హాల్‌ ఇలా ఉండాలి..
ఇంట్లోకి రాగానే ప్రశాంతంగా అనిపించాలంటే హాల్‌ విశాలంగా ఉండాలి. హాల్‌కు విశాలమైన లుక్‌ ఇవ్వాలంట.. అవసరం లేని వస్తువులని తీసి సోఫా సెట్ మాత్రం ఉంచితే బాగుంటుంది. కొంతమంది హాల్‌లో దివాన్‌, సోఫా రెండూ వేస్తూ ఉంటారు. ఈ రోజుల్లో మల్టీపర్పస్‌ సెట్స్‌ వస్తున్నాయి. ఇవి దివాన్‌గా, సోఫా రెండిటగా ఉపయోగపడుతున్నాయి. వీటికి స్టోరేజ్‌ అరలు కూడా వస్తున్నాయి. వీటిలో బెడ్‌షీట్లు, పిల్ల ఆటవస్తువులు స్టోర్‌ చేసుకోవచ్చు. సోఫా కుర్చీలు గోడకు పెట్టండి.. దీంతో నడవటానికి ఎక్కువ స్థలం ఉంటుంది. స్పెస్‌ పెద్దగా కూడా అనిపిస్తుంది.
బెడ్‌రూమ్‌ ఇలా..
చిన్న ఇళ్లలో సాధారణంగా బెడ్‌రూమ్‌ చిన్నగానే ఉంటుంది. ఆ ఉన్న స్థలాన్ని.. బెడ్‌ ఆక్రమిస్తుంది. బెడ్‌ కింద.. స్టోరేజ్‌ అరలు, క్యాబినెట్‌ చేయించుకుంటే.. పుస్తకాలు, ఆల్బమ్స్‌, బెడ్‌షీట్స్‌ వాటిలో పెట్టుకోవచ్చు. బయట సర్దే పని ఉండదు. బెడ్‌రూమ్‌ ఖాళీగా ఉంటుంది..(image source - pixabay)
గోడలను వాడేయండి..
చాలా మంది గోడలను ఖాళీగా వదిలేస్తూ ఉంటారు. కింద ప్రేస్‌ ఆదా చేయడానికి.. గోడలు బెస్ట్‌ ఆప్షన్‌. గోడలకు చెక్కతో చేసిన క్యూబ్స్‌ను ఏర్పాటు చేసుకోవడం ద్వారా ఆ స్థలాన్ని సద్వినియోగం చేసుకోవచ్చు. ఇంట్లో గోడలకు వేసిన రంగులకు అనుగుణంగా ఫర్నీచర్‌ని తీసుకుంటే ఇల్లు ఆకర్షణీయంగా ఉండటంతో పాటు పెద్దదిగా కనిపిస్తుంది.
అల్మరాలు ఇలా..
కొంతమంది ప్రతిగదిలో అల్మరాలు చేయించుకుంటారు. ఇలా చేస్తే.. గది చిన్నదిగా అనిపిస్తుంది.అలా కాకుండా గది మూలల్లో, గోడ వెంట అల్మారాలు అడ్డంగా గది మొత్తం ఆక్రమించేలా కాకుండా నిలువుగా ఉండే వాటిని చేయించుకోవాలి. దీంతో ఎక్కువ వస్తువులను వాటిలో సర్దేయవచ్చు. మూలకో, ఎక్కడో ఒక పక్కనే అల్మారా ఉంటుంది కాబట్టి గది విశాలంగా అనిపిస్తుంది. (image source - pixabay)
లైట్స్‌ పెట్టేయండి..
ఇంట్లో అన్ని ప్రదేశాల్లో వెలుగులు వచ్చేలా లైట్స్‌ అమర్చుకోవాలి. దీంతో ప్రతి చోట వెలుతురు చేరి ఇల్లు పెద్దగా కనిపిస్తుంది. లేదా ఇంట్లోకి సూర్యకాంతి వచ్చేలా ఎరేంజ్ చేసుకోండి. ఇంట్లో వెలుతురు ఎక్కువగా ఉంటే.. ఇళ్లు పెద్దగా అనిపిస్తుంది. (image source - pixabay)