమ లేకపోవడం వల్ల రోగాల బారిన పడటంతోపాటు మానసికంగానూ బలహీనం అవుతున్నాడు. ప్రశాంతంగా ఉండటం వల్ల వీటిలో చాలా సమస్యలను అధిగమించే వీలుంది.
మరి మానసిక ప్రశాతంత ఎలా లభిస్తుంది? దీనికి చక్కటి పరిష్కారమే యోగా. యోగాసనాలు ప్రాక్టీస్ చేయడానికి ధారాళంగా వెలుతురు వచ్చే గది, ఒక కార్పెట్ , ఆసనాలు వేయడానికి తేలికపాటి దుస్తులు సరిపోతాయి. మూడేళ్ల పసికందు నుంచి తొంభై ఏళ్ళ పైబడిన వృద్ధులు కూడా యోగాసనాలు వేయవచ్చు . తీవ్ర ఆరోగ్య సమస్యలున్నవారు, ఆపరేషన్లు జరిగినవారు మాత్రం వారి డాక్టర్ ను సంప్రదించి యోగాసనాలు ప్రారంభించడం మంచిది. అంతా బాగానే ఉంది కానీ యోగా చేయడం ఎలాగో మాకు తెలియదంటారా? పతంజలి రూపొందించిన యోగసనాలను నేర్చుకోవడానికి ముందు ఈ పదకొండు యోగా వార్మప్ స్టెప్స్‌ను ఫాలో అవ్వండి.