ఇంట్లో ఈ నూనె స్ప్రే చేస్తే ఎలుకలు పారిపోతాయి..

ఇంట్లో ఎలుకలు ఉంటే కొత్త బట్టలు, విలువైన డాక్యుమెంట్స్, తిండి పదార్థాలు ఏవైనా సరే పాడైపోవడమే. అందుకే ముందు నుంచి ఎలుకలని ఇంట్లోకి రాకుండా జాగ్రత్తపడండి. ఒక వేళ వచ్చినా... వాటిని ఎలా బయటికి పంపాలో ఇప్పుడు చూద్దాం. రంధ్రాలు మూయడం..

ముందుగా చేయాల్సిన పనేంటంటే.. అసలు ఎలుకలు ఎక్కడ్నుంచి వస్తున్నాయో గమనించి వాటిని అక్కడ్నుంచి రాకుండా చూడాలి. తలుపులు మూసేయాలి. రంధ్రాల నుంచి వస్తే వాటిని క్లోజ్ చేయాలి. ఇలా కొన్ని రోజుల వరకూ బయటి నుంచి ఎలుకలు లోపలికి రాకుండా చూసుకోవాలి.

క్లీన్‌గా ఉంచుకోవడం..

ఇంటిని ఎప్పటికప్పుడు క్లీన్ చేస్తుండాలి. చెత్తగా ఉన్న ప్రదేశంలో ఎలుకలు ఎక్కువగా ఉండే అవకాశం ఉంది. అందుకే ఇంటిని ఎప్పటికప్పుడు క్లీన్ చేసుకోవాలి. వీటితో పాటు చెత్త డబ్బా కూడా నీట్‌గానే ఉంచుకునేలా చూసుకోండి.



లవంగం నూనె..

లవంగం నూనె ఎలుకలికి అస్సలు పడదు. దీనిని భరించలేక ఎలుకలే బయటికి వెళ్ళిపోతాయి. అందుకోసం కాటన్ బాల్స్ తీసుకుని వాటిని పిప్పర్‌మెంట్ నూనెలో ముంచి ఇంట్లో ఎలుకలు తిరిగే చోట పెట్టండి. దీని వల్ల అవి ఇంట్లో నుంచి పారిపోతాయి..

Also Read : AC Repair : ఏసి వాడినప్పుడు ఈ ప్రాబ్లమ్ ఉంటే కచ్చితంగా రిపేర్ చేయించాలి..

ఉల్లిపాయలు..

ఉల్లిపాయలు ఘాటు వాసన కలిగినదే.. వీటిని వాడడం వల్ల ఎలుకల ఆ ఘాటుని తట్టుకోలేక ఎలుకలే పారిపోతాయి అందుకోసం ఉల్లిపాయ ముక్కల్ని ఎలుకలు తిరిగే చోట అక్కడక్కడ పెట్టొచ్చు.

దీంతో చాలా వరకూ సమస్య దూరమవుతుంది. కావాలనుకుంటే ఉల్లిపాయల బదులు లవంగాలను కూడా వాడొచ్చు..

అమోనియా..

ఎలుకలు కూడా అమ్మోనియా వాసనని తట్టుకోలేవు. అందుకోసం మీరు నీటిలో అమోనియాని కలిపి కొద్దిగా డిటర్జెంట్ వేసి మిక్స్ చేసి ఇంట్లో అక్కడక్కడ స్ప్రే చేయండి.

ఎండు మిరపకాయలు..

ఎండు మిరపకాయల్లోని ఘాటుతనం కూడా ఎలుకల్ని దూరం చేస్తాయి. అందుకే ఎండు మిరపకాయల్ని ముక్కలుగా విరిచేసి గదుల్లోని మూలల్లో పెట్టండి. దీంతో ఎలుకలు ఇంట్లో నుంచి పారిపోతాయి. మిర్చీ ప్లేక్స్ కూడా చల్లొచ్చు.

వెల్లుల్లి..

వెల్లుల్లిని తురుములా చేయాలి దీనిని నీటిలో కలిపి ఆ నీటిని అక్కడక్కడ స్ప్రే చేయండి. దీంతో ఎలుకలు పారిపోతాయి.

Also Read : How to keep knife sharp : ఇంట్లోనే కత్తికి పదును పెట్టండిలా..

బంగాళదుంపలు..

ఎలుకలు ఎక్కువగా తిరిగే చోట బంగాళదుంపలని పెట్టండి. వీటిని తినడం వల్ల ఎలుకల సమస్య చాలా వరకూ సమస్య దూరమవుతుంది.

ఇలా చిన్న చిన్న చిట్కాలు వాడడం వల్ల చాలా వరకూ ఎలుకలు ఇంటిని వదిలి దూరమవుతాయి. కాబట్టి, ఈ టిప్స్ పాటించి చాలా వరకూ ఎలుకల సమస్యని దూరం చేసుకోండి. వీటిని వాడడం వల్ల ఎలాంటి ఇబ్బంది కూడా ఉండదు. సైడ్ ఎఫెక్ట్స్ ఉండవు.