గిలోయ్ జ్యూస్..
గిలోయ్ ఓ మూలిక, గిలోయ్ రసం జీవక్రియను మెరుగుపరుస్తుంది. ఇమ్యూనిటీని పెంచుతుంది. ఇది డెంగ్యూతో పోరాడేందుకు మీకు సాయపడుతుంది. మీరు గిలోయ్ రెండు చిన్న కాడలను ఓ గ్లాసు నీటితో ఉడకబెట్టి ఆ నీటిని వడకట్టి గోరువెచ్చగా ఉన్నప్పుడే తాగండి. అయితే గిలోయ్ జ్యూస్ ఎక్కువగా తాగొద్దని గుర్తుపెట్టుకోండి.
బొప్పాయి ఆకుల జ్యూస్..
బొప్పాయి ఆకు రసం ప్లేట్‌లెట్ కౌంట్‌ని పెంచేందుకు ఓ బెస్ట్ డ్రింక్. ఇది డెంగ్యూని తగ్గిస్తుంది. మీ ఇమ్యూనిటీని బలంగా చేయడానికి కూడా సాయపడతుంది. కొన్ని బొప్పాయి ఆకులును తీసుకుని వాటిని చూర్ణంగా చేసి రసం తీయాలి. బొప్పాయి ఆకుల రసాన్ని రోజుకు రెండుసార్లు కొద్దిగా తీసుకోవాలి.
Also Read : STI : శృంగారం అలా చేస్తే ఈ జబ్బులు వస్తాయట..
జామపండు జ్యూస్..
జామపండులో విటమిన్ సి పుష్కలంగా ఉంటుంది. ఇది ఇమ్యూనిటీని పెంచుతుంది. ప్యాకేజ్డ్ జ్యూసెస్ బదులు వీటిని తాగడం మంచిదని తెలుసుకోండి. జ్యూస్ బదులు జామపండు కూడా తినొచ్చు.
Also Read : Winter Foods : చలికాలంలో ఏ కూరగాయలు తింటే మంచిదంటే..
తులసి రసం..
సాధారణంగా డెంగ్యూని తగ్గించేందుకు తులసి ఆకులని వాడతారు. ఇది ఇన్ఫెక్షన్‌తో పోరాడేందుకు, త్వరగా కోలుకోవడానికి సాయపడుతుందని చెబుతారు. తాజా తులసి ఆకులను నీటిలో వేసి మరిగించి వడకట్టండి. కావాలనుకుంటే కాస్తా నిమ్మరసం, తేనె వేసుకుని టీలా తాగొచ్చు.
Also Read : Blood Sugar Levels : ఈ తప్పుల వల్లే రక్తంలో షుగర్ లెవల్స్ పెరుగుతాయట..
కాకరకాయ జ్యూస్..
కొన్ని అధ్యయనాల ప్రకారం, కాకర రసం డెంగ్యూ వైరస్‌కి వ్యతిరేకంగా పనిచేస్తుంది. అందుకోసం దీనిని తాగాలి. దీనిని తయారు చేసేందుకు ముందుగా కాకరకాయని ముక్కలుగా కట్ చేసి. ఓ గ్లాసు నీరు వేసి కలపండి. మరిగించండి. కాసేపటికి మంట ఆర్పేయండి. జ్యూస్ చిక్కగా కాస్తా నీటిని కలపండి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
- Read More : Relationship News and Telugu News