బరువుని దూరం చేసే డ్రింక్..
మీరు కూడా అధిక బరువు సమస్యతో బాధ పడుతున్నారా.. బరువు తగ్గాలనుకుంటున్నారా.. అయితే తప్పకుండా మీరు కూడా ఈ చిట్కాలను చూసేయండి. నిజంగా మనం ఉపయోగించే మూలికలు అద్భుతమైన లాభాలను తీసుకొస్తాయి. వంట గదిలో వాడే జీలకర్ర, మెంతులు మొదలు ఎన్నో ఆహార పదార్థాలు ఆరోగ్యాన్ని కాపాడుకునేలా చేస్తాయి. నిజంగా ఇవి జీర్ణ సమస్యలు మొదలు చర్మ సమస్యల వరకూ ఎన్నో వాటిని నయం చేస్తాయి. అలానే అధిక బరువు సమస్యతో బాధ పడే వాళ్లకు కూడా మన వంటింట్లో ఉండే వంట సామాన్లు చక్కటి ప్రయోజనాలను తీసుకొస్తాయి.
ఆరోగ్యానికి మేలు చేసే ఆహార పదార్థాలను తీసుకోవడం.. రెగ్యులర్‌గా వ్యాయామం చేయడం కూడా బరువు తగ్గించడానికి సహాయ పడుతాయి దాంతోపాటు మీరు ఈ చిట్కాను కూడా ఫాలో అయితే చక్కగా బరువు తగ్గడానికి అవుతుంది. ఈ రెసిపీ చాలా సులువైనది దీని కోసం మీరు పెద్దగా శ్రమించాల్సిన పని కూడా లేదు.
జీలకర్ర వాము సోంపు నీళ్లలో మిక్స్ చేసి రెసిపీని మనం తయారు చేసుకోవచ్చు. ఇది బరువు తగ్గడానికి బాగా సహాయ పడుతుంది. అంతే కాదండి దీని వల్ల రోగ నిరోధక శక్తిని కూడా పెంచుకోవచ్చు. ఆరోగ్యం మొత్తం అంతా కూడా ఎంతో అద్భుతంగా ఉంటుంది. అయితే మరి ఈ రెసిపీని ఎలా చేయాలి దాని వల్ల కలిగే బెనిఫిట్స్ ఏమిటి అనేది కూడా చూసేద్దాం.
జీలకర్ర వలన కలిగే లాభాలు :
జీలకర్ర గురించి చూస్తే జీలకర్రలో చాలా తక్కువ కేలరీలు ఉంటాయి. జీర్ణ సమస్యలను తొలగిస్తుంది. జీర్ణవ్యవస్థను మెరుగు పరుస్తుంది. పైగా జీలకర్రలో యాంటీ ఆక్సిడెంట్లు ఎక్కువగా ఉన్నాయి. అలానే యాంటీ ఇన్ఫ్లమేటరీ గుణాలు, యాంటీ క్యాన్సర్ గుణాలు కూడా ఇందులో ఉంటాయి. జీలకర్ర రోగనిరోధకశక్తిని కూడా పెంచగలదు. శరీరంని ఇది శుభ్రపరుస్తుంది. అలానే మెటబాలిజంను కూడా పెంచుతుంది.
Also Read : Zodiac Signs : ఈ రాశుల వారికి గొడవలంటే భయమట..
వాము వల్ల కలిగే ప్రయోజనాలు :
ఇక మనం వాము వల్ల కలిగే ప్రయోజనాలు చూస్తే ఇందులో విటమిన్స్ మినరల్స్ ఎక్కువగా ఉంటాయి. ఆయుర్వేదం కూడా వాము ఆరోగ్యానికి మంచిదని చెబుతోంది. బరువు తగ్గడానికి కూడా వాము సహాయ పడుతుంది జీర్ణ వ్యవస్థను మెరుగుపరుస్తుంది. అలానే మెటబాలిజంను కూడా పెంచుతుంది బరువు తగ్గాలనుకునే వాళ్ళు వాము ని కూడా ఉపయోగించ వచ్చు. ఊపిరితిత్తుల ఆరోగ్యానికి కూడా ఇది హెల్ప్ అవుతుంది. ఆస్తమా సమస్యతో బాధ పడే వాళ్ళకి కూడా వాము చాలా మంచిది.
Also Read : Couple Yoga : ఈ యోగా చేస్తే రొమాన్స్‌ బాగా చేస్తారట..
సోంపు వల్ల కలిగే లాభాలు :
చాలా మందికి సోంపు వల్ల కలిగే లాభాలు తెలియవు. సోంపులో యాంటీ ఆక్సిడెంట్లు ఎక్కువగా ఉంటాయి అలాగే ఫైటో న్యూట్రియంట్స్ కూడా ఉంటాయి. డైటరీ ఫైబర్ కూడా ఇందులో అధికంగా ఉంటాయి. జీర్ణ వ్యవస్థను మెరుగుపరచడానికి ఇది కూడా సహాయ పడుతుంది. జీర్ణ ప్రక్రియను బాగా చూసుకోవడానికి సోంపు ఎంతో బాగా పని చేస్తుంది సోంపు లో ఉండే యాంటీ ఆక్సిడెంట్లు ఫ్యాట్స్ మరియు కార్బోహైడ్రేట్స్‌ను బ్రేక్ చేయడానికి సహాయపడతాయి. అలానే సొంపులో డైయూరేటిక్ గుణాలు ఉంటాయి. ఒంట్లో ఉండే చెడు పదార్థాలను బయటకు పంపగలదు. సోంపు ఇది కూడా అద్భుతంగా పని చేస్తుంది కాబట్టి మీరు బరువు తగ్గడానికి దీన్ని కూడా వాడొచ్చు. ఈ విధంగా డ్రింకుని తయారు చేసుకుని ఉదయాన్నే తాగండి :
Also Read : Monkeypox : వామ్మో.. శృంగారంతో కూడా మంకీపాక్స్ వస్తుందట..
డ్రింక్ ఎలా తయారు చేయాలంటే..
కావాల్సిన పదార్థాలు..
- ఒక టేబుల్ స్పూన్ జీలకర్ర
- ఒక టేబుల్ స్పూన్ సోంపు
- ఒక టేబుల్ స్పూన్ వాము
- ఒక కప్పు వేడి నీళ్లు
తయారీ విధానం..
ఒక కప్పు వేడి నీళ్ళు తీసుకుని అందులో జీలకర్ర, వాము మరియు సోంపు వేసి నానబెట్టండి. అయితే ఇది ముందు రోజు మనం ప్రిపేర్ చేసుకోవాలి. రాత్రంతా కూడా దీనిని అలా వదిలేయాలి. అప్పుడు నీళ్లు మొత్తం వీటిలో ఉండే గుణాలని పీల్చుకుంటూ ఉంటాయి దానితో తర్వాత రోజు మీరు తాగాక చక్కని ప్రయోజనం పొందవచ్చు.
అయితే రాత్రి ఈ విధంగా నానబెట్టుకుని ఉదయాన్నే నీటిని వడకట్టేసేయండి. ఆ నీళ్లలో కొంచెం తేనె వేసుకుంటే రుచి బాగుంటుంది. వద్దు అనుకుంటే మీరు దీనిని స్కిప్ చేయొచ్చు. ఉదయాన్నే మీరు లేచిన తర్వాత ఖాళీ కడుపుతో ఈ డ్రింక్‌ను తీసుకోండి. దాంతో చక్కగా మీరు బరువు తగ్గడానికి అవుతుంది. చాలా మంది బరువు తగ్గడం కోసం వివిధ రకాల పద్ధతులు కోసం చూస్తున్నారు. మీరు కూడా చాలా రకాలుగా ప్రయత్నాలు చేసి విసిగి పోతే ఈ డ్రింక్ ని మీరు ట్రై చేయండి. చక్కటి లాభాలను దీనివల్ల పొందొచ్చు సులభంగా బరువు తగ్గడానికి కూడా ఈ రెసిపీ మీకు హెల్ప్ అవుతుంది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.