అల్లం..
అల్లం గురించి తెలియని వారు ఉండరు. ఎన్నో అద్భుత ఔషధ గుణాలు అల్లంలో ఉంటాయి. రోజూ మనం వేడివేడి అల్లం టీ తాగడం వల్ల ఛాతీ ఇన్ఫెక్షన్స్ దూరమవుతాయి. ఇందలో సహజ యాంటీ మైక్రోబయల్ పదార్థాలు సమస్యని దూరం చేస్తాయి.
అల్లంలో విటమిన్ సి, పొటాషియం, మెగ్నీషియం, ఐరన్ కంటెంట్ ఎక్కువగా ఉంటుంది. రోజుకి రెండు సార్లు అల్లం టీని తాగడం వల్ల కఫం తగ్గి ఛాతీలో ఇన్ఫెక్షన్ తగ్గుతుంది.
తేనె..
తేనె అనగానే నోట్లో నీరు వస్తుంటుంది. నేచురల్ షుగర్ కంటెంట్ ఉన్న తేనె మన ఆరోగ్యానికి అవసరమైన అన్ని పోషకాలని ఇస్తుంది.
అయితే, ఈ తేనెని వేడి పదార్థాలతో కలిపి సైడ్ ఎఫెక్ట్స్ వస్తాయని గుర్తుపెట్టుకోండి. దీనిని గోరువెచ్చని డ్రింక్స్‌లో మాత్రమే కలపాలి. తేనెలో యాంటీ మైక్రోబియల్ ఔషధ గుణాలు ఉన్నాయి. ఇవి శ్వాసకోశ సమస్యల్ని దూరం చేస్తుంది.
గొంతులో మంట, సమస్యని తగ్గేలా చేస్తుంది.
పిప్పర్‌మెంట్ టీ..
పిప్పర్‌మెంట్ అంటే పుదీనా.. దీనిని చాలా మంది ఇంట్లో రకరకాల వంటల్లో వాడుతూనే ఉంటారు. దీనిలో ఎన్నో గొప్ప గుణాలు ఉన్నాయి. దీనిని రెగ్యులర్‌‌గా తాగడం వల్ల దగ్గు సమస్య తగ్గుతుంది. ఇది తాజాగా దొరకని వారు మార్కెట్లో దొరికే పిప్పర్‌మెంట్ టీ బ్యాగ్స్‌ని కూడా ట్రై చేయొచ్చు.
Also Read : Cool Water without Fridge : ఫ్రిజ్ లేకుండానే నీరు చల్లగా ఉండాలంటే ఇలా చేయండి..
అల్లం రసం..
చిన్న అల్లాన్ని మెత్తగా పేస్ట్ చేసి రసం తీయాలి. ఇప్పుడు అందులో టేబుల్ స్పూన్ తేనె మిక్స్ చేసి తినండి. రోజూ దీనిని ఫాలో అవ్వడం వల్ల గొంతు ఇన్ఫెక్షన్, దగ్గు సమస్యలు దూరమవుతాయి.
Also Read : How to store Butter : వెన్న ఎక్కువ రోజులు ఫ్రెష్‌గా ఉండాలంటే ఇలా చేయండి..
ఇమ్యూనిటీని పెంచే ఉసిరి, అల్లం రసం
ఉల్లిరసం..
ఘాటుగా ఉండే ఉల్లిరసం కూడా సమస్యని దూరం చేసేందుకు హెల్ప్ చేస్తుంది. ఉల్లిపాయల్ని మెత్తగా పేస్ట్ చేసి రసం తీయాలి. దీనికి తేనె కలిపి తీసుకుంటే గొంతునొప్పి, ఛాతీలో ఇబ్బంది రెండు తగ్గిపోతాయి.
ఇవన్నీ ఇంట్లోనే దొరికే పదార్థాలు. కాబట్టి, ఈజీగా చేసుకోవచ్చు. సమస్య ఎక్కువగా ఉంటే మాత్రం కచ్చితంగా డాక్టర్‌ని సంప్రదించాలని గుర్తుపెట్టుకోండి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Relationship News and Telugu New