అందరికీ అందుబాటులో జామ..
జామపండు అనేది దాదాపు అన్ని సీజన్లలో దొరుకుతుంది. మిగతా పండ్లతో పోలిస్తే ఇది తక్కువ ధరలోనే లభ్యమవుతుంది. అందుకే జామను పేదవాడి ఆపిల్ అంటారు. దీనిని తినడం వల్ల ఎన్నో ఆరోగ్య ప్రయోజనాలు ఉన్నాయి. మిగతా పండ్లతో పోలిస్తే ఇందులో ఎన్నో అద్భుత పోషకాలు ఉన్నాయి. వీటిని తినడం వల్ల అనేక ఆరోగ్య సమస్యలను దూరం పెట్టిన వారవుతాం..
జీర్ణ సమస్యలు దూరం..
జామపండులో అనేక పోషకాలు ఉన్నాయి. వీటిని తినడం వల్ల గ్యాస్ట్రిక్, అసిడిటీ వంటి సమస్యలు దూరం అవుతాయి. అదే విధంగా తీసుకున్న ఆహారం కూడా త్వరగా జీర్ణం అవుతుంది. జామచెట్టు బెరడుతో కాసిన డికాషన్ తాగడం వల్ల పొట్టోని నులిపురుగులు, ఇతర సూక్ష్మజీవులు నశిస్తాయి. తరచూ జామకాయ తినేవారిలో మలబద్ధక సమస్య దరిచేరదు. కాబట్టి.. బాగా పండిన జామ పండ్ల ముక్కలపై మిరియాల పొడి చల్లి.. కొద్దిగా నిమ్మరసం చల్లుకుని తింటే ఎంతటి మలబద్ధక సమస్య అయినా దూరం అవ్వాల్సిందేనని చెబుతున్నారు నిపుణులు. దీంతో పాటు అతిసార, విరేచనాలు దూరం అవుతాయి..
Also Read : ఈ టెక్నిక్‌తో పిల్లలు ఫోన్స్‌కి దూరంగా ఉంటారు..
నోటి దుర్వాసన దూరం..
చాలా మంది రకరకాల నోటి సమస్యలతో బాధపడుతుంటారు. చిగుళ్లు, దంత సమస్యలు, చిగుళ్ల నుంచి రక్తం కారడం వంటి సమస్యలతో బాధపడతారు. ఇలాంటి సమస్యలకు జామ ఆకులు, జామ పండ్లు మంచి పరిష్కారం చూపుతాయని చెబుతున్నారు నిపుణులు. తరచూ జామకాయ తినేవారికి చిగుళ్లు, దంతాలు బలంగా మారతాయని చెబుతున్నారు నిపుణులు. ఇందులో విటమిన్ సి అధికంగా ఉంటుంది. దీంతో చిగుళ్ల నుంచి రక్తం కారడం ఆగిపోతుంది. రోజూ రెండు, మూడు లేత జామ ఆకులు నమిలితే నోటి దుర్వాసన తగ్గిపోతుంది.
బలహీనంగా ఉన్నవారు..
చాలా మంది బలహీనంగా ఉంటుంటారు. ఇలాంటి వారు జామలోని గింజలను తిసి ఆ గుజ్జుని పాలు, తేనెతో కలిపి తీసుకోవడం చాలా మంచిదని చెబుతున్నారు నిపుణులు. ఇందులోని విటమిన్ సి, కాల్షియం శారీరకంగా దృఢంగా మార్చుతుందని చెబుతున్నారు.
గర్భిణీలకు ఎంతగానో మంచిది..
మహిళల్లో గర్భ సమయంలో వాంతుల సమస్య ఎదురవుతుంది. అలాంటప్పుడు జామ బాగా పనిచేస్తుందని చెబుతున్నారు నిపుణులు. గర్భిణుల్లో వాంతుల సమస్యను జామ దూరం చేస్తుందని చెబుతున్నారు నిపుణులు. గర్భిణీల ఆరోగ్యానికి ఎంతో మంచిది. దీంతో పాటు ఎదిగే వయసు పిల్లలకు కూడా జామ మంచిదని చెబుతున్నారు నిపుణులు.
Also Read : శృంగారం తర్వాత కచ్చితంగా నీరు తాగండి.. ఎందుకంటే..
క్యాన్సర్‌కి దూరంగా..
జామ తినడం వల్ల క్షయ, ఉబ్బసం, బ్రాంకైటీస్, గుండె బలహీనత, కామెర్లు, హైపటైటీస్, జీర్ణాశయపు అల్సర్లు, మూత్రంలో మంట వంటి సమస్యలు దూరం అవుతాయని చెబుతున్నారు నిపుణులు. ఇలాంటి సమస్యలతో బాధపడేవారు... బాగా పండిన జామ పండు తినడం వల్ల అందులోని గుజ్జు ఔషధంగా పనిచేస్తుందని చెబుతున్నారు. అదే విధంగా కాలిన గాయాలతో బాధపడేవారు.. గుజ్జును ఆ ప్రాంతంలో రాయడం వల్ల సమస్య దూరం అవుతుందని చెబుతున్నారు నిపుణులు.
Also Read : టైట్ డ్రెస్సెస్ వేస్తున్నారా..? అయితే పిల్లలు పుట్టరట..
షుగర్ పేషెంట్స్‌కి ఔషధంగా..
రోజూ జామండు తినడం వల్ల షుగర్ వంటి సమస్యలు కూడా త్వరగా తగ్గిపోతాయని చెబుతున్నారు నిపుణులు. ఈ జామపండు గుజ్జు.. అనేక సమస్యలను దూరం చేస్తుందని చెబుతున్నారు.