త్వరగా నిద్రపోయే వాళ్లే చదువుల్లో రాణిస్తారు!

పిల్లల నిద్రపోయే సమయం భవిష్యత్తులో ఉన్నత చదువులపై తీవ్ర ప్రభావం చూపుతుందని ఓ అధ్యయనంలో వెల్లడైంది. పిల్లలు ఆలస్యంగా నిద్రపోతున్నారా? అయితే ఈ అలవాటు మంచిది కాదు. నిద్రపోయేటప్పుడు స్థిరమైన సమయాన్ని పాటించకపోతే చదువులో వెనకబడినట్లు కాలేజీ విద్యార్థులపై ఇటీవల జరిపిన అధ్యయనంలో తేలింది. అధ్యయనంలో భాగంగా హార్వర్డ్ కాలేజీకి చెందిన 61 మంది విద్యార్థుల నిద్ర షెడ్యూల్ కోసం ఆన్‌లైన్ డైరీని 30 రోజులు పరిశీలించారు. రోజు ఒకే సమయానికి నిద్రపోయే విద్యార్థులు, సమయ పాలన పాటించని విద్యార్థులు రెండు బృందాలుగా విభజించారు. వారిలో అనేక మార్పులు, తేడాలను శాస్త్రవేత్తలు గమనించారు.

వీటికి గ్రేడ్లు ఇచ్చిన పరిశోధకలు 0 నుంచి 100 రేటింగ్‌తో ఘణన సూచి రూపొందించారు. సమయ పాలన పాటిస్తూ నిద్రపోయిన విద్యార్థులు చదువుల్లో ఉత్తమ ప్రతిభ కనబరిచి 100 స్కోర్‌కు చేరువుగా ఉన్నారు. సమయ పాలన పాటించకుండా నిద్రపోయినవారు మాత్రం బాగా వెనుకబడినట్లు గుర్తించారు. క్రమ సూచిలోని 10 పాయింట్ల గణనలో విద్యార్థి జీపీఏ 0.10 సగటు పెరుగుదలను పరిశోధకులు కనుగొన్నారు. నిద్రలో సమయపాలన పాటించకపోతే ఎండోమార్ఫిన్ హార్మోన్ల విడుదల ఆలస్యమవుతున్నట్లు గుర్తించామని హార్వర్డ్ మెడికల్ స్కూల్ అసోసియేట్ ప్రొఫెసర్, అధ్యయన బృందంలో సభ్యుడు ఆడ్రూ ఫిలిప్పిస్ తెలిపారు.

శరీరం రోజువారీ గడియారం లాంటింది... ఇది అనేక జీవ సంబంధ విధులకు సహాయపడుతుందని ఆయన వ్యాఖ్యానించారు. ఈ గడియారంలోని మెలటోనిన్ ముఖ్యమైంది. సాధారణంగా శరీరం మెలటోనిన్‌ను రాత్రిపూట నిద్రపోయే సమయంలోనే సంకేతాలు పంపి, ఉత్పత్తి చేస్తుంది. ఈ హార్మోన్ విడుదల త్వరగా నిద్రపోయి మేల్కోవడంపైనే ఆధారపడి ఉంటుంది. టైమ్ జోన్‌కు అనుకూలంగా శరీరాన్ని మలచుకోవాలని అధ్యయన బృందంలోని మరో సభ్యుడు, బోస్టన్‌లోని బ్రింగ్హామ్ అండ్ ఉమెన్స్ హాస్పిటల్ వైద్యుడు చార్లెస్ సిజెస్లర్ వివరించారు. ఒకవేళ విద్యార్థికి ఉదయం 8 గంటలకు తరగతి అయితే అది అతడి జీవ గడియారంలో 5 గంటలు అవుతుంది.